အမျိုးသား ဒီမိုကရေစီ အဖွဲ့ချုပ် လွှတ်တော်ကိုယ်စားလှယ်များ ကျမ်းသစ္စာ ကျိန်ဆို

http://news.yahoo.com/photos/myanmar-opposition-leader-aung-san-suu-kyi-2nd-photo-131047155.html

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ် ကိုယ်စားပြု ၂၀၁၂ ကြားဖြတ် ရွေးကောက်ပွဲ ရွေးချယ်ခံ ပြည်သူ့လွှတ်တော်ကိုယ်စားလှယ်များဟာ ၂၀၁၂ မေလ ၂ ရက်နေ့က ကြပ်ပြေးနေပြည်တော်ရှိ ပြည်သူ့လွှတ်တော် အဆောက်အဦတွင် ကျမ်းသစ္စာ ကျိန်ဆိုခဲ့ကြပါတယ်။ ထိုသို့ ကျမ်းသစ္စာကျိန်ဆိုခြင်းဟာ အမျိုးသား ဒီမိုကရေစီ အဖွဲ့ချုပ် လွှတ်တော်ကိုယ်စားလှယ်များအနေနဲ့ ယခု ပြည်သူ့လွှတ်တော်သက်တမ်းအတွင်း မြန်မာ့နိုင်ငံရေးကိစ္စများကို လွှတ်တော်တွင်း၌ ဆွေးနွေးကြဖို့အတွက် ပထမခြေလှမ်းပဲ ဖြစ်ပါတယ်။

အမျိုးသား ဒီမိုကရေစီ အဖွဲ့ချုပ်ဟာ ၁၉၈၈ ခုနှစ် စက်တင်ဘာ ၂၇ ရက်နေ့တွင် နိုင်ငံရေးပါတီအဖြစ် မှတ်ပုံတင်ခဲ့ပြီး ၁၉၉၀ ပြည့် ရွေးကောက်ပွဲတွင် ပါဝင် ယှဉ်ပြိုင်ခဲ့ရာ မဲဆန္ဒနယ်အများစုတွင် အနိုင်ရခဲ့ပါတယ်။ သို့သော်လည်း ထိုစဉ်က အုပ်ချုပ်တဲ့ မြန်မာအစိုးရက အစိုးရဖွဲ့ခွင့် မပေးခဲ့သလို လွှတ်တော်ရဲ့ လုပ်ငန်းဆောင်တာများကို လုပ်ဆောင်ခွင့် မပြုခဲ့ပါဘူး။ ထို့အပြင် အမျိုးသား ဒီမိုကရေစီ အဖွဲ့ချုပ် ပြည်သူ့လွှတ်တော်ကိုယ်စားလှယ်များအား ဖမ်းဆီးခြင်း၊ အမျိုးသား ဒီမိုကရေစီ အဖွဲ့ချုပ်ရဲ့ လုပ်ငန်းဆောင်တာများကို ကန့်သတ် ပိတ်ဆို့ခြင်းများ ပြုလုပ်ခဲ့ပါတယ်။

ထို့နောက် မြန်မာအစိုးရဟာ ၁၉၉၃ ခုနှစ်မှ စတင်ကာ အမျိုးသား ညီလာခံ ကျင်းပပြီး ဖွှဲ့စည်းပုံ အခြေခံဥပဒေ ရေးဆွဲဖို့ ကြိုးစားခဲ့ရာ ၁၄ နှစ်ကြာမြင့်ပြီး ၂၀၀၇ စက်တင်ဘာ ၄ ရက်နေ့တွင် ပြီးဆုံးခဲ့ပါတယ်။ ကနဦးက ထို အမျိုးသား ညီလာခံကို အမျိုးသား ဒီမိုကရေစီ အဖွဲ့ချုပ် တက်ရောက်သော်လည်း နောက်ပိုင်းမှာ အမျိုးသား ညီလာခံကို ကန့်ကွက်ခဲ့ပါတယ်။ ၂၀၀၃ ခုနှစ် မေ ၃၀ ရက် ဒီပဲယင်း အကြမ်းဖက် တိုက်ခိုက်မှု ဖြစ်ပွားပြီးနောက် အမျိုးသား ဒီမိုကရေစီ အဖွဲ့ချုပ် အမျိုးသား ညီလာခံ တက်ရောက်ရေးနဲ့ နိုင်ငံရေး အပြောင်းအလဲများ ဖြစ်ပေါ်ရေးအတွက် ထိုစဉ်က မြန်မာစစ်အစိုးရခေါင်းဆောင် ဗိုလ်ချုပ်သန်းရွှေ အပါအ၀င် အစိုးရအဖွဲ့ တာဝန်ရှိသူများနဲ့ ဒေါ်အောင်ဆန်းစုကြည်တို့ ဆွေးနွေးခဲ့သော်လည်း အစိုးရဘက်က ဂတိက၀တ်များ ဖျက်ခဲ့တဲ့အတွက် မအောင်မြင်ခဲ့ပါဘူး။

