တိုင်းမ် မဂ္ဂဇင်းက ဦးသိန်းစိန်ကို တိုင်းမ် ၁၀၀ စာရင်းတွင် ထည့်သွင်း ဂုဏ်ပြု

ကမ္ဘာတွင် သြဇာကြီးမားတဲ့ တိုင်းမ် မဂ္ဂဇင်းက နှစ်စဉ် ရွေးချယ်တဲ့ သြဇာလွှမ်းမိုးနိုင်ဆုံး ပုဂ္ဂိုလ် ၁၀၀ စာရင်းတွင် မြန်မာသမ္မတ ဦးသိန်းစိန်ရဲ့ အမည်ကို ထည့်သွင်းကာ ဂုဏ်ပြုလိုက်ပါတယ်။ ဦးသိန်းစိန်ဟာ မြန်မာစစ်ခေါင်းဆောင်များအနက် ပထမဆုံးသော အမည်စာရင်း ရွေးချယ် ဂုဏ်ပြုခံရသူ ဖြစ်ပါတယ်။ တိုင်းမ် ၁၀၀ စာရင်းတွင် ယခင်က ဒေါ်အောင်ဆန်းစုကြည်၊ ဘလော့ဂ်ဂါ နေဘုန်းလတ်တို့ရဲ့ အမည်များကိုလည်း ထည့်သွင်း ဂုဏ်ပြုခဲ့ပါတယ်။

၁၉၆၂ ဗိုလ်ချုပ်ကြီးနေ၀င်းရဲ့ တော်လှန်ရေးအစိုးရမျိုးဆက် မြန်မာစစ်ခေါင်းဆောင်များဟာ အနောက်နိုင်ငံများက အသိအမှတ်ပြု ဂုဏ်ပြုခြင်းများကို အစဉ်တစိုက် ဝေဖန်လေ့ရှိခဲ့တဲ့အတွက် ဦးသိန်းစိန်ရဲ့ အမည်ကို တိုင်း ၁၀၀ စာရင်းတွင် ထည့်သွင်းခြင်းနဲ့ ပတ်သက်ပြီး ဘယ်လို တုန့်ပြန်မယ်ဆိုတာကတော့ စိတ်ဝင်စားဖို့ ကောင်းပါတယ်။ မြန်မာစစ်ခေါင်းဆောင်များဟာ သူတို့အလိုကျ စိတ်ကူးပေါက်သလို လုပ်ကိုင်လေ့ရှိပြီး အခြားတဘက်က အမြင်များကို လေးစားရကောင်းမှန်း နားမလည်တတ်ကြတာမို့ အမျိုးသား ပြန်လည်သင့်မြတ်ရေးနဲ့ ပြည်တွင်းငြိမ်းချမ်းရေးကို အချိန်တိုအတွင်း အတိုင်းအတာတခုအထိ အောင်မြင်အောင် လုပ်ဆောင်နိုင်တဲ့ ဦးသိန်းစိန်ကို တိုင်းမ် မဂ္ဂဇင်းက အခုလို ဂုဏ်ပြုခြင်း ဖြစ်နိုင်ပါတယ်။

၂၀၁၂ ခုနှစ်အတွက် တိုင်းမ် ၁၀၀ ပဏာမစာရင်းတွင် မြန်မာပြည်က ဒေါ်အောင်ဆန်းစုကြည်နဲ့ ဦးသိန်းစိန်တို့ရဲ့ အမည်စာရင်း ပါဝင်ခဲ့ပြီး ဒေါ်အောင်ဆန်းစုကြည်အမည်စာရင်း ထည့်သွင်းစေလိုသူများက ဦးသိန်းစိန်ရဲ့အမည်စာရင်း ထည့်သွင်းစေလိုသူများထက် ပိုမို များပြားခဲ့ပါတယ်။ ဒါကြောင့်မို့ ဒေါ်အောင်ဆန်းစုကြည်အတွက် မဲပေးသူများအနေနဲ့ ဒေါ်အောင်ဆန်းစုကြည်ရဲ့ အမည်က တိုင်းမ် ၁၀၀ တွင် မပါဝင်ဘဲ ဦးသိန်းစိန်ရဲ့ အမည်သာ ပါဝင်ခဲ့တာမို့ အနည်းငယ်တော့ စိတ်ကသိကအောင့် ဖြစ်ကြမယ်နဲ့ တူပါတယ်။ ဒီနေရာမှာ စဉ်းစားစရာ ကောင်းတာက ဒေါ်အောင်ဆန်းစုကြည်ဟာ မြန်မာနိုင်ငံ ပြောင်းလဲရေးအတွက် တစိုက်မတ်မတ် လုပ်ကိုင်ခဲ့သူတဦး ဖြစ်တဲ့အတွက် အခုလို မြန်မာပြည် ပြောင်းလဲလာမှုဟာ ဒေါ်အောင်ဆန်းစုကြည်ရဲ့ စွမ်းဆောင်ချက်များ ပါဝင်တယ်ဆိုတာ သံသယ မရှိပါဘူး။

