ဒီမိုကရေစီလှုပ်ရှားသူများ လွှတ်တော်ကိုယ်စားလှယ်များအဖြစ် အရွေးချယ်ခံရ၍ ကိုရီးယား ပြည်သူများလည်း ၀မ်းသာကြ
NLD Flag

၂၀၁၂ ကြားဖြတ် ရွေးကောက်ပွဲရလဒ်အရ မြန်မာ့ ဒီမိုကရေစီရေး လှုပ်ရှားသူများ လွှတ်တော်ကိုယ်စားလှယ်များအဖြစ် ရွေးချယ်ခံရမှုနဲ့ ပတ်သက်ပြီး တောင်ကိုရီးယား ပြည်သူများ ၀မ်းမြောက်ဝမ်းသာ ဖြစ်ကြရကြောင်း၊ တောင်ကိုရီးယားအဖွဲ့များက ဒေါ်အောင်ဆန်းစုကြည်ထံ ဂုဏ်ပြုလွှာ ပေးပို့ခဲ့ကြောင်း၊ ဒေါ်အောင်ဆန်းစုကြည်အား တောင်ကိုရီးယားနိုင်ငံကို ဖိတ်ကြားရန် ပြင်ဆင်နေကြကြောင်း သိရပါတယ်။ ထို့အပြင် တောင်ကိုရီးယား မီဒီယာများတွင် အမျိုးသား ဒီမိုကရေစီ အဖွဲ့ချုပ်နဲ့ ဒေါ်အောင်ဆန်းစုကြည်တို့ရဲ့ အောင်မြင်မှုသတင်းများကို အကျယ်တ၀င့် ဖော်ပြခဲ့ကြပါတယ်။

အမျိုးသား ဒီမိုကရေစီ အဖွဲ့ချုပ်ရဲ့ ရွေးကောက်ပွဲ အောင်ပွဲနဲ့ စပ်လျဉ်းပြီး တောင်ကိုရီးယားနိုင်ငံ၊ ဂျောလာပြည်နယ်၊ ဂွာန်ဂျူမြို့တော်ဝန် မစ္စတာ ဂွာန်အု(န်) ထဲ နဲ့ မြို့လွှတ်တော် ဥက္ကဋ္ဌ မစ္စတာ ယူဘုန်းဂီတို့က အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ထံ ၂၀၀၁၂ ခုနှစ် ဧပြီလ ပထမအပတ်က ဂုဏ်ပြုလွှာ ပေးပို့ခဲ့ရာ “မြန်မာ ကြားဖြတ်ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် အနိုင်ရရှိခဲ့တဲ့အတွက် ၁ သန်း၊ ၄ သိန်း၊ ၈ သောင်းရှိ ဂွာန်ဂျူမြို့သူမြို့သားများနှင့်အတူ ၀မ်းသာ ဂုဏ်ယူမိပါကြောင်း၊ မြန်မာနိုင်ငံများအနေနဲ့ အခက်အခဲပေါင်း မြောက်များစွာကို ရင်ဆိုင် ဖြေရှင်းရင်း မြန်မာ့ဒီမိုကရေစီအရေးဆိုင်ရာ လန်းဆန်း သစ်လွင်တဲ့ သမိုင်းသစ်ကို လျှောက်လှမ်းနိုင်တော့မှာဖြစ်ကြောင်း၊ ၂၀၀၄ ခုနှစ် ဂွာန်ဂျူ လူ့အခွင့်အရေးဆုရှင် ဒေါ်အောင်ဆန်းစုကြည်နဲ့ ဒီမိုကရေစီနဲ့ လူ့အခွင့်အရေးမြို့တော် ဂွာန်ဂျူမြို့တို့ ဆက်လက် လက်တွဲ လုပ်ဆောင်ကြဖို့ မျှော်လင့်ပါကြောင်း၊ ကြားဖြတ် ရွေးကောက်ပွဲတွင် အောင်မြင်မှုများ ရရှိခဲ့တဲ့ အမျိုးသားဒီမိုကရေစီအဖွဲ့ချုပ်ကို ထပ်ဆင့် ချီးကျူး ဂုဏ်ပြုပါကြောင်း“ စသည်ဖြင့် ရေးသားထားကြောင်း ဂွာန်ဂျူ သတင်းများအရ သိရှိရပါတယ်။

ဂွာန်ဂျူမြို့တော်ဝန်ဟာ ၁၉၈၀ ခုနှစ် မေ ၁၈ ဒီမိုကရေစီအရေးတော်ပုံ (တောင်ကိုရီးယားတွင် ဖြစ်ပွားခဲ့တဲ့ မေ ၁၈ အရေးတော်ပုံဟာ မြန်မာပြည်က ၁၉၈၈ အရေးတော်ပုံနဲ့ ခပ်ဆင်ဆင် တူပါတယ်။) တွင် ပါဝင်ခဲ့သူတဦးဖြစ်ကာ တောင်ကိုရီးယား သမ္မတ ကင်းမ်ဒဲဂျူန်ကို အလွန် ရိုသေလေးစားသူ ဖြစ်ပြီး ၂၀၁၂ ခုနှစ် မေလ၌ ကျင်းပမယ့် ကမ္ဘာ့ လူ့အခွင့်အရေးမြို့တော် ဖိုရမ်သို့ တက်ရောက်ပါရန် ဒေါ်အောင်ဆန်းစုကြည်ကို ဖိတ်ကြားဖို့ ပြင်ဆင်နေကြောင်း သိရပါတယ်။

