ဦးကျော်လင်းဦးနဲ့ စကားပြောခြင်း အပိုင်း (၄)

ဒီကနေ့ မြန်မာပြည် ပြောင်းလဲရေးလုပ်ငန်းစဉ်များ ချောမော အောင်မြင်စွာ ဖြစ်ပေါ်လာနိုင်ဖို့အတွက် မြန်မာပြည်တွင်းနဲ့ နိုင်ငံတကာရောက် မြန်မာတိုင်းရင်းသားများအနေနဲ့ တိုးတက် ပြောင်းလဲနေတဲ့ ဖြစ်စဉ်များကို အချိန်နဲ့ တပြေးညီ သိရှိဖို့ ပြုပြင်ပြောင်းလဲရေး လုပ်ငန်းစဉ်နဲ့ လိုက်လျောညီထွေရှိတဲ့ အသိအမြင်၊ အတွေးအခေါ်၊ အယူအဆများကို ကျယ်ကျယ်ပြန့်ပြန့် သိရှိဖို့ လိုအပ်တယ်လို့ ယနေ့မြန်မာအနေနဲ့ ယုံကြည်ပါတယ်။ ဒါ့ကြောင့်လည်း ယနေ့မြန်မာအဖွဲ့သားများအနေနဲ့ မြန်မာပြည် ပြောင်းလဲရေးလုပ်ငန်းစဉ်တွင် အဓိကနေရာတခုက ပါဝင်နေတဲ့ စတုတ္ထမဏ္ဍိုင် သတင်းမီဒီယာကဏ္ဍကနေ ကိုယ်စွမ်းဉာဏ်စွမ်း ရှိသရွေ့ အားသွန်ခွန်စိုက် ဆောင်ရွက်လျက် ရှိပါတယ်။

ဖြစ်စဉ်သတင်းများကို အချိန်နဲ့ တပြေးညီ ကြိုးစား ဖော်ပြနေသလို အသိအမြင် အယူအဆများနဲ့ ပတ်သက်ပြီး သက်ဆိုင်ရာ အဖွဲ့အစည်းများက တာဝန်ရှိသူများနဲ့ ပြောင်းလဲရေးလုပ်ငန်းစဉ်တွင် ပါဝင် ပတ်သက်နေသူများအား ဆက်သွယ် မေးမြန်း ဖော်ပြလျက်ရှိရာ ဦးကျော်လင်းဦးနဲ့ တွေ့ဆုံခြင်း ဖော်ပြချက်များဟာလည်း တစိတ်တပိုင်း အပါအ၀င် ဖြစ်ပါတယ်။ ဦးကျော်လင်းဦးနဲ့ တွေ့ဆုံခြင်းကို လေးပိုင်းခွဲပြီး တင်ပြဖို့ စီစဉ်ထားရာ အခု ဖော်ပြမယ့် စတုတ္ထပိုင်းမှာတော့ ပြောင်းလဲမှုဖြစ်စဉ်အတွက် လိုအပ်တဲ့ အချိန်ကာလ၊ ပါဝင်ကြတဲ့ ပြည်သူလူထုနဲ့ လူငယ်များရဲ့ အခန်းကဏ္ဍနဲ့ ပတ်သက်ပြီး မေးမြန်း တင်ပြထားပါတယ်။

၁၀) မြန်မာပြည်လို နိုင်ငံမျိုးအနေနဲ့ ပြောင်းလဲရေးတွေ လုပ်ကိုင်ဖို့ အချိန်တခု လိုအပ်ပါတယ်။ တချိန်ထဲမှာပဲ မလိုလားအပ်တဲ့ အချိန်ဆွဲမှုတွေ ရှိနေရင် ပြောင်းလဲရေးဖြစ်စဉ် နှောင့်နှေးမှာ ဖြစ်သလို နောက်ဆုံးမှာ ပြည်သူတွေရော၊ ပြောင်းလဲရေး လုပ်ကိုင်နေကြသူတွေအတွင်းမှာပါ ဒီ လုပ်ငန်းစဉ်တွေအပေါ် သံသယဖြစ်လာတာတွေ ရှိလာနိုင်ပါတယ်။ ဒီတော့ မြန်မာနိုင်ငံရဲ့ ပြောင်းလဲမှု အရှိန်အဟုန် ရပ်မနေဖို့၊ အများလေးစားတဲ့ ဖြစ်စဉ် ဖြစ်လို့ အချိန် ဘယ်လောက် လိုအပ်ပါသလဲ။ အဲဒီအချိန်အတွင်းမှာ ဘယ်ကိစ္စတွေကို အရင် လုပ်ကိုင်ပြီး ဘယ်ကိစ္စတွေကို အချိန်ယူ လုပ်ကိုင်သင့်တယ်လို့ မြင်ပါသလဲ။