သို့သော်လည်း အထူးသဖြင့် ၂၀၀၃ ခုနှစ်မှ ၂၀၁၀ ခုနှစ်အထိ နာမည်ဆိုးနဲ့ ကျော်ကြားခဲ့တဲ့ မြန်မာစစ်ဗိုလ်ချုပ်ကြီးများအပေါ် နိုင်ငံတကာရဲ့အမြင် ပြောင်းလဲလာအောင် တနှစ်ကျော်အတွင်း စွမ်းဆောင်နိုင်သူက ဦးသိန်းစိန် ဖြစ်နေပါတယ်။ ဒါ့ကြောင့်လည်း တိုင်းမ် မဂ္ဂဇင်းက တိုင်းမ် ၁၀၀ အမည်စာရင်းအတွက် ဦးသိန်းစိန်ကို ရွေးချယ်လိုက်ဟန် တူပါတယ်။ (ကျွန်တော်တို့ရဲ့ တိုင်းမ် ၁၀၀ အမည်စာရင်းနဲ့ ပတ်သက်တဲ့ မတ်လ ၃၁ ရက်သတင်း http://www.burmatoday.net/news.php?news_ID=198 မှာလည်း ဦးသိန်းစိန်ရဲ့ အမည်စာရင်းကို ထည့်သွင်းထားခြင်းဟာ ထူးခြားတယ်လို့ ဖော်ပြခဲ့ပါတယ်။)

ဦးသိန်းစိန်နဲ့ ပတ်သက်ပြီး ဦးသန့်မြင့်ဦးရဲ့ ရေးသားချက်ကို တိုင်းမ် မဂ္ဂဇင်းတွင် ဖော်ပြထားရာ မြန်မာသမ္မတ ဦးသိန်းစိန်ဟာ သူ တာဝန်ယူခဲ့ပြီး တနှစ်ကျော် အချိန်အတွင်း ကမ္ဘာပေါ်မှာ (မဖြစ်ပေါ်ဘူးတဲ့) သာမာန်မဟုတ်တဲ့ ဒီမိုကရေစီ ပြောင်းလဲမှုတခုကို ဆောင်ရွက်သူအဖြစ် ချီးကျူးထားပါတယ်။ ထို့အပြင် “ဦးသိန်းစိန်ဟာ အံ့သြဖို့ကောင်းတဲ့ ချိန်ခွင်လျှာညှိမှုကို ပြုလုပ်ခဲ့ကြောင်း၊ အစိုးရကို ချုပ်ကိုင်ထားတဲ့ ဗိုလ်ချုပ်ဟောင်းတွေ၊ စစ်တပ်ခေါင်းဆောင်၊ စီးပွားရေးသမားတွေ၊ နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်ရဲ့ ပါတီ အပါအ၀င် နိုင်ငံရေးပါတီတွေ၊ နုပျိုပြီး တက်ကြွတဲ့ လူမှုအဖွဲ့အစည်းတွေကို ပြောင်းလဲရေးဖြစ်စဉ်မှာ ပါဝင်နိုင်အောင် ဆောင်ရွက်ခဲ့ကြောင်း“ ရေးသားထားပါတယ်။

