ပဲခူးတိုင်း၊ ပြည်ခရိုင်၊ ပေါင်းတလည်မြို့၊ အုတ်ဆွဲကျေးရွာ လူ့အခွင့်အရေး ဆွေးနွေးပွဲ

ပဲခူးတိုင်း၊ ပြည်ခရိုင်၊ ပေါင်းတလည်မြို့၊ အုတ်ဆွဲကျေးရွာ၊ အုတ်ဆွဲကျောင်းတိုက်တွင် လူ့အခွင့်အရေးဆိုင်ရာ ဆွေးနွေးပွဲတခုကို ၂၀၁၂၊ မေလ ၅ ရက်နေ့ မနက် ၁၀ နာရီက ကျင်းပခဲ့ရာ ပြည်မြို့ လူ့အခွင့်အရေး ကာကွယ် မြှင့်တင်သူများ ဖြစ်ကြတဲ့ ကိုဇော်ထွန်းနဲ့ ဆရာဂျင်မီတို့က လူ့အခွင့်အရေးဆိုင်ရာ ကိစ္စများ၊ သဘောတရားများကို ရှင်းလင်း ပြောကြားခဲ့ပါတယ်။

ထိုသို့ ပြောကြားခဲ့ရာတွင် လူ့အခွင့်အရေး ကာကွယ် မြှင့်တင်သူများအဖွဲ့ ဖြစ်ပေါ်လာပုံ၊ လူ့အခွင့်အရေးသမိုင်းနဲ့ လူ့အခွင့်အရေးစကားလုံး ပေါ်ပေါက်လာခြင်း၊ လူ့အခွင့်အရေးနဲ့ နိုင်ငံသား အခွင့်အရေး၊ လူမှုရေး အခွင့်အရေး၊ နိုင်ငံရေးဆိုင်ရာ အခွင့်အရေး၊ စီပွါးရေး အခွင့်အရေး၊ ယဉ်ကျေးမှု အခွင့်အရေး၊ လူသားတိုင်းရဲ့ ကိုယ်ပိုင် အခွင့်အရေးနဲ့ တာဝန်၊ အစိုးရနဲ့ ကလေးသူငယ်များ အခွင့်အရေး၊ အမျိုးသမီး အခွင့်အရေး၊ လူကုန်ကူးမှု၊ အဓမ္မခိုင်းစေမှု၊ လူ့အခွင့်အရေးနဲ့ ဖွဲ့စည်းပုံအခြေခံ ဥပဒေ၊ လူမှု အဖွဲ့အစည်းများ၊ တောင်သူလယ်သမား အခွင့်အရေး စတဲ့ လူ့အခွင့်အရေးဆိုင်ရာ ကိစ္စများကို နံနက် ၁၁ နာရီ ၄၅ မိနစ်အထိ ဆွေးနွေးခဲ့ကြပါတယ်။

ဆွေးနွေးပွဲကို ဒေသခံ ပြည်သူ ၉၀ ခန့် တက်ရောက်ခဲ့ပြီး အခုလို လာရောက် ဟောပြော ဆွေးနွေးတဲ့အတွက် ကျေးဇူးတင်ကြောင်း ဒေသခံ ပြည်သူများက ပြန်လည် ပြောကြားခဲ့ကြောင်း သတင်းရရှိပါတယ်။

သတင်း - ပဲခူးတိုင်း ပြည်ခရိုင် ပေါင်းတလည်မြို့ အုတ်ဆွဲကျေးရွာ လူ့အခွင့်အရေး ဆွေးနွေးပွဲ - May 9 2012 04:38 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005