ကိုရီးယား နိုင်ငံခြားရေးနဲ့ ကူးသန်းရောင်းဝယ်ရေးဝန်ကြီးဌာနရဲ့ ဧပြီ ၄ ရက်နေ့ သတင်းထုတ်ပြန်ချက်တွင် “ဧပြီလ ၁ ရက်နေ့ ကြားဖြတ်ရွေးကောက်ပွဲကို ငြိမ်းချမ်းစွာ ကျင်းပပြီးစီးသွားတဲ့အတွက် ကြိုဆိုပါကြောင်း၊ မြန်မာနိုင်ငံသားများနဲ့ ရွေးကောက်ပွဲတွင် အနိုင်ရသူများကို ချီးကျူး ဂုဏ်ပြုပါကြောင်း၊ ယခု မြန်မာ့ ရွေးကောက်ပွဲဟာ ဒီမိုကရေစီမြင်ကွင်းကို အရေးကြီးဆုံး ပုံဖော်နိုင်မယ်လို့ မြင်မိပါကြောင်း၊ မြန်မာအစိုးရအနေနဲ့ မြန်မာ့ ဒီမိုကရေစီရေးနဲ့ အမျိုးသားရင်ကြားစေ့ရေးကို တိကျမှန်ကန်စွာ ရှေဆက်၍ ကြိုးပမ်းလုပ်ဆောင်သွားနိုင်မယ်လို့ မျှော်လင့်ပါကြောင်း“ ဖော်ပြထားပါတယ်။ ကြားဖြတ်ရွေးကောက်ပွဲနဲ့ ပတ်သက်တဲ့ ကိုရီးယား နိုင်ငံခြားရေးနဲ့ ကူးသန်းရောင်းဝယ်ရေးဝန်ကြီးဌာနရဲ့ မတ်လ ၂၆ ရက်နေ့ ကြေငြာချက်မှာတော့ “ကိုရီးယားအစိုးရ ၀န်ထမ်း နှစ်ဦးနဲ့ သတင်းသမား သုံးဦးတို့ကို မြန်မာ့ ကြားဖြတ် ရွေးကောက်ပွဲသို့ လေ့လာ သတင်းယူရန် မြန်မာအစိုးရက မတ် ၂၀ ရက်နေ့တွင် ဖိတ်ကြားခဲ့ကြောင်း“ ဖော်ပြထားပါတယ်။

တောင်ကိုရီးယားနိုင်ငံဟာ မြန်မာ့ ဒီမိုကရေစီ ပြောင်းလဲရေးဖြစ်စဉ်ကို ထောက်ခံအားပေးသလို တဖက်ကလည်း မြန်မာပြည်မှာ ရင်းနှီးမြှုပ်နှံမှု အများအပြား ပြုလုပ်ထားတဲ့ နိုင်ငံ ဖြစ်ပါတယ်။ တောင်ကိုရီးယား စီးပွားရေးသမားများအနေနဲ့ မြန်မာပြည်တွင် ရင်းနှီးမြှုပ်နှံမှုများ ပြုလုပ်ရန် မကြာခဏဆိုသလို ဆောင်ရွက်လျက် ရှိရာ ကြပ်ပြေးနေပြည်တော်၌ ဧပြီ ၆ ရက်နဲ့ ၇ ရက်နေ့များတွင် မြန်မာ၊ ကိုရီးယား ရင်းနှီးမြုပ်နှံဆိုင်ရာ ဖိုရမ် ကျင်းပရန် ပြင်ဆင်နေပြီး ကိုရီးယား ကုမ္ပဏီ ၈၀ နဲ့ စီးပွားရေး လုပ်ငန်းရှင် ၁၆၀ ကျော်ခန့် တက်ရောက်ကြမှာဖြစ်ကြောင်း မဲအိလ်ဂယောင်ဂျဲ သတင်းတွင် ဖော်ပြထားပါတယ်။

မြန်မာ့ကြားဖြတ်ရွေးကောက်ပွဲသတင်းဟာ မြန်မာပြည်မှာတင် မဟုတ်ဘဲ စစ်အာဏာရှင်အား ဆန့်ကျင်ခဲ့တဲ့ ဖြစ်စဉ်ခြင်း တူညီတဲ့ တောင်ကိုရီးယားနိုင်ငံမှာလည်း အထူး စိတ်ဝင်စားကြတဲ့ သတင်းတပုဒ် ဖြစ်ခဲ့ပါတယ်။ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်ဝင်များရဲ့ အောင်မြင်မှုသတင်းများကို ရုပ်မြင်သံကြား၊ ရေဒီယိုသတင်းများနဲ့ သတင်းဂျာနယ်များတွင် အကျယ်တ၀င့် ထုတ်လွှင့် ဖော်ပြကြသလို တောင်ကိုရီးယားနိုင်ငံရှိ မြန်မာ့အရေး လှုပ်ရှားသူများအား တယ်လီဖုန်း၊ အီးမေးလ်၊ text message များ ပေးပို့ကာ မြန်မာ့အရေး ဆောင်ရွက်နေသူများအတွက် ၀မ်းသာအားရ ပီတိဖြစ်မိကြောင်း၊ ရွေးချယ်ခံရတဲ့ လွှတ်တော်အမတ်များကို ချီးကျူး ဂုဏ်ယူကြောင်း ဆက်သွယ် ပြောကြားကြပါတယ်။ ဒါ့အပြင် ကိုရီးယားသတင်းဌာနများကလည်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ ဆက်သွယ်နိုင်ရန် ကြိုးစားနေကြကြောင်း သတင်းရရှိပါတယ်။
သတင်း - ၂၀၁၂ ကြားဖြတ် ရွေးကောက်ပွဲ တောင်ကိုရီးယား - Apr 5 2012 02:36 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005