အမျိုးသား ညီလာခံ ကျင်းပပြီး ဖွဲ့စည်းအုပ်ချုပ်ပုံ အခြေခံ ဥပဒေ ရေးဆွဲတယ်ဆိုသော်လည်း တကယ်တမ်းမှာတော့ စစ်အစိုးရသဘောကျ ရေးဆွဲထားတဲ့ အခြေခံဥပဒေကို အမျိုးသား ညီလာခံက မဖြစ်ဖြစ်အောင် သဘောတူပေးရခြင်းပဲ ဖြစ်ပါတယ်။ ထို အခြေခံဥပဒေကို နာဂစ်မုန်တိုင်းကြောင့် ပြည်သူအများ အတိဒုက္ခရောက်နေစဉ် ၂၀၀၈ မေလ ၁၀ ရက်နေ့တွင် မြန်မာအစိုးရက ဆန္ဒခံယူပွဲ ကျင်းပပြီး အတည်ပြုခဲ့ပါတယ်။ အမျိုးသား ဒီမိုရေစီ အဖွဲ့ချုပ်ဟာ ထို အခြေခံဥပဒေကို လက်မခံနိုင်ခြင်းနဲ့ ၂၀၁၀ ရွေးကောက်ပွဲဥပဒေတို့ကို လက်မခံနိုင်ခြင်းတို့ကြောင့် ၂၀၁၀ ရွေးကောက်ပွဲကို ၀င်ရောက် ယှဉ်ပြိုင်ခြင်း မပြုခဲ့ပါဘူး။

သို့သော်လည်း ၂၀၁၁ ခုနှစ်တွင် မြန်မာအစိုးရက ၁၉၉၀ ပြည့် ရွေးကောက်ပွဲရလဒ်ကို အသိအမှတ်ပြုခြင်း၊ ၂၀၁၀ ရွေးကောက်ပွဲဥပဒေကို ပြင်ဆင်ပေးခြင်းများ ပြုလုပ်တဲ့အတွက် အမျိုးသား ဒီမိုကရေစီ အဖွဲ့ချုပ်အနေနဲ့ နိုင်ငံရေးပါတီအဖြစ် မှတ်ပုံတင်မယ့်အကြောင်း ၂၀၁၁ နိုဝင်ဘာ ၁၈ ရက်နေ့တွင် ကြေငြာပြီး ၂၀၁၂ ခုနှစ် ဧပြီ ၁ ရက်နေ့တွင် ကျင်းပတဲ့ ကြားဖြတ် ရွေးကောက်ပွဲကို ပါဝင် ယှဉ်ပြိုင်ရာ ပါဝင်ယှဉ်ပြိုင်တဲ့ မဲဆန္ဒနယ် ၄၄ နယ်အနက် ၄၃ နယ်တွင် အနိုင်ရခဲ့ပါတယ်။

ထို့နောက် ပြည်သူ့လွှတ်တော် ကိုယ်စားလှယ်များ ကျမ်းကျိန်မှုတွင် ပါဝင်တဲ့ စကားရပ်တခုကို အမျိုးသား ဒီမိုကရေစီ အဖွဲ့ချုပ်က မနှစ်သက်တဲ့အတွက် ပြင်ဆင်ပေးရန် တောင်းဆိုပြီး လွှတ်တော်တက်ဖို့ ငြင်းဆန်ခဲ့ပါတယ်။ သို့သော်လည်း တိုင်းရင်းသားပါတီများရဲ့ တောင်းဆိုမှုနဲ့ ပြည်သူများရဲ့ ဆန္ဒကို လိုက်လျောတဲ့အနေနဲ့ လွှတ်တော်အစည်းအဝေးများကို တက်ရောက်မှာ ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ဧပြီ ၃၀ ရက်နေ့တွင် ကြေငြာပြီး မေ ၂ ရက်နေ့တွင် ကျမ်းသစ္စာ ကျိန်ဆိုခဲ့ကြပါတယ်။

အမျိုးသား ဒီမိုကရေစီ အဖွဲ့ချုပ် လွှတ်တော်အမတ်များအနက် ဦးဖြိုးမင်းသိန်း၊ ဒေါ်စန္ဒာမင်းနဲ့ ဦးဇေယျာသော်တို့မှာ ပြည်ပကို ခရီးထွက်နေတဲ့အတွက် ကျန်လွှတ်တော်ကိုယ်စားလှယ်တွေပဲ ကျမ်းသစ္စာ ကျိန်ဆိုခဲ့ပါတယ်။ အခု ကျင်းပနေတဲ့ လွှတ်တော်အစည်းအဝေးဟာ ရပ်နားဖို့ ရှိနေသော်လည်း အမျိုးသား ဒီမိုကရေစီ အဖွဲ့ချုပ် လွှတ်တော်ကိုယ်စားလှယ်များ ကျမ်းသစ္စာ ကျိန်ဆိုဖို့ ရှိတဲ့အတွက် တရက် ထပ်တိုးပြီး ကျင်းပတာ ဖြစ်ပါတယ်။ မြန်မာလွှတ်တော်အစည်းအဝေးကို ဇူလိုင်လတွင် ထပ်မံ ကျင်းပဘွယ်ရှိကြောင်း သိရပါတယ်။
သတင်း - ပြည်သူ့လွှတ်တော် အမျိုးသား ဒီမိုကရေစီ အဖွဲ့ချုပ် - May 2 2012 06:06 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005