ဦးကျော်သူ၊ ဒေါ်ရွှေဇီးကွက်နဲ့ နယူးယောက်မိသားစု တွေ့ဆုံမှုနဲ့ ပြည်သူ့ဂုဏ်ရည်အဖွဲ့ ဈေးရောင်းပွဲ

အမေရိကန်ပြည်ထောင်စုကို ခေတ္တ ရောက်ရှိနေတဲ့ နာရေးကူညီမှုအသင်း ဥက္ကဋ္ဌ ဦးကျော်သူ၊ ဇနီး ဒေါ်ရွှေဇီးကွက်တို့နဲ့ နယူးယောက် မြန်မာအသိုင်းအ၀ိုင်းတို့ တွေ့ဆုံပွဲနဲ့ ပြည်သူ့ဂုဏ်ရည်အဖွဲ့ နယူးယောက်ဌာနခွဲ ရန်ပုံငွေ ဈေးရောင်းပွဲကို ၂၀၁၂ မေ ၂၀ ရက်နေ့က နယူးယောက်မြို့ ကွင်းစ်အရပ်ရှိ မူလတန်းကျောင်းတကျောင်းတွင် ကျင်းပခဲ့ပါတယ်။

ထိုပွဲကို ပရိသတ် ခြောက်ရာကျော် တက်ရောက်ခဲ့ပြီး ဦးကျော်သူနဲ့ ဒေါ်ရွှေဇီးကွက်တို့ ရောက်ရှိချိန် ဈေးရောင်းချတဲ့ မုန့်ဈေးတန်းကို လှည့်လည်ကြစဉ်မှာ လူများ တိုးမပေါက်အောင် ဖြစ်ခဲ့ကြောင်း သိရပါတယ်။ ဈေးရောင်းပွဲတွင် အလှူရှင်များက မြန်မာ့ရိုးရာ စားသောက်ဖွယ်ရာများကို ဒါနကုသိုလ်ဖြင့် ရောင်းချခဲ့ပြီး မိမိ စိုက်ထုတ်ငွေရင်းရော၊ ရောင်းချရငွေများကိုပါ ပြည်သူ့ဂုဏ်ရည်အဖွဲ့ (နယူးယောက်ဌာနခွဲ) ကို လှူဒါန်းခဲ့ကြသလို နာရေးကူညီမှုအသင်း (ရန်ကုန်) အတွက်ပါ အလှူငွေများ လှူဒါန်းခဲ့ရာ နာရေး ကူညီမှုအသင်း (ရန်ကုန်) အတွက် အလှူငွေ အမေရိကန်ဒေါ်လာ ၁၅,၇၅၈ နဲ့ ပြည်သူ့ဂုဏ်ရည်အသင်းအတွက် အလှူငွေ အမေရိကန်ဒေါ်လာ ၁၀,၇၉၀ ရရှိကြောင်း သတင်းရရှိပါတယ်။

ဈေးရောင်းပွဲအပြီး ကျင်းပတဲ့ ဦးကျော်သူ၊ ဒေါ်ရွှေဇီးကွက်တို့နဲ့ နယူးယောက်မိသားစု တွေ့ဆုံပွဲတွင် အခမ်းအနားမှူးအဖြစ် မချောအိသိမ်းက ဆောင်ရွက်ကာ မြို့ခံ အဖွဲ့အစည်းများက သူတို့ရဲ့ လူမှုရေးလုပ်ငန်းများအကြောင်း ရှင်းလင်း ပြောကြားခြင်း၊ ဒေါ်ရွှေဇီးကွက်နဲ့ ဦးကျော်သူက နာရေး ကူညီမှုအသင်း (ရန်ကုန်) အကြောင်း ရှင်းလင်း တင်ပြခြင်းများ ပြုလုပ်ခဲ့ကြပါတယ်။


သတင်း - ပြည်သူ့ဂုဏ်ရည် နာရေး ကူညီမှုအသင်း (ရန်ကုန်) ဦးကျော်သူ ဒေါ်ရွှေဇီးကွက် နယူးယောက် - May 27 2012 05:56 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005