သမ္မတရုံးဝန်ကြီး ဦးစိုးသိန်းနဲ့ နယူးယောက် မြန်မာမိသားစုများ တွေ့ဆုံပွဲ

မြန်မာ သမ္မတရုံးဝန်ကြီး ဦးစိုးသိန်းနဲ့ နယူးယောက် မြန်မာမိသားစုများ တွေ့ဆုံပွဲကို ၂၀၁၂၊ စက်တ်ဘာ ၂၉ ရက်နေ့ ည ၇ နာရီမှ ၉ နာရီခွဲအထိ ကျင်းပခဲ့ရာ ပရိသတ် ၈၀ ကျော် တက်ရောက်ခဲ့ပါတယ်။ ဦးစိုးသိန်းနဲ့အတူ မြန်မာသမ္မတအကြံပေးအဖွဲ့ဝင်များ ဖြစ်ကြတဲ့ ဒေါက်တာ ကျော်ရင်လှိုင်နဲ့ ဦးလှမောင်ရွှေ၊ အမေရိကန်နိုင်ငံဆိုင်ရာ မြန်မာ သံအမတ်ကြီး ဦးသန်းဆွေတို့ တက်ရောက်ခဲ့ပါတယ်။

ထို ဆွေးနွေးပွဲကို သမ္မတအကြံပေးတဦးဖြစ်တဲ့ ဦးလှမောင်ရွှေက စီစဉ်ခဲ့တာ ဖြစ်ပြီး မြန်မာနိုင်ငံကို မကြာမီက ပြန်သွားခဲ့တဲ့ ဒေါက်တာနိုင်အောင်နဲ့ ဒေါက်တာသောင်းထွန်း၊ Myanmar US Chamber of Commerce ဥက္ကဋ္ဌ William H. Su (ဦးသိန်းဟန်)၊ Open Society Institute က ဦးဇော်ဇော်၊ ကိုလံဘီယာတက္ကသိုလ်တွင် ပညာသင်ကြားနေတဲ့ မြန်မာလူငယ်များ အပါအ၀င် ပရိသတ် ၈၀ ကျော် တက်ရောက်ခဲ့ပါတယ်။

ထို ဆွေးနွေးပွဲတွင် ဦးစိုးသိန်းက လက်ရှိ မြန်မာအစိုးရ လုပ်ကိုင်နေတဲ့ ပြုပြင်ပြောင်းလဲမှုများနဲ့ ပတ်သက်ပြီး ပွင့်ပွင့်လင်းလင်း ပြောကြားခဲ့ပါတယ်။ ထိုသို့ ပြောကြားရာတွင် “လွန်ခဲ့တဲ့ တနှစ်ခွဲလောက်က ခင်ဗျားတို့ လာပြောရင် ဒီနေ့ အခြေအနေဟာ လုံးဝ မဖြစ်နိုင်ဘူးလို့ ပြောမယ်။ ဒါပေမယ့် ဒီနေ့ ဒီလို ဖြစ်လာတယ်၊ အများကြီး ပြောင်းလဲ လာတယ်။“ လို့ ဆိုပါတယ်။

ထို့အပြင် မြန်မာနိုင်ငံ ပြုပြင် ပြောင်းလဲရေးလုပ်ငန်းများအား သေသေချာချာ ရှင်းပြခဲ့သလို ပြည်ပနိုင်ငံများတွင် နိုင်ငံသားခံယူထားတဲ့ မြန်မာနိုင်ငံသားများ မြန်မာနိုင်ငံတွင် ပြန်လည် အခြေချပြီး လုပ်ကိုင်နိုင်ရန် အမြဲတမ်းနေထိုင်ခွင့် (Permanent Resident) ကိစ္စ ဆောင်ရွက်နေကြောင်းလည်း ပြောသွားပါတယ်။ ထို့အတူ မြန်မာနိုင်ငံ ပြုပြင် ပြောင်းလဲရေးအတွက် လုပ်ကိုင်ရန် အများကြီး လိုအပ်နေကြောင်း၊ ဒါ့ကြောင့် ပြည်ပရောက် မြန်မာနိုင်ငံသားများအနေနဲ့ မြန်မာနိုင်ငံကို ပြန်လာပြီး လုပ်ငန်းများ လုပ်ကိုင်စေလိုကြောင်း ဖိတ်ခေါ်သွားပါတယ်။

