ဇွန်လတွင် မြန်မာနိုင်ငံ၌ ကမ္ဘာ့ဘဏ်ရုံး လာရောက် ဖွင့်လှစ်မည်

လာမယ့် ဇွန်လတွင် မြန်မာနိုင်ငံ၌ ရုံးဖွင့်လှစ်မှာ ဖြစ်ကြောင်း အမေရိကန်ပြည်ထောင်စု၊ ၀ါရှင်တန် ဒီစီ အခြေစိုက် ကမ္ဘာ့ဘဏ် (The World Bank) က ၂၀၁၂ ဧပြီ ၂၆ ရက် (ကြာသပတေးနေ့) တွင် ထုတ်ပြန် ကြေငြာလိုက်ပါတယ်။

ထို ကြေငြာချက်တွင် ကမ္ဘာ့ဘဏ် အရှေ့အာရှနဲ့ ပစိဖိတ်ဒေသဆိုင်ရာ ဒုတိယ အကြီးအကဲ ပဲန်မလာ ကော့စ် (Pamela Cox) က “နိုင်ငံဆိုင်ရာ မန်နေဂျာအသစ်နဲ့တကွ ဇွန်လဆန်းတွင် မြန်မာနိုင်ငံ၌ ကမ္ဘာ့ဘဏ်ရုံး ဖွင့်လှစ်မှာ ဖြစ်ပါတယ်။ ပကတိအခြေအနေနဲ့ ပတ်သက်တဲ့ ပထမဆုံး ဆန်းစစ်မှုတွေ ရရှိနိုင်အောင် ကျမအနေနဲ့ မြန်မာနိုင်ငံကို ဇွန်လအတွင်းမှာ သွားဖို့ စီစဉ်ထားပါတယ်။ အဲဒီ ခရီးစဉ်မှာ ကျမတို့ရဲ့ ပုဂ္ဂလိကကဏ္ဍအဖွဲ့အစည်းဖြစ်တဲ့ နိုင်ငံတကာ ငွေကြေးဆိုင်ရာ ကော်ပိုရေးရှင်း (International Finance Corporation) နဲ့ အာမခံမှု အဖွဲ့အစည်းဖြစ်တဲ့ ဘက်စုံ ရင်းနှီးမြှုပ်နှံမှု အာမခံမှု အေဂျင်စီ (Multilateral Investment Guarantee Agency) က ဒု - ဥက္ကဋ္ဌတွေလည်း ပါဝင်ပါမယ်“ လို့ ပြောကြားကြောင်း ဖော်ပြထားပါတယ်။

မြန်မာနိုင်ငံနဲ့ ပြန်လည် ဆက်သွယ်တဲ့ ကမ္ဘာ့ဘဏ်ရဲ့ အဓိက ရည်ရွယ်ချက်ဟာ ပြည်ပကမ္ဘာနဲ့ ဆယ်စုနှစ်အတန်ကြာ အဆက်ပြတ်နေတဲ့ မြန်မာနိုင်ငံက ပြည်သူတွေကို အကူအညီပေးဖို့ ဖြစ်ပါတယ်။ ကမ္ဘာ့ဘဏ်ရဲ့ အစီအစဉ်ဟာ ဘက်စုံ ချဉ်းကပ်တဲ့ပုံစံ ဖြစ်ပြီး မြန်မာပြည်သူတွေ လက်တွေ့ ရင်ဆိုင်နေရမှုများကို နားလည်ရန်နဲ့ ဖွံ့ဖြိုး တိုးတက်မှု အကျိုးကျေးဇူးများကို အလျှင်အမြန် ရရှိစေရန်အတွက် စီးပွားရေး အကဲခတ်များက ကူညီမှုများ ပေးသွားမှာ ဖြစ်ပါတယ်။

