၂၀၁၄ သန်းခေါင်စာရင်းကောက်ယူမှုအတွက် ကမ္ဘာ့ကုလသမဂ္ဂက အကူအညီပေးရေး စာချွန်လွှာ လက်မှတ်ထိုး

၂၀၁၂ မေ ၁ ရက်နေ့ထုတ် မြန်မာ့အလင်းသတင်းစာ မှ

၂၀၁၄ ခုနှစ်တွင် မြန်မာနိုင်ငံ၌ ပြည်လုံးကျွတ် သန်းခေါင်စာရင်း ကောက်ယူမှာ ဖြစ်ကာ ထိုလုပ်ငန်းအတွက် ကမ္ဘာ့ကုလသမဂ္ဂ လူဦးရေရန်ပုံငွေအဖွဲ့က မြန်မာနိုင်ငံအား အကူအညီပေးအပ်မယ့်ကိစ္စနဲ့ ပတ်သက်တဲ့ စာချွန်လွှာ လက်မှတ်ရေးထိုးပွဲကို ၂၀၁၂ ဧပြီ ၃၀ ရက်နေ့က ကြပ်ပြေးနေပြည်တော် မြတ်တော်ဝင်ဟိုတယ်တွင် ကျင်းပခဲ့ပါတယ်။

စာချွန်လွှာ လက်မှတ်ရေးထိုးတဲ့ အခမ်းအနားကို ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းနဲ့ မြန်မာ ဒု - သမ္မတ ဒေါက်တာ စိုင်းမောက်ခမ်းတို့ တက်ရောက်ခဲ့ပြီး အကူအညီပေးရေး စာချွန်လွှာကို ကုလသမဂ္ဂ ဒု - အတွင်းရေးမှူးချုပ်နဲ့ ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေ နမ်ဘီးယားနဲ့ ဗဟို သန်းခေါင်စာရင်း ကော်မရှင် ဥက္ကဋ္ဌ ပြည်ထောင်စုဝန်ကြီး ဦးခင်ရီတို့ လက်မှတ်ရေးထိုးခဲ့ကြပါတယ်။ ထို စာချွန်လွှာအရ ၂၀၁၄ ပြည်လုံးကျွတ် သန်းခေါင်စာရင်း ကောက်ယူရေး လုပ်ငန်းများ ဆောင်ရွက်ရန်အတွက် လိုအပ်တဲ့ အကူအညီများအား ကမ္ဘာ့ကုလသမဂ္ဂက မြန်မာနိုင်ငံကို ပေးအပ်သွားမှာ ဖြစ်ပါတယ်။ စာချွန်လွှာ လက်မှတ်ရေးထိုးကြပြီးနောက် ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်က ဒု - သမ္မတ ဒေါက်တာ စိုင်းမောက်ခမ်းကို နံနက်စာနဲ့ တည်ခင်း ဧည့်ခံခဲ့ပါတယ်။

သန်းခေါင်စာရင်း ကောက်ယူရေးလုပ်ငန်းကို ၂၀၁၄ ခုနှစ်တွင် ပြုလုပ်သွားမှာ ဖြစ်ပြီး ၂၀၁၅ ခုနှစ်အတွင်း နောက်ဆုံးအဆင့် စာရင်းဇယားများ ထုတ်ပြန်သွားမှာ ဖြစ်ကြောင်း၊ အရည်အသွေး ပြည့်မီပြီး တိကျမှန်ကန် အဆင့်မီတဲ့ လူဦးရေး အချက်အလက်များ ရရှိအောင် ကမ္ဘာ့ကုလသမဂ္ဂ လူဦးရေရန်ပုံငွေအဖွဲ့နဲ့ မြန်မာအာဏာပိုင်များ နီးကပ်စွာ ပူးပေါင်း ဆောင်ရွက်သွားမှာ ဖြစ်ကြောင်း သိရပါတယ်။

မြန်မာနိုင်ငံအား ဗြိတိသျှတို့ အုပ်စိုးစဉ်ကာလအတွင်း ၁၈၇၂ ခုနှစ်မှ ၁၉၄၁ ခုနှစ်အထိ မြန်မာနိုင်ငံတ၀ှမ်းတွင် ၁၀ နှစ်တကြိမ် သန်းခေါင်စာရင်း ကောက်ယူခဲ့သော်လည်း မြန်မာပြည် လွတ်လပ်ရေး ရရှိတဲ့ ၁၉၄၈ ခုနှစ်မှ ယနေ့ (၂၀၁၂ ခုနှစ်) အထိ ၁၉၇၃ ခုနှစ်နဲ့ ၁၉၈၃ ခုနှစ်တို့တွင် နှစ်ကြိမ်သာ သန်းခေါင်စာရင်း ကောက်ယူခဲ့ပါတယ်။

သန်းခေါင်စာရင်းကောက်ယူခြင်းဟာ တိုင်းပြည်တွင်း လူဦးရေစာရင်းတမျိုးထည်း သိရှိရုံတင်မကဘဲ လူဦးနွယ်စုများ ပြန့်နှံ့နေထိုင်မှု၊ အလုပ်လုပ်ကိုင်နိုင်သူဦးရေ၊ ၀င်ငွေ အချိုးအစား ကွာဟမှု၊ ပညာတတ်မြောက်နှုန်း အပါအ၀င် ပြည်သူများနဲ့ သက်ဆိုင်တဲ့ အချက်အလက်အတော်များများကို သိရှိနိုင်ပါတယ်။ သန်းခေါင်စာရင်းကို အခြေပြုပြီး စီးပွားရေး စီမံကိန်းများ ချမှတ်မှု၊ ကျန်းမာရေး စောင့်ရှောက်မှု၊ ပညာရေးစီမံချက်များ ပြင်ဆင်မှု၊ လူမှုရေးကိစ္စများနဲ့ ပတ်သက်ပြီး တွက်ချက်နိုင်မှု အစရှိသဖြင့် တိုင်းပြည် ဖွံ့ဖြိုး တိုးတက်ရေး လုပ်ငန်းများအတွက် ဘက်စုံ အသုံးပြုနိုင်ကြပါတယ်။ ဒါ့ကြောင့် နိုင်ငံကြီးများတွင် ဆယ်နှစ်တကြိမ် ပုံမှန် သန်းခေါင်စာရင်း ကောက်ယူလေ့ ရှိပါတယ်။

ကိုးကား

၂၀၁၂ မေ ၁ ရက်နေ့ထုတ် မြန်မာ့အလင်းသတင်းစာ
သတင်း - ၂၀၁၄ သန်းခေါင်စာရင်း ကမ္ဘာ့ ကုလသမဂ္ဂ လူဦးရေ ရန်ပုံငွေ အဖွဲ့ - May 1 2012 04:00 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005