မြန်မာနိုင်ငံအပေါ် ချမှတ်ထားတဲ့ စီးပွားရေး ပိတ်ဆို့မှုအချို့ အမေရိကန်တို့ စတင် ရုပ်သိမ်း

http://www.treasury.gov/

မြန်မာနိုင်ငံအပေါ် ဒဏ်ခတ် ပိတ်ဆို့တဲ့အနေနဲ့ ချမှတ်ထားတဲ့ စီးပွားရေး ပိတ်ဆို့မှုအချို့ စတင် ရုပ်သိမ်းလိုက်ကြောင်း အမေရိကန်နိုင်ငံ ဘဏ္ဍာရေးဌာနက ၂၀၁၂ ဧပြီ ၁၇ ရက် (၁၃၇၄ ခု မြန်မာနှစ်ဆန်းတရက်) နေ့တွင် ကြေငြာလိုက်ပါတယ်။ အခုလို လျော့ချလိုက်တဲ့ ဘဏ္ဍာရေးဆိုင်ရာ ကန့်သတ်ချက်များအရ လူသားချင်းဆိုင်ရာ၊ ဘာသာရေးနဲ့ အစိုးရမဟုတ်တဲ့ အဖွဲ့အစည်းများရဲ့ လှုပ်ရှားမှုများအတွက် မြန်မာနိုင်ငံနဲ့ ဘဏ္ဍာငွေဆိုင်ရာ ဆက်သွယ် လုပ်ကိုင်မှုများ ပြုလုပ်နိုင်တော့မှာ ဖြစ်ပါတယ်။

အမေရိကန်တွေရဲ့ ဖြစ်ပေါ် တိုးတက်မှုတိုင်းကို ပြန်လည် တုန့်ပြန်မှုတွေနဲ့ ဆောင်ရွက်မယ်လို့ ပြောဆိုခဲ့တဲ့ ဂတိစကားနဲ့အညီ မြန်မာနိုင်ငံတွင် ၂၀၁၂ ဧပြီလ ၁ ရက်နေ့က ကြားဖြတ်ရွေးကောက်ပွဲကို အောင်မြင်စွာ ကျင်းပနိုင်ခဲ့ပြီးနောက် အမေရိကန်တာဝန်ရှိသူများက မြန်မာနိုင်ငံဆိုင်ရာ အမေရိကန်သံအမတ် ခန့်အပ်ဖို့ ပြင်ဆင်ခြင်း၊ မြန်မာအစိုးရ ၀န်ကြီးများအား အမေရိကန်ပြည်ထောင်စုကို အလည်အပတ်လာရောက်ရန် ဖိတ်ခေါ်ခြင်းများ ပြုလုပ်ခဲ့ကာ အခုတခါမှာတော့ စီးပွားရေး ပိတ်ဆို့မှုထဲက ကန့်သတ်ချက်အချို့ကို လျော့ချခြင်း ပြုလုပ်လိုက်တာ ဖြစ်ပါတယ်။