အချိန်ကာလအနေနဲ့ စောစောပိုင်းက ကျနော်တွက်မိတာ အနည်းဆုံး နှစ် ၂၀ လောက် အချိန်ယူရလိမ့်မယ် လို့ တွက်ခဲ့ဘူးပါတယ်။ ဒါပေမယ့် လွန်ခဲ့ ၆ လလောက်ကမှ စတင်ခဲ့တဲ့ ပြုပြင်ပြောင်းလဲရေးဖြစ်စဉ်တွေရဲ့ အရှိန်အဟုန်ကြောင့် နောင် ဆယ်နှစ်၊ တနည်းအားဖြင့်ပြောယင် ရွေးကောက်ပွဲ သက်တမ်း ၂ ဆက်လောက်အတွင်းမှာ သိသာတဲ့ တိုးတက်မှုတွေရှိလာနိုင်ပါတယ်။ ဒီလို အပြောင်းအလဲတွေ ဖြစ်ပေါ်နေစဉ်မှာပဲ အပြောင်းအလဲကို ဆန့်ကျင်တဲ့ အင်အားစုတွေလဲ ရှိနေနိုင်ပါတယ်။ အဲဒီ အင်အားစုတွေကနေ အပြောင်းအလဲကို နှောင့်နှေးအောင်၊ အချိန်ဆွဲအောင် လုပ်ဆောင်ကောင်း လုပ်ဆောင်နိုင်ပါတယ်။ ဒါကြောင့် အပြောင်းအလဲတွေကို လိုလားတဲ့သူတွေရော၊ အပြောင်းအလဲကို စိုးရိမ်ပြီး ဆန့်ကျင်နေတဲ့သူတွေပါ တဘက်နဲ့တဘက် သံသယတွေ ကင်းနိုင်မှ အပြောင်းအလဲ ခရီးလမ်းဟာ ချောမွေ့လိမ့်မယ်လို့ ထင်ပါတယ်။ အပြောင်းအလဲ လုပ်ငန်းစဉ်မှာ ဘယ်ဟာ ဦးစားပေးပြီး ဘယ်ဟာကို အချိန်ယူရမယ်လို့ ပုံသေ သတ်မှတ်လို့ မရပါဘူး။ မြန်မာနိုင်ငံလို အာဏာရှင်စနစ် သက်တမ်းရှည်ခဲ့တဲ့ တိုင်းပြည်အတွက်ဆိုယင် အပြောင်းအလဲတွေကို ဖေါ်ဆောင်ရာမှာ အင်မတန် သတိကြီးကြီးထားနိုင်မှ တန်ကာကျလိမ့်မယ်လို့ ကျနော် မြင်ပါတယ်။

၁၁) မြန်မာပြည်သူတွေဟာ အမိန့်ပေးအုပ်ချုပ်တဲ့စနစ်နဲ့ နှစ် ၅၀ ကြာ ယဉ်ပါးခဲ့သူတွေ ဖြစ်ပါတယ်။ ပြောင်းလဲမှုဖြစ်စဉ်မှာ ပြည်သူတွေရဲ့ အခန်းကဏ္ဍက ဘယ်လို ပါဝင်နေပါလဲ။ ပြောင်းလဲမှုဖြစ်စဉ်အတွက် ပြည်သူတွေရဲ့ ပံ့ပိုးမှု မြင့်မားလာအောင် ဘာတွေ လုပ်သင့်ပါသလဲ။

ပြောင်းလဲမှုဖြစ်စဉ်တိုင်းမှာ ပြည်သူလူထုက အခရာကျပါတယ်။ ကျနော်တို့တွေ အပြောင်းအလဲကို ပြောနေတယ် ဆိုတာကိုက ဘယ်သူ့အတွက် အပြောင်းအလဲ လဲ ဆိုယင် ပြည်သူလူထုတရပ်လုံးအတွက် အပြောင်းအလဲ ပါ။ လူတခု၊ တသင်းတဖွဲ့အတွက်သာ ပြောင်းလဲတဲ့ ပြောင်းလဲမှုမျိုး မဟုတ်ပါဘူး။ သက်တမ်းရှည်ကြာလှတဲ့ အာဏာရှင်စနစ်ကနေ နိုင်ငံရေးအပြောင်းအလဲတွေ စတင်တဲ့နေရာမှာ တဆင့်ချင်း၊ တဆင့်ချင်း ခြေလှမ်းမှန်မှန်နဲ့ ပြောင်းလဲတာမျိုးက စိတ်အချရဆုံး ဖြစ်ပါတယ်။ ၀ုန်းကနဲ ချက်ချင်းကြီး ပြောင်းလဲတာမျိုးက အင်မတန် အန္တရာယ်ကြီးလှပါတယ်။ ဒီအပေါ်မှာ ဆန္ဒစောလွန်းတဲ့ ပြည်သူလူထုတွေလဲ ရှိကောင်းရှိမှာဖြစ်တဲ့အတွက် သူတို့ နားလည်သဘောပေါက်မှု ရှိဖို့ အလွန် အရေးကြီးလှပါတယ်။

