အရေးပေါ်အတွက် ပေးဆပ်မှုများ

ပူပြင်းလှသည့် နွေရာသီရက်များ စိပ်လာသည်နှင့်အမျှ မြန်မာပြည် အလယ်ပိုင်းနှင့် ပင်လယ်နှင့် နီးစပ်သော ရေချိုလိုအပ်မှု အခက်အခဲပြဿနာတွေ ကြားနေရသည်မှာ တနေ့ထက်တနေ့ ပိုမို များပြားလာတော့သည်။ သောက်သုံးရေ ပေါများလှသည့် မြန်မာပြည်အောက်ပိုင်းဒေသများတွင် ယခုအချိန်တွင် “ရေအသက် တမနက်” ဆိုသလို ၂ဝ၁၂ ခုနှစ် မတ်လ၊ ဧပြီလမှ စတင်၍ သောက်သုံးရေ ရှားပါးပြတ်လပ်မှုနှင့် ရင်ဆိုင်နေကြရသည့်အတွက် နာရေး ကူညီမှုအသင်း (ရန်ကုန်) သို့ လာရောက်၍ အကူအညီ တောင်းခံကြသော ရေရှားပါးသည့် မြို့နယ်၊ ကျေးရွာဒေသများရှိ ရေတွင်း၊ ရေကန်များ သောက်သုံးရေအတွက် အလှူခံထားရှိသော အရပ်ဒေသများသို့ နာရေးကူညီမှုအသင်း (ရန်ကုန်) မှ အသင်းသား/သူများတို့သည် ကွင်းဆင်း လေ့လာမှုများနှင့်အတူ အရေးပေါ် လိုအပ်နေသော သောက်ရေများ ရရှိနိုင်အောင် အမြန်ဆုံး စီစဉ် ဆောင်ရွက်ကာ အလျင်မြန်ဆုံး ကူညီ ဆောင်ရွက်မှုများ ပြုလုပ်ခဲ့တော့သည်။