အခု လျော့ချလိုက်တဲ့ ဒဏ်ခတ်ပိတ်ဆို့ခြင်းကြောင့် လုပ်ငန်းတချို့ကို လွယ်ကူ လျှင်မြန်နိုင်မှာ ဖြစ်ပေမယ့်လည်း အမေရိကန်တွေရဲ့ စီးပွားရေး ပိတ်ဆို့မှု မူဝါဒရဲ့ ကြီးကြီးမားမား ပြောင်းလဲမှုတော့ မဟုတ်ပါဘူး။ ဘာ့ကြောင့်ဆိုတော့ မြန်မာနိုင်ငံရှိ အစိုးရ မဟုတ်တဲ့ အဖွဲ့အစည်းများအတွက် ကူညီမှု၊ လူသားချင်းဆိုင်ရာ ကူညီမှုများ ပြုလုပ်သူများဟာ ဒဏ်ခတ်ပိတ်ဆို့မှုဥပဒေ ပြဌာန်းပြီးနောက်ပိုင်းမှာလည်း အမေရိကန် အစိုးရဆီ ကင်းလွတ်ခွင့် လျှောက်ထားကာ မြန်မာပြည်သူတွေကို အကူအညီ ပေးနိုင်ခဲ့တဲ့အတွက် ဖြစ်ပါတယ်။ သို့သော် အခုလို ကန့်သတ်ချက်တွေ ဖယ်ရှားလိုက်တဲ့အခါမှာတော့ အဖွဲ့အစည်းများနဲ့ အမေရိကန်ပြည်သူများအနေနဲ့ လူမှုရေး၊ ကျန်းမာရေး၊ ပညာရေး၊ ဘာသာရေးဆိုင်ရာ အကူအညီပေးမှု လုပ်ငန်းတွေနဲ့ ပတ်သက်ပြီး ကင်းလွတ်ခွင့် လျှောက်ထားစရာ မလိုတော့ဘဲ ဥပဒေနဲ့အညီ မြန်မာပြည်သူများအား အကူအညီပေးတဲ့ လုပ်ငန်းတွေကို လုပ်ကိုင်နိုင်တော့မှာ ဖြစ်ပါတယ်။ ထို့အပြင် ပြင်ဆင်လိုက်တဲ့ စည်းမျဉ်းများအရ မြန်မာပြည်သူတွေ လိုအပ်နေတဲ့ အကူအညီများ၊ ကျန်းမာရေးနဲ့ ပညာရေးဆိုင်ရာကိစ္စရပ်များနဲ့ စပ်လျဉ်းပြီး အမေရိကန်ပြည်ထောင်စုရဲ့ ဘက်စုံ ထောက်ပံ့ ကူညီမှုတွေ ရရှိနိုင်တော့မယ့် အလားအလာတွေကို မြင်တွေ့နေရပါတယ်။

အမေရိကန်ပြည်ထောင်စုက အခု ထုတ်ပြန်လိုက်တဲ့ မြန်မာနိုင်ငံအပေါ် စီးပွားရေး ပိတ်ဆို့မှု စည်းမျဉ်း (Burmese Sanctions Regulations 31 c.F.R. Part 537) အရ

(၁) မြန်မာနိုင်ငံ ပြည်သူများရဲ့ အခြေခံ လိုအပ်ချက်များ ဖြစ်တဲ့ ဘေးအန္တရာယ် ကယ်ဆယ်ရေး၊ ဒုက္ခသည်များ၊ ပြည်တွင်း ရွှေ့ပြောင်းနေထိုင်သူများ၊ စစ်ဘေးဒုက္ခသည်များအတွက် အစားအသောက်၊ အ၀တ်အထည်၊ ဆေးဝါး၊ ဆေးပစ္စည်းများ၊ ကျန်းမာရေး စောင့်ရှောက်မှုများ၊ ယာယီတဲများ ဆောက်လုပ်မှု၊ ရေသန့်ရရှိအောင် ဆောင်ရွက်ခြင်း၊ မိလ္လာစနစ်နဲ့ တကိုယ်ရည် သန့်ရှင်းရေးအတွက် ဆောင်ရွက်မှုများ

(၂) မြန်မာပြည် ဒီမိုကရေစီစနစ် တည်ဆောက်မှုနဲ့ အစိုးရကောင်း ဖြစ်အောင် ဆောင်ရွက်မှု လုပ်ငန်းများ ဖြစ်တဲ့ ဥပဒေပြုရေး၊ ပြည်သူများ ပါဝင် လှုပ်ရှားနိုင်ရေး၊ အစိုးရ တာဝန်ယူမှု ရှိရေး၊ အမြင် မတူညီမှုနဲ့ စစ်မက်ဆိုင်ရာကိစ္စများ ဖြေရှင်းရေး၊ ပြည်သူလူထုနဲ့ သက်ဆိုင်တဲ့ မူဝါဒဆိုင်ရာ အကြံပေးရေးနဲ့ လွတ်လပ်တဲ့ လူ့ဘောင်အဖွဲ့အစည်းများ ထူထောင်ရေး စီမံကိန်းများ

