သွင်းကုန်ဆိုင်ရာ ပိတ်ဆို့မှု ဖြေလျော့မယ် လို့ ဟယ်လာရီ ကလင်တန် ပြော

အမေရိကန်နိုင်ငံခြားရေး ဟယ်လာရီကလင်တန်က “မြန်မာပြည်က အမေရိကန်ပြည်ထောင်စုကို တင်သွင်းတဲ့ ကုန်ပစ္စည်းများနဲ့ ပတ်သက်တဲ့ သွင်းကုန်ဆိုင်ရာ ပိတ်ဆို့မှုများကို ဖြေလျော့ပေးမှာ ဖြစ်ကြောင်း“ မြန်မာသမ္မတ ဦးသိန်းစိန်နဲ့ နယူးယောက်မြို့ Waldorf Astoria Hotel ၌ ၂၀၁၂၊ စက်တင်ဘာ ၂၆ ရက်နေ့တွင် တွေ့ဆုံစဉ် ပြောကြားလိုက်ပါတယ်။

၂၀၀၃ ခုနှစ် ဒီပဲယင်း လူသတ်မှု ဖြစ်ပွားပြီးနောက်ပိုင်း အမေရိကန်ပြည်ထောင်စုက မြန်မာ စစ်အစိုးရအပေါ် တင်းကြပ်တဲ့ စီးပွားရေး ပိတ်ဆို့ ဒဏ်ခတ်မှုများ တခုပြီးတခု ပြုလုပ်ခဲ့ပါတယ်။ ထိုသို့ ပိတ်ဆို့မှုများ စတင်စဉ်ကာလက စီးပွားရေး ပိတ်ဆို့မှုများကို အရေးမစိုက်ကြောင်း မြန်မာ စစ်အာဏာရှင် လူတစုက ပြောဆိုခဲ့သော်လည်း ၂၀၀၉ - ၂၀၁၀ ကာလများမှာတော့ မြန်မာနိုင်ငံ ဆင်းရဲ မွဲတေမှုဟာ စီးပွားရေး ပိတ်ဆို့မှုကြောင့် ဖြစ်ကြောင်း မြန်မာအာဏာရှင် အသိုင်းအ၀ိုင်းအတွင်း ပြောဆိုလာခဲ့ကြပါတယ်။

၁၉၈၈ ခုနှစ် အာဏာသိမ်းမှုမှ စတင်ကာ မြန်မာစစ်အစိုးရလက်ထက်တလျောက် အမေရိကန်နဲ့ မြန်မာပြည်တို့ရဲ့ ဆက်ဆံရေး အခြေအနေ အဆင်မပြေခဲ့သော်လည်း ၂၀၁၀ ရွေးကောက်ပွဲ မတိုင်မီကာလနောက်ပိုင်း အမေရိကန်နဲ့ မြန်မာအာဏာပိုင်တွေရဲ့ ဆက်ဆံရေးများ ပိုမို ချောမွေ့လာခဲ့ပါတယ်။ နောက်ဆုံးမှာ မြန်မာပြည်တွင် အမေရိကန်လုပ်ငန်းရှင်များ စီးပွားရေး လုပ်ကိုင်ရန် ဆွေးနွေးမှုများလည်း ရှိလာခဲ့သလို အမေရိကန်ဘက်က မြန်မာပြည်အား သံတမန်အဆင့် ပြန်လည် ဆက်ဆံလာခဲ့ပါတယ်။

အမေရိကန်ရဲ့ ပိတ်ဆို့မှုများထဲမှာ မြန်မာပြည်နဲ့ ငွေကြေး ဆက်ဆံမှု မပြုလုပ်ရန်၊ မြန်မာ စစ်အာဏာရှင်များရဲ့ ပိုင်ဆိုင်မှုများအား ထိမ်းချုပ်ရန်၊ မြန်မာထုတ်ကုန်ပစ္စည်းများအား တင်သွင်းခွင့် မပြုရန်၊ မြန်မာပြည်အား ထောက်ပံ့မှု မပေးရန်၊ မြန်မာပြည်နဲ့ ကုန်သွယ်မှု မပြုလုပ်ရန်၊ မြန်မာအာဏာရှင်များအား ပြည်ဝင်ခွင့် ပိတ်ပင်ရန် အစရှိသဖြင့် ပါဝင်ခဲ့ပါတယ်။

ထိုသို့ ပိတ်ပင်မှုများ ရှိခဲ့သော်လည်း ပြုပြင် ပြောင်းလဲရေးလုပ်ငန်းများ တဆင့်ပြီးတဆငင့် လုပ်ဆောင်မယ်ဆိုပါက အမေရိကန်တို့ရဲ့ ပိတ်ဆို့မှုတွေကို တဆင့်ပြီးတဆင့် ဖြေလျော့မှာ ဖြစ်ကြောင်း အမေရိကန်ဘက်က ထုတ်ဖော် ပြောကြားခဲ့ပြီးနောက် မြန်မာသမ္မတ ဦးသိန်းစိန်ကလည်း ပြုပြင် ပြောင်းလဲရေး လုပ်ငန်းစဉ်များကို တခုပြီးတခု လုပ်ဆောင်လာခဲ့ပါတယ်။

ဦးသိန်းစိန် အမေရိကန်ပြည်ထောင်စုကို မလာရောက်မီ အမေရိကန်ဘက်က ဦးသိန်းစိန်ကို ဗီဇာပိတ်ဆို့မှု ဖယ်ရှားပေးခဲ့ပါတယ်။ အခုတခါ အမေရိကန်နိုင်ငံခြားရေးဝန်ကြီး ဟယ်လာရီကလင်တန်နဲ့ ဦးသိန်းစိန်တို့ နယူးယောက်တွင် တွေ့ဆုံစဉ် သွင်းကုန်ဆိုင်ရာ ပိတ်ဆို့မှု ဖြေလျော့ပေးမှာဖြစ်ကြောင်း ဟယ်လာရီက ပြောကြားခဲ့ခြင်း ဖြစ်ပါတယ်။
သတင်း - သွင်းကုန်ဆိုင်ရာ ပိတ်ဆို့မှု ဖြေလျော့မယ် လို့ ဟယ်လာရီ ကလင်တန် ပြော - Sep 27 2012 01:45 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005