ဝန်ကြီး ဦးမြင့်လှိုင်က လွှတ်တော်ကိုယ်စားလှယ်များကို တောင်းပန်
20120324 The Hot News

The Hot News ဂျာနယ် အတွဲ ၂၊ အမှတ် ၈၄၊ စာမျက်နှာ ၂၀ မှ

မီဒီယာကို အသုံးပြုကာ လွှတ်တော်ကိုယ်စားလှယ်များအား ပြင်းပြင်းထန်ထန် ဝေဖန် ပြောဆိုခဲ့သူ လယ်ယာ စိုက်ပျိုးရေးနဲ့ ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်က ပြည်ထောင်စုလွှတ်တော် ကိုယ်စားလှယ်များအား ၂၀၁၂ ဧပြီ ၃၀ ရက်နေ့က တောင်းပန်လိုက်ကြောင်း သိရှိရပါတယ်။ ထိုသို့ တောင်းပန်ခြင်းဟာ မြန်မာပြည်ကို နှစ် ၅၀ ကြာ အုပ်စိုးခဲ့တဲ့ မြန်မာစစ်ဗိုလ်ချုပ်များ၊ စစ်ဗိုလ်ချုပ်ဟောင်းများရဲ့ မြားမြောင်လှစွာသော မှားယွင်းမှုများထဲက မှားယွင်းမှုလေးတခုကို ပထမဦးဆုံးအကြိမ်အဖြစ် လူသိရှင်ကြား တောင်းပန်လိုက်ခြင်း ဖြစ်ပါတယ်။

ဝန်ကြီးဌာနများရဲ့ အသုံးစရိတ်များကို ပြည်ထောင်စုလွှတ်တော်က ဖြတ်တောက်ခြင်းနဲ့ စပ်လျဉ်းပြီး ဒေါသဖြစ်ခဲ့တဲ့ ဦးမြင့်လှိုင်ဟာ The Hot News ဂျာနယ်ကို ထုတ်ဝေတဲ့ FACES Media Group အမှုဆောင် အရာရှိချုပ်နဲ့ အယ်ဒီတာချုပ် မမ နဲ့ တွေ့ဆုံမေးမြန်းခြင်းတခု ဖန်တီးခဲ့ပါတယ်။ ထို့နောက် ၂၀၁၂ မတ်လ ၂၃ - ၂၉ ရက်နေ့ထုတ် Hot News ဂျာနယ် အတွဲ ၂၊ အမှတ် ၈၄ တွင် လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်အား တွေ့ဆုံခြင်း အမည်နဲ့ ထို မေးမြန်းချက်များကို ပုံနှိပ်ကာ လွှတ်တော်ကိုယ်စားလှယ်များကို စော်ကားတဲ့ အသုံးအနှုံးများနဲ့တကွ ဖော်ပြခဲ့ပါတယ်။

ဦးမြင့်လှိုင်ဟာ လက်ရှိ အစိုးရအတွင်း သြဇာရှိတဲ့ ၀န်ကြီးတဦး ဖြစ်သလို မြန်မာပြည်တလွှား တည်ဆောက်နေတဲ့ ဆည်မြောင်းစီမံကိန်းများနဲ့ ဆန်စပါး ထုတ်လုပ်ရေးလုပ်ငန်းများကို တာဝန်ခံ ဆောင်ရွက်ရသူ ဖြစ်ပါတယ်။ ဦးမြင့်လှိုင်ရဲ့ စီမံကိန်းများအတွက် ယခင် စစ်အစိုးရလက်ထက်တွင် စိတ်ကြိုက် သုံးစွဲနိုင်ခဲ့သော်လည်း မြန်မာအစိုးရသစ်လက်တက် ၂၀၁၂ - ၂၀၁၃ ဘဏ္ဍာရေးနှစ် ရသုံးခန့်မှန်းခြေ ငွေစာရင်း အတည်ပြုနိုင်ရန် ဆွေးနွေးတဲ့အခါ လွှတ်တော်အမတ်များက ဦးမြင့်လှိုင်ရဲ့ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန အပါအ၀င် ၀န်ကြီးဌာနအချို့ရဲ့ အသုံးစရိတ် အများအပြားကို လျော့ချခဲ့ပါတယ်။

ထိုသို့ လျော့ချခဲ့မှုအား မကျေနပ်တဲ့ ဦးမြင့်လှိုင်က “အခြေခံဖြစ်တဲ့ ဒေသအသီးသီးက လွှတ်တော်ကိုယ်စားလှယ်ဆိုပြီး ရောက်လာတဲ့လူက စာမှ မတတ်၊ ဆယ်တန်းမှ မအောင်ဘဲ လွှတ်တော်ထဲ လာထိုင်တော့ သူများ ထ ဆို မတ်တပ်ထ နေတယ်။ ထိုင်ဆို ထိုင်နေတယ်။ သူများ ခလုပ်နှိပ်ဆို နှိပ်တယ်။ သူမှ ဘာမှ မသိတာ။ ဘာတွေ ပြောနေလဲ သူ နားလည်တာ မဟုတ်ဘူး။ ရမ်းလုပ်နေရတာ။“ “တလှေထဲ စီး၊ တခရီးထဲ သွားဆိုတာ တဖွဖွနေရတယ်ဆိုတာ အဲဒါပဲ။ လှော်တဲ့ကောင်ကလည်း လှော်ရမယ်။ ထိုင်တဲ့ကောင်ကလည်း ငြိမ်ငြိမ်ကလေး ထိုင်။ အသက်ကြီးပြီဆိုရင် ငြိမ်နေရမယ်။ ငြိမ်ငြိမ်လေး မထိုင်ဘဲ အသားကုန် ဟိုလှုပ် ဒီလှုပ်ရင် ဒါကြောင့်လဲ ဘုန်းကြီးအရူးနဲ့ လှေလူးလို့ ပြောတာ။“ စတဲ့ အသုံးအနှုန်းများ သုံးနှုန်းကာ လွှတ်တော်အမတ်များကို စော်ကား ပြောဆိုခဲ့တဲ့အတွက် အခုလို လွှတ်တော်အမတ်များအား ပြန်လည် တောင်းပန်ရခြင်း ဖြစ်ပါတယ်။
သတင်း - ဥင်္းမြင့်လှိုင် လွှတ်တော်ကိုယ်စားလှယ်များ တောင်းပန် - Apr 30 2012 09:38 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005