နယူးယောက်မြို့ Asia Society က မြန်မာသမ္မတ ဦးသိန်းစိန်ရဲ့ ဆွေးနွေးပွဲ
Asia Society Video

Asia Society Video

မြန်မာသမ္မတ ဦးသိန်းစိန်ရဲ့ ဆွေးနွေးပွဲတခု အမေရိကန်ပြည်ထောင်စု၊ နယူးယောက်မြို့ Asia Society တွင် ၂၀၁၂ စက်တင်ဘာ ၂၇ ရက်နေ့က ကျင်းပခဲ့ပါတယ်။ ထို ဆွေးနွေးပွဲမှာ ဦးသိန်းစိန်အနေနဲ့ ပဏာမစကားအနည်းငယ်ကိုသာ ပြောကြားသွားပြီး ပရိသတ်က သိလိုတဲ့ မေးခွန်းများကို ဖြေကြားသွားခဲ့ပါတယ်။

ထို အခမ်းအနားမှာ ဦးသိန်းစိန်နဲ့အတူ ၀န်ကြီးများ ဖြစ်ကြတဲ့ ဒုတိယဗိုလ်ချုပ်ကြီး သိန်းဋ္ဌေး၊ ဦးစိုးသိန်း၊ ဦးခင်ရီ၊ ဒုတိယ၀န်ကြီး ဦးဝင်းမြင့်တို့ တက်ရောက်ခဲ့ပါတယ်။

ထို ဆွေးနွေးပွဲမှာ ဦးသိန်းစိန်က မြန်မာဘာသာနဲ့ ပြောကြားခဲ့ပြီး တာဝန်ရှိသူတဦးက ဘာသာပြန် ပေးခဲ့ပါတယ်။ မေးမြန်းကြတဲ့ မေးခွန်းများထဲတွင် ကချင်အရေးကိစ္စ၊ ရခိုင်ပဋိပက္ခ၊ ဒေါ်အောင်ဆန်းစုကြည် အခန်းကဏ္ဍ၊ ကျန်းမာရေးကဏ္ဍ ပြောင်းလဲမှု၊ ပြည်ပရောက် မြန်မာနိုင်ငံသားများအရေး၊ ဦးသိန်းစိန် နောက်ထပ်သက်တမ်း ဆက်လက် တာဝန်ထမ်းဆောင်မှာလား စသည်ဖြင့် ပါဝင်ခဲ့ပါတယ်။

မေးခွန်းများကို ပြန်လည် ဖြေကြားတဲ့အခါ ပြုပြင်ပြောင်းလဲရေး လုပ်ငန်းစဉ် အပါအ၀င် အချို့ကိစ္စများဟာ အစိုးရအာဘော်သတင်းစာများတွင် ဖော်ပြထားတဲ့အတိုင်း ဖြေကြားသွားပါတယ်။ ဒေါ်အောင်ဆန်းစုကြည်နဲ့ ပတ်သက်ပြီး ပြောကြားရာမှာ ဦးသိန်းစိန်က “သူ့အနေနဲ့က ကျွန်တော်တို့နဲ့ လက်တွဲပြီးတော့မှ ပြုပြင်ပြောင်းလဲရေးလုပ်ငန်းတွေကို အားသွန်ခွန်စိုက်နဲ့ ဆောင်ရွက်မယ့်သူတဦးဖြစ်တယ်လို့ ကျွန်တော်တို့ ယုံကြည်ထားပါတယ်။ သူလည်း ပေးအပ်လာတဲ့ တာဝန်၊ ကျရာအခန်းကဏ္ဍကနေပြီးတော့ ကျွန်တော်တို့နဲ့ ပူးပေါင်းပြီးတော့ ဆောင်ရွက်သွားဖို့ စိတ်ဆန္ဒ ရှိတယ်လို့ ကျွန်တော်တို့ ဒီအတိုင်း ယုံကြည်ထားပါတယ်။“ လို့ ဖြေကြားပြီး ကျန်းမာရေးကဏ္ဍ ပြောင်းလဲမှုကိုတော့ ကျန်းမာရေးဝန်ကြီးဌာန ဒုတိယ၀န်ကြီး ဦးဝင်းမြင့်က ဖြေဆိုကာ ပြည်ပရောက် မြန်မာနိုင်ငံသားများအား မြန်မာပြည်တွင် အမြဲတမ်းနေထိုင်ခွင့် (Perment Resident) စနစ်အတွက် ပြင်ဆင်နေကြောင်း ဦးခင်ရီက ပြောပါတယ်။ ထို ဆွေးနွေးပွဲကတဆင့် ဦးသိန်းစိန်အနေနဲ့ အခြေအနေပေးရင် နောက်ထပ် သမ္မတသက်တမ်းတခု ဆက်ပြီး တာဝန် ထမ်းဆောင်လိမ့်ဦးမယ်လို့ သိလိုက်ရပါတယ်။

