ကနေဒါက ပိတ်ဆို့မှု ဆိုင်းငံ့၊ ပိတ်ဆို့မှု ရုတ်သိမ်းရန် အစီအစဉ် မရှိလို့ အမေရိကန် လက်ထောက် နိုင်ငံခြားရေးဝန်ကြီး ပြော

မြန်မာနိုင်ငံအပေါ် အနောက်နိုင်ငံများရဲ့ ဒဏ်ခတ် ပိတ်ဆို့မှုများကို ၂၀၁၂ ဧပြီလအတွင်း တနိုင်ငံပြီး တနိုင်ငံ လျော့ပေါ့ခြင်း၊ ဆိုင်းငံ့ခြင်းများ ပြုလုပ်နေရာ ကနေဒါနိုင်ငံခြားရေးဝန်ကြီး ဂျွန် ဘက်ဒ် (John Baird) က ၂၀၁၂ ဧပြီ ၂၄ ရက်နေ့တွင် မြန်မာနိုင်ငံအပေါ် ဒဏ်ခတ်ပိတ်ဆို့မှုကို ဆိုင်းငံ့လိုက်ကြောင်း ကြေငြာလိုက်ပါတယ်။ တချိန်ထဲမှာပဲ နယူးယောက်အခြေစိုက် လူ့အခွင့်အရေး စောင့်ကြည့်လေ့လာရေးအဖွဲ့ အပါအ၀င် အဖွဲ့ပေါင်း ၉ ဖွဲ့က အမေရိကန်သမ္မတ ဘာရတ်အိုဘားမားဆီ စာရေးသားပေးပို့ကာ မြန်မာနိုင်ငံအပေါ် ချမှတ်ထားတဲ့ ရင်းနှီးမြှုပ်နှံရေးကိစ္စနဲ့ အခြား စီးပွားရေးပိတ်ဆို့မှုများနဲ့ ပတ်သက်ပြီး အမေရိကန်အာဏာပိုင်တွေ ဖြေလျှော့ပေးမှုများအတွက် စိုးရိမ် ပူပန်မိကြောင်း ထုတ်ဖော် ပြောကြားလိုက်ပါတယ်။

ထိုသို့ သတင်းများ ထွက်ပေါ်လာပြီးနောက် ၂၀၁၂ ဧပြီ ၂၅ ရက်နေ့က ကျင်ပတဲ့ မြန်မာပြည်ဆိုင်ရာ အမေရိကန်ပြည်ထောင်စု အောက်လွှတ်တော် နိုင်ငံခြားရေးကော်မတီ ကြားနာပွဲတွင် နိုင်ငံခြားရေးဝန်ကြီးဌာန အရှေ့အာရှနဲ့ ပစိဖိတ်ရေးရာဌာန လက်ထောက် နိုင်ငံခြားရေးဝန်ကြီး ကာ့ဒ် ကမ်းဘဲလ် (Kurt Campbell) က “လူ့အခွင့်အရေးနဲ့ ဒီမိုကရေစီရေးဆိုင်ရာ စိုးရိမ်ပူပန်မှုတွေ ဆက်လက် ရှိနေသလိုပဲ မြန်မာနဲ့ မြောက်ကိုရီးယားတို့ရဲ့ စစ်ရေးဆိုင်ရာ ကုန်သွယ်မှု ရှိနေတာကလည်း အခက်အခဲ ရှိနေဆဲပါ။ ဒါဟာ ထိပ်တန်း အမျိုးသားလုံခြုံရေးကိစ္စ ဖြစ်ပါတယ်။ ဒီကိစ္စနဲ့ ပတ်သက်လို့ အစိုးရအပေါ်မှာ ဆက်ပြီး ဖိအားပေးနေတုန်းပါပဲ။ ဥရောပ သမဂ္ဂ၊ အရှေ့တောင်အာရှနိုင်ငံများနဲ့ ဒေသတွင်းက အဓိကကျတဲ့ နိုင်ငံများဖြစ်တဲ့ တောင်ကိုရီးယား၊ ဂျပန်နဲ့ သြစတေလျနိုင်ငံများနဲ့ နီးနီးကပ်ကပ် လက်တွဲပြီး မြန်မာနိုင်ငံအနေနဲ့ ကမ္ဘာ့ကုလသမဂ္ဂ လုံခြုံရေးကောင်စီ ဆုံးဖြတ်ချက် ၁၇၁၈ နဲ့ ၁၈၇၄ တို့ကို အပြည့်အ၀လိုက်နာဖို့ အရေးကြီးကြောင်း၊ မြန်မာအာဏာပိုင်များကိုလည်း အဲဒီကိစ္စနဲ့ ပတ်သက်လို့ (အမေရိကန်တွေအနေနဲ့) ဘယ်လောက် အလေးထားတယ်ဆိုတဲ့ အချက်နဲ့ အဲဒီအချက်ဟာ နှစ်နိုင်ငံ ဆက်ဆံရေး တိုးတက်မှုတွေ ရဖို့ အရေးကြီးတဲ့တွန်းအားဖြစ်ကြောင်း အသိပေးပါတယ်“ ဆိုပြီး ပြောကြားသွားခဲ့ပါတယ်။