ကမ္ဘာ့ဘဏ်အနေနဲ့ မြန်မာပြည်ကို ကူညီဖို့ ပြင်ဆင်နေသော်လည်း ပထမဆုံး ရှင်းရမယ့် ပြဿနာကတော့ မြန်မာနိုင်ငံက ကမ္ဘာ့ဘဏ်ကို ပေးစရာရှိတဲ့ အကြွေး အမေရိကန်ဒေါ်လာ ၃၉၃ သန်းနဲ့ မြန်မာနိုင်ငံက အာရှ ဖွံ့ဖြိုးရေးဘဏ်ကို ပေးရန်ရှိတဲ့ အကြွေး အမေရိကန်ဒေါ်လာ သန်း ၅၀၀ ဖြစ်ပါတယ်။ ပေးဆပ်ရန်ရှိတဲ့ အကြွေးတွေကို မြန်မာနိုင်ငံက မပေးခဲ့တဲ့အတွက် ကမ္ဘာ့ဘဏ်က မြန်မာနိုင်ငံအား ၁၉၈၇ ခုနှစ်မှ စတင်ကာ ငွေ ချေးငှားမှုကို ရပ်ဆိုင်းလိုက်သလို မြန်မာစစ်အာဏာရှင်တွေက ဒီမိုကရေစီ လှုပ်ရှားမှုများကို နှိပ်ကွပ်ခဲ့တဲ့အတွက် ၁၉၈၈ ခုနှစ်မှစတင်ကာ စီးပွားရေးပိတ်ဆို့မှုတွေ ပြုလုပ်ခဲ့ပါတယ်။ ကမ္ဘာ့ဘဏ်ရဲ့ မြန်မာနိုင်ငံဆိုင်ရာ နောက်ဆုံး စီမံကိန်းဟာ ၁၉၉၀ နှစ်ဆန်းပိုင်းတွင် အဆုံးသတ်ခဲ့ပါတယ်။

မြန်မာနိုင်ငံက ကမ္ဘာ့ဘဏ်ကို ပေးဖို့ရှိတဲ့ အကြွေးတွေ ပေးဆပ်ရမယ့်ကိစ္စနဲ့ ပတ်သက်ပြီး ပဲရစ်ကလပ် (Paris Club) လို့ ခေါ်တဲ့ ကြွေးမြီကိစ္စနဲ့ ပတ်သက်ပြီး ဆွေးနွေးတဲ့ စီးပွားရေး အင်အားကြီးနိုင်ငံတွေရဲ့ အလွတ်သဘော ဖွဲ့စည်းထားတဲ့ အဖွဲ့ရဲ့ လုပ်ငန်းစဉ်အတိုင်း လုပ်ဖို့ လိုအပ်သလို နိုင်ငံတကာ ငွေကြေးရန်ပုံငွေအဖွဲ့နဲ့လည်း လက်တွဲ လုပ်ကိုင်ဖို့ လိုအပ်ပါတယ်။ ထိုကိစ္စတွေနဲ့ ပတ်သက်ပြီး ကမ္ဘာ့ဘဏ်က သူတို့မိတ်ဆွေတွေနဲ့ ပြီးခဲ့တဲ့လအတွင်း တိုင်ပင်ခဲ့ပြီး ဖြစ်ပါတယ်။ အကြွေးကိစ္စတွေ ပြီးသွားတဲ့အခါမှ ငွေ ထပ်ချေးငှားဖို့အတွက် ရေရှည် တည်တံ့တဲ့ အခြေအနေ ရှိသလားဆိုတာကို ကမ္ဘာ့ဘဏ်က ဆန်းစစ်မှာ ဖြစ်ပါတယ်။

မြန်မာနိုင်ငံတွင် ကမ္ဘာ့ဘဏ်ရုံးခွဲ ပြန်လည် ဖွင့်လှစ်မယ့်ကိစ္စနဲ့ ပတ်သက်တဲ့ ကြေငြာချက်ရဲ့ အဆုံးသတ်မှာ “(မြန်မာပြည်) ပြန်လည်တည်ဆောက်ရေးလုပ်ငန်းဟာ ထိခိုက် ကွဲရှလွယ်တယ်ဆိုတာကို သတိထားမိသလို အကျိုးအမြတ် ရနိုင်ခြေ ရှိ၊ မရှိဆိုတာနဲ့ ပတ်သက်ပြီး ကောင်းကောင်း သတိထားမိပါတယ်။ မြန်မာပြည်နဲ့ ညှိနှိုင်း ဆက်ဆံ လုပ်ကိုင်မှုရဲ့ မြန်နှုန်းဟာ မြန်မာပြည်က ပြုပြင်ပြောင်းလဲမှုတွေ ဘယ်လောက် ရေရှည် တည်တံ့နိုင်မလဲဆိုတဲ့အချက်အပေါ်မှာ မူတည်နေပါတယ်“ လို့ ဖော်ပြထားပါတယ်။

ကိုးကား

http://web.worldbank.org/WBSITE/EXTERNAL/NEWS/0,,contentMDK:23182416~pagePK:64257043~piPK:437376~theSitePK:4607,00.html

http://news.yahoo.com/world-bank-open-myanmar-office-june-175411089.html
သတင်း - ကမ္ဘာ့ဘဏ် ရန်ကုန်ရုံးခွဲ မြန်မာ အကြွေး - Apr 27 2012 04:41 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005