၁၂) နိဂုံးချုပ်အနေနဲ့ မြန်မာပြည်ရဲ့ အနာဂတ်ခေါင်းဆောင်တွေ ဖြစ်လာမယ့် လူငယ်တွေရဲ့ အခန်းကဏ္ဍကို ဒီကနေ့ နိုင်ငံရေးဖြစ်စဉ်နဲ့ ဆက်စပ်ပြီး ရှင်းလင်း တင်ပြပေးစေလိုပါတယ်။

ရေရှည်တည်တံ့တဲ့၊ နောက်ကြောင်း ပြန်မလှည့်နိုင်တဲ့ အပြောင်းအလဲတွေဖြစ်ဖို့ လူငယ်တွေရဲ့ နိုင်ငံရေး ရေချိန်ဟာ အင်မတန်ဟာ အရေးကြီးလွန်းတယ်လို့ မြင်ပါတယ်။ ကျနော်တို့လဲ နိုင်ငံရေးစပြီး စိတ်ဝင်စားလာခဲ့တာ လူငယ်ဘ၀ပဲ ဆိုတော့ နိုင်ငံရေးနဲ့ ပတ်သက်ယင် လူငယ်တွေဟာ၊ စိတ်ခံစားချက်ကို အသားပေးတယ်၊ သွေးဆူ လွယ်တယ်၊ မှန်တယ်ထင်တဲ့ဘက်ကို မဖြစ်နေ ရပ်တည်ချင်တယ်။ ဒီလို ကိစ္စရပ်တွေ ရှိပါတယ်။ ဒါပေမယ့် ဖြစ်စေချင်တာက လူငယ်တွေကို နိုင်ငံရေးပညာရပ်ကို လေးလေးနက်နက် လိုက်စားစေချင်တယ်။ ဘာသာရပ်တခုလို သင်ယူ တတ်မြောက်စေချင်တယ်။ ဒါမှ နိုင်ငံရေးလုပ်ငန်းတွေမှာ ထိထိရောက်ရောက် ပါဝင်လာနိုင်လိမ့်မယ်လို့ ယူဆပါတယ်။ ကျနော်တို့ခေတ်တုန်းက အစစအရာရာ အမှောင်ဖုံးနေတဲ့ ကာလဖြစ်လို့ နိုင်ငံရေးနဲ့ ပတ်သက်တဲ့ လူငယ်ဆိုယင် သူငယ်ချင်းအသိုင်းအ၀ိုင်းက အဆက်အဆံ သိပ်မလုပ်ချင်တဲ့ဟာမျိုးတွေ ရှိခဲ့တယ်။ အခုတော့ အများကြီး အခြေအနေ ကောင်းလာပါပြီ။

အခု ကျနော်တောင် လာမယ့် မေလက စပြီး Myanmar Institute of Theology လို့ခေါ်တဲ့ အင်းစိန်က ကျမ်းစာသင်ကျောင်းမှာ နိုင်ငံရေးသိပ္ပံ ဘာသာရပ်တွေကို ပုံမှန် ပို့ချဖို့ ရှိပါတယ်။ နောက်ပြီး အခု လွှတ်တော်ထဲမှာ လွှတ်တော်အမတ် တချို့က ရန်ကုန်တက္ကသိုလ် အပါအ၀င်၊ တက္ကသိုလ်တွေမှာ နိုင်ငံရေးသိပ္ပံကို ဘာသာရပ်တခုအနေနဲ့ ထည့်သွင်းပြဌာန်းဖို့ ရှိ၊ မရှိ ဆိုပြီး မေးခွန်းတွေ မေးသွားတာ တွေ့ရပါတယ်။ အဲဒီ ကိစ္စဟာ ကျနော်တို့ နိုင်ငံ ငြိမ်းငြိမ်းချမ်းချမ်းနဲ့ ဖြစ်ပေါ်တိုးတက်ဖို့အတွက် အင်မတန်မှ အရေးကြီးတယ်လို ထင်ပါတယ်။ လူငယ်တွေက နိုင်ငံရေးပညာကို နက်နက်ရှိုင်းရှိုင်း နားလည်သဘောပေါက်ခဲ့ယင် စိတ်ခံစားမှုကို အခြေခံတဲ့ ဆူပူပေါက်ကွဲမှုတွေကို ရှောင်ရှားနိုင်မှာ ပါ။ တကယ်လို့ ရန်ကုန်တက္တသိုလ်မှာ နိုင်ငံရေး သိပ္ပံပညာဌာန ပေါ်ပေါက်ရေးအတွက် ကျနော့်ကို ခိုင်းမယ်ဆိုယင် ကျနော်ဘက်က အချိန်မရွေးကူညီဖို့ အသင့်ပါ ဆိုတာကိုပါ တဆက်တည်း ပြောချင်ပါတယ်။
ဆက်သွယ် မေးမြန်းခြင်း - ဦးကျော်လင်းဦးနဲ့ စကားပြောခြင်း - Apr 13 2012 02:00 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005