ထို့အပြင် မစ္စတာ ကမ်းဘဲလ်က “ကျွန်တော် ရိုးရိုးလေးပဲ ပြောပါမယ်။ စီးပွားရေးပိတ်ဆို့မှုကို ရုပ်သိမ်းဖို့ စိတ်ကူးထားတာ မရှိပါဘူး“ လို့ အမေရိကန် အောက်လွှတ်တော် နိုင်ငံခြားရေး ကော်မတီကို ပြောလိုက်သလို “တကယ်လို့ ပြုပြင်ပြောင်းလဲမှုတွေ ရပ်တန့်နေမယ်၊ နောက်ကြောင်း ပြန်လှည့်မယ်ဆိုရင် တုန့်ပြန်နိုင်ဖို့အတွက် ကြိုတင် ကာကွယ်မှုတွေ၊ ပြုလုပ်နိုင်တဲ့ စွမ်းအားတွေ အဆင်သင့် ဖြစ်နေရမယ်ဆိုတာ ကျွန်တော်တို့ ရှင်းရှင်းလင်းလင်း သဘောပေါက်ပါတယ်။ ဒါဟာ ကျွန်တော်တို့ နည်းဗျူဟာရဲ့ မရှိမဖြစ်တဲ့ အစိတ်အပိုင်းတခုပါ ပဲ“ လို့လည်း ပြောကြားလိုက်ပါတယ်။

(အခု ဖော်ပြထားတဲ့သတင်းနဲ့ ဆက်စပ်ပြီး ယနေ့မြန်မာ အယ်ဒီတာ ဦးမြင့်လှိုင်ရဲ့ လက်ရှိ မြန်မာနိုင်ငံ အခြေအနေအပေါ် သုံးသပ်ချက်နဲ့ စီးပွားရေး ပိတ်ဆို့မှု ရုပ်သိမ်းခြင်းနဲ့ ပတ်သက်တဲ့ သဘောထားကို http://burmatoday.net/news.php?news_ID=314 တွင် ဖော်ပြထားတဲ့ ၂၀၁၂ ဧပြီ ၂၄ ရက်နေ့ လွတ်လပ်တဲ့အာရှအသံ တနင်္ဂနွေစကားဝိုင်း အစီအစဉ်တွင် နားဆင်နိုင်ပါတယ်။)

ကိုးကား

http://www.international.gc.ca/media/aff/news-communiques/2012/04/24a.aspx?view=d

http://news.yahoo.com/eye-unrest-us-rules-end-myanmar-sanctions-205455997.html

http://foreignaffairs.house.gov/112/HHRG-112-FA05-WState-CampbellK-20120425.pdf

http://www.hrw.org/news/2012/04/24/joint-letter-president-barack-obama-regarding-sanctions-burma
သတင်း - စီးပွားရေး ပိတ်ဆို့မှု အမေရိကန်ပြည်ထောင်စု ကနေဒါ - Apr 26 2012 03:35 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005