ဦးသန့်မြင့်ဦးက ဆက်လက်ပြီး အသက် ၆၇ နှစ်ရှိတဲ့ ဦးသိန်းစိန်ဟာ စီးပွားရေး ပိတ်ဆို့မှုအောက်တွင် ရှိနေဆဲ အခြေအနေမှာ ဆောင်ရွက်မှု သုံးခုဖြစ်တဲ့ ဒီမိုကရက်တစ် အစိုးရအဖြစ် ပြောင်းလဲရေး၊ ကမ္ဘာပေါ်က နောက်ကြောင်းပြန်အလှည့်ဆုံး စီးပွားရေးတခုလုံးအား ပြောင်းလဲရေးနဲ့ ကာလရှည် ဖြစ်ပေါ်နေတဲ့ တိုင်းရင်းသားများအကြားက ရန်မက်ဖြစ်ပွားမှု အဆုံးသတ်ရေးတို့ကို ကြိုးစားလုပ်ဆောင်နေကြောင်း ဖော်ပြထားပါတယ်။ ဒီလို လုပ်ဆောင်ချက်တွေဟာ အောင်မြင်မယ် မအောင်မြင်ဘူးဆိုတာ ပြောမရသေးပေမယ့် မြန်မာနိုင်ငံက ပြည်သူ ၅၅ သန်းအတွက်သာမက အာရှတခုလုံးအတွက် အရေးကြီးကြောင်း၊ ဦးသိန်းစိန်အနေနဲ့ သူ့ရည်မှန်းချက်တွေ အောင်မြင်အောင် လုပ်နိုင်မယ်ဆိုရင်တော့ ဒါဟာ ငြိမ်းချမ်းစွာ ဒီမိုကရေစီ ပြောင်းလဲရေးအတွက် စံပြုစရာတခု ဖြစ်လာမှာဖြစ်ကြောင်း ဦးသိန်းစိန်နဲ့ ပတ်သက်လို့ တိုင်းမ် ၁၀၀ စာရင်းတွင် ရေးသား ဖော်ပြထားပါတယ်။

၂၀၁၂ တိုင်းမ် ၁၀၀ စာရင်းတွင် နယူးယောက်က လူငယ်တွေကြား ရေပန်းစားနေတဲ့ ဘက်စကက်ဘောသမား ဂျာရမီ လင်း (Jeremy Lin) ၊ အမေရိကန် ဘော်လုံးသမား တင်မ် တီဘိုး (Tim Tebow) (အမေရိကန်တွေက ဘော်လုံးကို လက်နဲ့ ပစ်ပြီး ကစားပါတယ်။) အဆိုတော် ရီယားနား (Rihanna) ၊ အဆိုတော် အဒဲလ် (Adale) ၊ အစိုးရ အင်တာနက်စာမျက်နှာတွေနဲ့ ကမ္ဘာ့စီးပွားရေးလုပ်ငန်းရှင်များရဲ့ အင်တာနက် စာမျက်နှာတွေကို တိုက်ခိုက်လေ့ ရှိတဲ့ အမည်မသိ (Annoymous) အဖွဲ့၊ အမေရိကန်သမ္မတ ဘာရတ် အိုဘားမား၊ တရုပ်သမ္မတ ရှီဂျင်ပင်း (Xi Jinping) ၊ အမေရိကန်နိုင်ငံခြားရေးဝန်ကြီး ဟယ်လာရီ ကလင်တန်၊ နာမည်ကျော် ဘော်လုံးသမား လိုင်ရွန်နယ် မက်စီ (Lionel Messi) ၊ အဲန်ဘီစီ မနက်ပိုင်း အစီအစဉ်က မက်တ် လောင်ရာ (Matt Lauer) (မက်တ် ဟာ အရင်က ထို အစီအစဉ်က နာမည်ကြီး ကေတီ ကားရက် ရှိစဉ်ကတည်းက ကေတီနဲ့အတူတူ ပါဝင်ခဲ့ပြီး လွန်ခဲ့တဲ့ နှစ်အနည်းငယ်က ကေတီ ထွက်သွားပြီးတဲ့နောက် တဖြည်းဖြည်း ကျော်ကြားလာခဲ့ကာ ယခင် ကေတီ ရှိစဉ်က တနှစ်ကို နှစ်သန်း ရရှိခဲ့သော်လည်း အခုအခါမှာတော့ တနှစ်ကို ၂၅ သန်းခန့် ရရှိလိမ့်မယ်လို့ မျှော်လင့်ရပါတယ်။) တို့လည်း ပါဝင်ကြပါတယ်။
သတင်း - တိုင်းမ် ၁၀၀ ဦးသိန်းစိန် - Apr 19 2012 11:53 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005