အမှန်အတိုင်း ပြောရရင် ဦးသိန်းစိန်ရဲ့ ဆွေးနွေးပွဲကို အတော်လေး စိတ်ရှည်လက်ရှည်နဲ့ နားထောင်ရပါတယ်။ ဘာ့ကြောင့်ဆိုတော့ ဦးသိန်းစိန်က မြန်မာလို ပြောတာကို ဘာသာပြန်တာ စောင့်နေရ၊ မေးတဲ့ မေးခွန်းကို ဦးသိန်းစိန်အား ဘာသာပြန်ပေးတာ စောင့်နေရတဲ့အပြင် ချက်ခြင်း ဘာသာပြန်ပြီး ပြောတဲ့ အင်္ဂလိပ်စကားကို နားထောင်ရတာ အတော့်ကို အဆင်မချောလှပါဘူး။ ကျွန်တော်တို့ မြန်မာတွေ အင်္ဂလိပ်စာ ညံ့တာ အားလုံး သိပြီးသား ဖြစ်ပေမယ့် နယူးယောက်လိုနေရာမှာ နိုင်ငံတော်အဆင့် အင်္ဂလိပ်လို ပြောတဲ့အခါ ဒီထက် ပိုမို ချောချောမောမော ပြောနိုင်သူတဦးက ဘာသာပြန်ပေးရင် ပို ကောင်းမလားလို့ နားထောင်နေရတဲ့ တချိန်လုံး တွေးနေမိပါတယ်။ (ဘာသာပြန်ပေးသူ ညံ့တယ်လို့ ပြောတာ မဟုတ်ပါ။ အမေရိကန်တွေကို ပြောတဲ့အခါ အမေရိကန်အင်္ဂလိပ်စကားပြောနဲ့ ပြောနိုင်ရင် ပိုကောင်းမယ်လို့ တွေးမိတာပါ။) ကျန်တဲ့ ၀န်ကြီးတွေကတော့ အဆင်ပြေတဲ့ အင်္ဂလိပ်စကားပြောနဲ့ ဖြေကြားသွားခဲ့ပါတယ်။

ဦးသိန်းစိန်တို့ Asia Society မှာ ဆွေးနွေးပွဲ ကျင်းပတဲ့နေ့မှာ တိုက်တိုက်ဆိုင်ဆိုင်ဆိုသလို ဒေါ်အောင်ဆန်းစုကြည်က အမေရိကန်တွေရဲ့ ထိပ်တန်းတက္ကသိုလ်နှစ်ခု ဖြစ်တဲ့ ယေးနဲ့ ဟားဗက်တက္ကသိုလ်ကျောင်းသားတွေကို မြန်မာနိုင်ငံနဲ့ ပတ်သက်တဲ့ ကိစ္စတွေ ရှင်းလင်း ပြောဆိုနေခဲ့ပါတယ်။

ဦးသိန်းစိန်နဲ့ ဒေါ်အောင်ဆန်းစုကြည်ရဲ့ အမေရိကန်ပြည်ထောင်စု ခရီးစဉ်ဟာ လက်ရှိ မြန်မာနိုင်ငံရဲ့ ပြုပြင်ပြောင်းလဲမှုတွေကို အမေရိကန်ပြည်သူတွေ၊ အမေရိကားရောက် မြန်မာနိုင်ငံသားတွေကို ရှင်းလင်း ပြောကြားတဲ့ ခရီးစဉ်၊ တနည်းအားဖြင့် အစိုးရနဲ့ ဒေါ်အောင်ဆန်းစုကြည် ဆောင်ရွက်နေတာတွေကို ရှင်းပြတဲ့ ခရီး၊ ထောက်ခံမှုရအောင် ကြိုးစားတဲ့ခရီးလို့ ပြောရင် မှားမယ် မထင်ပါ။


သတင်း - နယူးယောက်မြို့ Asia Society က မြန်မာသမ္မတ ဦးသိန်းစိန်ရဲ့ ဆွေးနွေးပွဲ - Sep 28 2012 08:00 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005