နယူးယောက်ဒေသတွင် နေထိုင်တဲ့ မြန်မာနိုင်ငံသားများက မေးခွန်းများ ပြန်လည် မေးမြန်းကြတဲ့အခါ ငြိမ်းချမ်းရေးလုပ်ငန်းစဉ်များ အခြေအနေ၊ ရင်းနှီးမြှုပ်နှံမှုများ လုပ်ကိုင်နိုင်ခြေ၊ ပညာရေးလုပ်ငန်းများတွင် အကူအညီ ပေးနိုင်တဲ့ အခြေအနေ၊ နိုင်ငံရေး အကျဉ်းသားကိစ္စများသာမက ပြုပြင် ပြောင်းလဲရေးလုပ်ငန်းများနဲ့ ပတ်သက်တဲ့ အမြင်များ၊ သိလိုတဲ့ အချက်အလက်များကို မေးမြန်းသွားခဲ့ရာ ၀န်ကြီး ဦးစိုးသိန်းက ရှင်းလင်း ပြောကြားသွားသလို ဒေါက်တာကျော်ရင်လှိုင်၊ ဦးလှမောင်ရွှေတို့ကလည်း ဖြည့်စွက် ပြောကြားသွားပါတယ်။

တော်လှန်ရေးကောင်စီ အာဏာသိမ်းခဲ့တဲ့ ၁၉၆၂ မတ်လ ၂ ရက်နေ့မှ စတင်ပြီး ဒီကနေ့အချိန်အထိ မြန်မာထိပ်တန်းခေါင်းဆောင်များအနေနဲ့ ပြည်ပရောက် မြန်မာအသိုင်းအ၀ိုင်းနဲ့ တွေ့ဆုံကာ ပွင့်ပွင့်လင်းလင်း ပြောကြားခြင်း မရှိသလောက် နည်းပါးခဲ့ပါတယ်။ သို့သော်လည်း သမ္မတဦးသိန်းစိန်ရဲ့ အမေရိကန်ပြည်ထောင်စု ခရီးစဉ်အတွင်းမှာတော့ ၀ါရှင်တန် ဒီစီနဲ့ နယူးယောက်မြို့များရှိ မြန်မာအသိုင်းအ၀ိုင်းနဲ့ မြန်မာ ထိပ်တန်း တာဝန်ရှိသူများ တွေ့ဆုံကာ အစိုးရရဲ့လုပ်ငန်းဆောင်တာများ၊ ရှေ့လုပ်ငန်းစဉ်များကို ရင်းရင်းနှီးနှီး ပြောကြားခဲ့ကြတာကို တွေ့ရပါတယ်။

ဝန်ကြီး ဦးစိုးသိန်းနဲ့ တွေ့ဆုံပွဲကတဆင့် မြန်မာပြည် ပြုပြင် ပြောင်းလဲရေးအတွက် ဆောင်ရွက်ဘွယ်ရာ လုပ်ငန်းများစွာ ကျန်ရှိနေသေးကြောင်း နားလည်လိုက်ရသလို မြန်မာပြည်တွင်းက ပြုပြင်ပြောင်းလဲရေး လိုလားသူများအနေနဲ့ ကိုယ်စွမ်းဉာဏ်စွမ်း ရှိသလောက် ဆောင်ရွက်နေကြောင်း သိလိုက်ရပါတယ်။
သတင်း - သမ္မတရုံးဝန်ကြီး ဦးစိုးသိန်းနဲ့ နယူးယောက် မြန်မာမိသားစုများ တွေ့ဆုံပွဲ - Sep 30 2012 04:30 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005