၁၄၊ ၅၊ ၂ဝ၁၂ ရက်နေ့မှ စတင်၍ နာရေး ကူညီမှုအသင်း (ရန်ကုန်) သည် အရေးပေါ် သောက်ရေ လိုအပ်နေသည့် ကျေးရွာများဖြစ်သည့် ရန်ကုန်တိုင်း၊ ဒလမြို့နယ်၏ အစွန်ဆုံးပိုင်း၌ တည်ရှိသည့် ခနောင် ချောင်းဝနှင့် ခနောင် မီးခြစ်စက်ကျေးရွာသို့ နာရေး ကူညီမှုအသင်း (ရန်ကုန်) မှ ဒု - ဥက္ကဋ္ဌ ဒေါ်သန်းမြင့်အောင်၊ အလုပ်အမှုဆောင်များနှင့် အသင်းသား/သူများတို့သည် စက်လှေ မော်တော်ယာဉ်ကြီးဖြင့် နေ့စဉ်နီးပါး သွားရောက်၍ လှူဒါန်းခဲ့ရာ ၁၇၊ ၅၊ ၂ဝ၁၂ ရက်နေ့ထိ ရေဂါလံပေါင်း (၈၁,ဝဝဝ) အား သောက်ရေများ လှူဒါန်း နိုင်ခဲ့သလို ဒလမြို့နယ်တွင်းရှိ ညောင်တုန်း၊ ကျန်စစ်သား၊ မှော်စက်၊ တာကြီးဆိပ်ကြီး အပိုင်(၁) အပိုင်(၄)၊ ကမာဆယ်၊ တပင်ရွှေထီး၊ အံ့ကြီး အရှေ့/အနောက်၊ ရာဇသင်္ကြန် အစရှိသည့် ရပ်ကွက် (၂၃) ခု အတွက် လူဦးရေ (၁) သိန်းခန့်ကိုလည်း သောက်ရေများအား (၂,၄ဝဝ) ဂါလံဆန့် ရေဘောက်ဆာ မော်တော်ယာဉ်ကြီးဖြင့် အကြိမ်ရေ (၂၅) ကြိမ်၊ ရေဂါလံစုစုပေါင်း (၆ဝ,ဝဝဝ) အားလည်း နေ့စဉ်နီးပါးခန့် ၁၇၊ ၅၊ ၂ဝ၁၂ ရက်နေ့အထိ လှူဒါန်းမှုများ ပြုလုပ်လျှက်ရှိပေသည်။ ထို့အပြင် ရာသီဥတု ပူပြင်းလာမှုများကြောင့် မိုးရေခံကန်များနှင့် ရေထွက်အား မကောင်းသော စက်ရေတွင်းများအပေါ် မှီတည်၍ နေထိုင်ကြရသည့် ဒလမြို့နယ်ရှိ ကျေးရွာများနှင့် ရပ်ကွက်အချို့တွင် သောက်သုံးရေ ရှားပါးသည့် အခက်အခဲများ ကြုံတွေ့လျှက်ရှိခြင်းကြောင့် ဝမ်းရောဂါနှင့် အခြား နောက်ဆက်တွဲရောဂါ ပြဿနာများပါ ရင်ဆိုင်လာမည်ကို စိုးရိမ်နေမိသည်။ ယခုကဲ့သို့ ရေလှူဒါန်းမှုများအား ပြုလုပ်နေစဉ် သောက်ရေအတွက် ကိုယ်တိုင် လာရောက်၍ သယ်ယူနိုင်ခြင်း မရှိကြသည့် နေအိမ်များသို့လည်း အသင်းသားများတို့သည် ကိုယ်တိုင်ကိုယ်ကျ လိုက်လံ၍ သောက်ရေများအား ထမ်းပိုးသယ်ဆောင် ကူညီပေးခဲ့ရာတွင် နေအိမ်တအိမ်၌ အဒေါ်ကြီးတဦးသည် ကားတိုက်မှု ဖြစ်ပွားခဲ့ပြီးနောက် အောက်ပိုင်း ထိခိုက်ခဲ့ကြောင်း ချိုင်းထောက်တချောင်းရှိပါက သွားလိုရာသို့ သွားရောက်နိုင်မည် ဖြစ်ပါကြောင်း ပြောကြားလာသည့်အတွက် သုခ ကုသိုလ်ဖြစ်ဆေးခန်း (ရန်ကုန်) သို့ အလှူရှင်များ လှူဒါန်းထားသည့် ချိုင်းထောက်တချောင်းအား အလျင်မြန်ဆုံး အရေးပေါ် ပေးအပ် လှူဒါန်းခဲ့သည်။