(၃) ပညာရေးဆိုင်ရာ လုပ်ငန်းများ ဖြစ်တဲ့ အခြေခံ၊ အထက်တန်း၊ သက်မွေးပညာ၊ နည်းပညာဆိုင်ရာ ကောလိပ်နဲ့ တက္ကသိုလ်အဆင့်၊ နိုင်ငံခြားဘာသာ သင်ကြားမှု၊ ပညာရေး ပြောင်းလဲမှု စီမံကိန်းလုပ်ငန်း အဆင့်ဆင့်

(၄) အားကစားလုပ်ငန်းများ ဖြစ်ကြတဲ့ အပျော်တမ်း အားကစား လှုပ်ရှားမှုများ၊ ကိုယ်ခန္ဓာ ကျန်းမာရေးနဲ့ လေ့ကျင့်ခန်းဆိုင်ရာကိစ္စများ၊ မြန်မာပြည်သူများအတွက် ဖွင့်လှစ်မယ့် အားကစား အဆောက်အဦများ တည်ဆောက်ရေးနဲ့ ထိမ်းသိမ်းရေးလုပ်ငန်းများ

(၅) မြန်မာပြည်သူများအတွက် တိုက်ရိုက် အကျိုးရှိတဲ့ စီးပွားရေး မဟုတ်တဲ့ လုပ်ငန်းများ ဖွံ့ဖြိုး တိုးတက်ရေး စီမံကိန်းများ ဖြစ်တဲ့ ကူးစက်ရောဂါ ကာကွယ်ရေး၊ မိခင်နဲ့ ကလေး စောင့်ရှောက်ရေး၊ တိရိစ္ဆာန် မွေးမြူရေး၊ အစားအသောက် လုံခြုံ စိတ်ချစေရေး၊ စိုက်ပျိုးရေးလုပ်ငန်းများ တိုးတက်ရေး၊ မျိုးတုံး ပျောက်ကွယ်နိုင်တဲ့ တိရိစ္ဆာန်များအား ကာကွယ် စောင့်ရှောက်ရေး လုပ်ငန်းများဆိုင်ရာ ထောက်ပံ့ ကူညီမှုနဲ့ ဖွံဖြိုး တိုးတက်ရေး စီမံကိန်းများ၊ စာသင်ကျောင်း၊ စာကြည့်တိုက်၊ ဆေးပေးခန်း၊ ဆေးရုံနဲ့ အခြား အခြေခံ အဆောက်အဦများ တည်ဆောက်ရေးနဲ့ ထိမ်းသိမ်းစောင့်ရှောက်ရေး လုပ်ငန်းများ

(၆) ဘာသာရေးလုပ်ငန်းများ စသည်ဖြင့် အမေရိကန်ရဲ့ စီးပွားရေး ပိတ်ဆို့မှုမှ ကင်းလွတ်ကာ မြန်မာနိုင်ငံနဲ့ ငွေကြေးဆိုင်ရာ လုပ်ငန်းများ လုပ်ကိုင်နိုင်တော့မှာ ဖြစ်ပါတယ်။

အမေရိကန်တွေက စီးပွားရေးပိတ်ဆို့မှုဆိုင်ရာကိစ္စများ လျော့ချလိုက်ခြင်း သတင်းနဲ့ ဆက်စပ်ပြီး ပိတ်ဆို့မှုစည်းမျဉ်းတွေ ချမှတ်ထားစဉ်ကာလက (မြန်မာအသိုင်းအ၀ိုင်း သတိမထားမိတဲ့) ပိတ်ဆို့မှုဆိုင်ရာ ဥပဒေချိုးဖောက်နေမှုများကို အများနဲ့ သက်ဆိုင်တဲ့ စာမျက်နှာများတွင် ဖော်ပြခဲ့ခြင်းများနဲ့ ပတ်သက်ပြီး တင်ပြလိုပါတယ်။ အဲဒါက ဘာလဲဆိုတော့ အမေရိကန်တွေရဲ့ ဒဏ်ခတ် ပိတ်ဆို့ထားမှုများ ချမှတ်ထားစဉ် အမေရိကားရောက် မြန်မာတိုင်းရင်းသားများရဲ့ မြန်မာပြည်သူတွေကို အကူအညီပေးခဲ့မှုများ ဖြစ်ပါတယ်။