၁၂၊ ၅၊ ၂၀၁၂ ရက်နေ့တွင် နာရေးကူညီမှုအသင်း (ရန်ကုန်) အုပ်ချုပ်ရေးမှူး ဒေါ်ဧရာမောင်မောင်၊ စာရင်းစစ် ဒေါ်စီစီမာနှင့် အဖွဲ့တို့သည် ပြည်မြို့ရှိ သုခကုသိုလ်ဖြစ် ဆေးခန်း (ပြည်) သို့ သွားရောက်၍ ငွေစာရင်းကိစ္စရပ်များအား စစ်ဆေးခြင်း၊ ပဲခူးတိုင်း၊ ပြည်ခရိုင်အတွင်းရှိ ကျူတောကျေးရွာအတွက် အဝီစိ စက်ရေတွင်းများ တူးဖော်ခြင်းလုပ်ငန်းအား ကြည့်ရှု လေ့လာ စစ်ဆေးခြင်း၊ “နှလုံးလှ စာကြည့်တိုက်” အတွက် နာရေး ကူညီမှုအသင်း (ရန်ကုန်) ရှိ သုခအလင်း စာကြည့်တိုက်မှ ပိုလျှံနေသည့် သုတ၊ ရတ စာအုပ် စာပေများအား လှူဒါန်း ပေးအပ်ခဲ့ပြီးနောက် ဆင်မြီးဆွဲမြို့ရှိ “ကရုဏာရှင်” နာရေးကူညီမှုအသင်းသို့ ဝင်ရောက်ခဲ့ပြီး လုပ်ဆောင်မှုများအား ကြည့်ရှု လေ့လာခဲ့ပြီး စာအုပ်စာပေများ လှူဒါန်း ပေးအပ်ခဲ့ကြသည်။ မကွေးတိုင်းအတွင်းရှိ ဧက (၂ဝ) ကျော် ကျယ်ဝန်းလှသည့် သောက်သုံးရေကန် ပြုပြင်ရန်အတွက် နာရေး ကူညီမှုအသင်း (ရန်ကုန်) ၏ အသင်းသူ ဒေါ်ခင်ထားထားအောင်နှင့် အဖွဲ့သည် သွားရောက်၍ လေ့လာမှုများ ပြုလုပ်ခဲ့ရာ၌ ညောင်ပင်ရွာ၊ ညောင်ပင်သာရွာ၊ တည်ပင် ကန်ပေါက်ကျေးရွာ အစရှိသည့် ကျေးရွာ (၃) ရွာတို့သည် ၄င်း သောက်သုံးရေကန်အား အမှီပြု နေထိုင်လျှက်ရှိကြောင်းအား သိရှိခဲ့ရသည့်အတွက် ကျေးရွာနေ ဒေသခံ ပြည်သူအပေါင်းတို့မှ ကိုယ့်အားကိုယ်ကိုး တတ်ညီလက်ညီဖြင့် ဝိုင်းဝန်း၍ သောက်သုံးရေကန် အမြန်ဆုံး ပြီးစီးနိုင်အောင် လုပ်ဆောင်နေကြသလို နာရေးကူညီမှုအသင်း (ရန်ကုန်) သည်လည်း လိုအပ်သော အကူအညီထောက်ပံ့မှုများ ပြုလုပ်ပေးလျှက်ရှိရာ မကြာတော့မည့်အချိန်၌ အောင်မြင်စွာ ပြီးစီးကာ နောက်နှစ်များတွင် ၄င်း သောက်သုံး ရေကန်ကြီးသည် ယခုကဲ့သို့သော မြင်ကွင်းမျိုးအစား ကြည်လင်အေးမြ သန့်ရှင်းသည့်သောက်သုံးရေကန်ကြီးအဖြစ် မြင်တွေ့ရကာ သောက်သုံးရေ ပြတ်လပ်မှု ပြဿနာ ကြုံတွေ့ရတော့မည် မဟုတ်တော့ချေ။

သောက်သုံးရေ ရှားပါးသည့် ကျေးရွာ၊ ဒေသခံ ပြည်သူလူထုတို့သည် မိမိတို့၏ ကျန်းမာရေးအတွက် သောက်ရေများကို အခြားသော အရပ်ဒေသများသို့ သွားရောက်၍ ခပ်နေကြရခြင်းကြောင့် သောက်ရေ ပြတ်လပ်မှုနှင့် လုံးပန်းနေကြရကာ ကလေးငယ်များ၏ ကျောင်းတက်ချိန်များ လစ်ဟင်းနေခြင်းနှင့် ဝမ်းစာ ဖူလုံရေးအတွက် ကောင်းမွန်စွာ အလုပ်မလုပ်နိုင်ကြခြင်း အစရှိသည့် အခက်အခဲများအား လူသားချင်း စာနာထောက်မွေးကာ စေတနာရှင်၊ ကုသိုလ်ရှင်များတို့မှ မိမိတို့ တနိုင်တပိုင် (သို့) စုပေါင်း၍ဖြစ်စေ တတ်စွမ်းသရွေ့ သွားရောက်၍ လှူဒါန်းကြဖို့ မေတ္တာရပ်ခံ နှိုးဆော်အပ်ပါသည်။

ဓါတ်ပုံသတင်း - နာရေးကူညီမှု အသင်း (ရန်ကုန်) သောက်သုံးရေး အလှူ - May 21 2012 05:23 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005