အမေရိကန်ပြည်ထောင်စုရောက် မြန်မာတိုင်းရင်းသားများအနေနဲ့ ၂၀၀၈ နာဂစ်မုန်တိုင်းကာလက အကူအညီပေးခဲ့မှုများ အပါအ၀င် အစိုးရမဟုတ်တဲ့ အဖွဲ့အစည်းများအား ငွေကြေး ထောက်ပံ့မှုများ၊ ဆု ချီးမြှင့်မှုများ ကျယ်ကျယ်ပြန့်ပြန့် ပြုလုပ်ခဲ့သလို မြန်မာမီဒီယာများတွင်လည်း အကျယ်တ၀င့် ဖော်ပြခဲ့ကြပါတယ်။ ထိုသို့ ငွေကြေးဆိုင်ရာ ထောက်ပံ့ ကူညီမှုများ လုပ်ကိုင်တဲ့အခါ စီးပွားရေး ပိတ်ဆို့မှုရဲ့ စည်းမျဉ်းများဆိုင်ရာ ချွင်းချက်နဲ့အညီ ကင်းလွတ်ခွင့်ရအောင် လျှောက်ထားခြင်း မရှိဘဲ လုပ်ကိုင် ဆောင်ရွက်ခဲ့တယ်ဆိုရင် ထို လုပ်ဆောင်ချက်အားလုံးဟာ ထိုစဉ်က တည်ဆဲဥပဒေကို ချိုးဖောက်ရာ ရောက်ပါတယ်။ ထိုသို့ ကူညီမှုများဟာ မြန်မာပြည်သူများအား အမေရိကန်ပြည်ထောင်စုရောက် မြန်မာတိုင်းရင်းသားများက တပိုင်တနိုင် လူသားချင်းဆိုင်ရာ အကူအညီပေးမှုများ ဖြစ်တဲ့အတွက် အမေရိကန်အစိုးရက မသိမသာ မျက်စိမှိတ်ထားပေးထားသော်လည်း ဥပဒေနဲ့ ညိစွန်းနေတယ်ဆိုတာကို သတိထားစေလိုတဲ့အတွက် အခုလို ရေးသားရခြင်း ဖြစ်ပါတယ်။ စီးပွားရေး ပိတ်ဆို့ထားစဉ်ကာလအတွင်း အင်တာနက်စာမျက်နှာတွေ၊ ဖေ့စ်ဘွတ်လို လူမှုကွန်ယက်တွေမှာ အမေရိကန်ပြည်ထောင်စုမှ ငွေကြေး အကူအညီပေးနေမှုများကို အကျယ်တ၀င့် ရေးသား ဖော်ပြခဲ့ကြခြင်းများဟာ သက်ဆိုင်ရာအာဏာပိုင်တွေအတွက် လိုအပ်တဲ့ အထောက်အထားတွေ အသင့် စုဆောင်းပေးထားခဲ့သလိုပါ ပဲ။

အခုအချိန်အခါမှာတော့ လူသားချင်းဆိုင်ရာ၊ ကျန်းမာရေး၊ ပညာရေးနဲ့ ဘာသာရေးဆိုင်ရာကိစ္စများနဲ့ ဆက်စပ်တဲ့ စီးပွားရေး ပိတ်ဆို့မှုစည်းမျဉ်းတွေကို အမေရိကန်ပြည်ထောင်စုက ပြင်ဆင်လိုက်တဲ့အတွက် အမေရိကန်ပြည်သူများအနေနဲ့ တရားဥပဒေနဲ့အညီ လုပ်ကိုင် ဆောင်ရွက်နိုင်ကြတော့မှာ ဖြစ်ပါတယ်။ ထို့အတူ အမေရိကန်ပြည်ထောင်စုရဲ့ အကူအညီပေးမှု အသီးအပွင့်များကို မြန်မာပြည်သူများတွေ လွယ်လင့်တကူ တိုက်ရိုက် ထိတွေ့ ခံစားနိုင်ကြတော့မယ်လို့ ယုံကြည် မျှော်လင့်ပါတယ်။
သတင်း - စီးပွားရေး ပိတ်ဆို့မှု အမေရိကန်ပြည်ထောင်စု - Apr 17 2012 09:01 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005