အစိုးရ ငွေလဲနှုန်းသစ် ၈၁၈ ကျပ်ဖြင့် ဗဟိုဘဏ်က မြန်မာငွေဈေးကွက်ကို စတင် ပြောင်းလဲ
US Dollar

လွန်ခဲ့တဲ့ လအတွင်းက ထွက်ပေါ်ခဲ့တဲ့ သတင်းများ၊ ပြည်ထောင်စု မြန်မာနိုင်ငံ ဗဟိုဘဏ်က ကြေငြာထားချက်များအတိုင်း မြန်မာအစိုးရငွေလဲနှုန်းကို ၈၁၈ ကျပ်အဖြစ် သတ်မှတ်ကာ မြန်မာနိုင်ငံရဲ့ နိုင်ငံခြားငွေလဲနှုန်းကို ၂၀၁၂ ဧပြီ ၂ ရက်နေ့က စတင်ပြီး နှုန်းရှင် အဖြစ် ပြောင်းလဲလိုက်ပါတယ်။ ထိုသို့ ပြောင်းလဲ သတ်မှတ်မှုဟာ ဈေးကွက်အတွင်းရှိ မတူကွဲပြားနေတဲ့ မြန်မာကျပ်ငွေနဲ့ နိုင်ငံခြားငွေကြေးများကို တန်ဖိုးတခုထည်းအဖြစ် ပြောင်းလဲရေး အစီအစဉ်ရဲ့ ပထမခြေလှမ်းပဲ ဖြစ်ပါတယ်။

ဗဟိုဘဏ်က ငွေလဲနှုန်းကို ၈၁၈ ကျပ်အဖြစ် သတ်မှတ်လိုက်သော်လည်း နိုင်ငံခြားငွေ လဲလှယ်တဲ့ ဈေးကွက်ရဲ့ ငွေလဲနှုန်းကတော့ သတ်မှတ်ဈေးထက် မြန်မာငွေ ၈ ကျပ်ခန့် ကွာခြားနိုင်ပါတယ်။ ယေဘူယျအားဖြင့် ပြောရရင် ငွေလဲနှုန်း ၈၁၈ ကျပ် သတ်မှတ်တဲ့အခါ အမေရိကန်ဒေါ်လာ ရောင်းချလိုသူတွေက တဒေါ်လာကို ၈၁၀ ကျပ်နှုန်းနဲ့ ရောင်းချနိုင်ပြီး အမေရိကန်ဒေါ်လာ ၀ယ်ယူလိုသူတွေကတော့ ၈၂၆ ကျပ် ပေးကြရမှာ ဖြစ်ပါတယ်။ ဒီ ဈေးနှုန်းကလည်း ငွေလဲလုပ်ငန်းရှင်အပေါ် မူတည်ပြီး အနည်းငယ် ကွဲပြားနိုင်တာတွေ ရှိပါတယ်။ အခြား နိုင်ငံတကာ ငွေကြေးများနဲ့ မြန်မာကျပ်ငွေ လဲလှယ်နှုန်းကတော့ အမေရိကန်ဒေါ်လာနဲ့ မြန်မာကျပ်ငွေ လဲလှယ်နှုန်းကို အခြေခံကာ တွက်ချက် ရောင်းဝယ်ကြမယ့် သဘောမှာ ရှိနေပါတယ်။ မြန်မာနိုင်ငံ ဗဟိုဘဏ်အနေနဲ့ နေ့စဉ် ငွေလဲနှုန်းကို ကြေငြာသွားမှာဖြစ်ပြီး ဈေးကွက်အတွင်းရှိ အမေရိကန်ဒေါ်လာ ရောင်းလိုအား၊ ၀ယ်လိုအားအပေါ် အခြေခံကာ ကိုသို့ သတ်မှတ်သွားမှာ ဖြစ်တယ်လို့ သိရပါတယ်။

မြန်မာအစိုးရဟာ မြန်မာပြည်တွင်းမှာ နှစ် ၅၀ ကြာ မြန်မာကျပ်ငွေမှအပ နိုင်ငံခြားသုံးငွေများ ကိုင်တွယ် သုံးစွဲခြင်း မပြုရလို့ သတ်မှတ်ခဲ့သလို မြန်မာကျပ်ငွေနဲ့ အမေရိကန်ဒေါ်လာ လဲလှယ်နှုန်းကိုလည်း တဒေါ်လာကို ၆ ကျပ်ကျော်နဲ့ ၃၅ နှစ်ခန့် ပုံသေ သတ်မှတ်ထားခဲ့ရာက နှုန်းရှင်အဖြစ် ပြန်လည် ပြောင်းလဲသတ်မှတ်လိုက်ခြင်း ဖြစ်ပါတယ်။ အခု ငွေလဲနှုန်း ပြောင်းလဲ သတ်မှတ်လိုက်မှုဟာ ဈေးကွက်ကို ကြီးကြီးမားမား ရိုက်ခတ်နိုင်တဲ့ သဘောတော့ လောလောဆယ် မတွေ့ကြရသေးပါဘူး။

ငွေလဲနှုန်း ပြောင်းလဲမှုကနေ ဘဏ်လုပ်ငန်းများ ဖွံ့ဖြိုးလာနိုင်တယ်လို့ ခန့်မှန်းမှုတွေ ရှိနေပေမယ့်လည်း မြန်မာပြည်မှာ အေတီအမ် (ATM) ခေါ်တဲ့ ငွေသွင်း ငွေထုတ် လုပ်နိုင်တဲ့ စက်တွေကို လွန်ခဲ့တဲ့ လတွေကမှ စတင် သုံးစွဲနိုင်တာ ဖြစ်ပါတယ်။ တကမ္ဘာလုံးလိုလို အသုံးပြုနိုင်တဲ့ ဗီဇာ၊ မစ္စတာ၊ အမေရိကန် အိတ်စ်ပရက်စ်နဲ့ အခြား ခရက်ဒစ်ကဒ် (Credit Card) တွေကလည်း မြန်မာပြည်နဲ့နည်းနည်း အလှမ်းဝေးနေပါသေးတယ်။ ဒါ့အပြင် ငွေကြေးစနစ်တွေ ချောချောမောမော လည်ပတ်မှုကို အားဖြစ်စေတဲ့ အင်တာနက် ဆက်သွယ်မှုတွေလည်း မကောင်းသေးပါဘူး။ ငွေလဲနှုန်း ပြောင်းလဲမှုဟာ နိုင်ငံခြား ရင်းနှီးမြှုပ်နှံမှုကို အနည်းငယ် ဆွဲဆောင်နိုင်သော်လည်း လုပ်ငန်းဆိုင်ရာ စည်းမျဉ်းဥပဒေတွေရဲ့ ချည်နှောင်ထားမှု၊ လာဘ်ပေးလာဘ်ယူ ကိစ္စနဲ့ လျှပ်စစ်မီး မလုံလောက်မှုများက ရင်းနှီးမြှုပ်နှံသူများကို မလာကြနဲ့ဦးလို့ ပြောသလို ဖြစ်နေပါတယ်။

သို့သော်လည်း ငွေလဲနှုန်းကို နှုန်းရှင် သတ်မှတ်လိုက်ခြင်းဟာ မြန်မာအစိုးရရဲ့ ကြီးမားတဲ့ ပြောင်းလဲမှုတရပ်ဖြစ်ပြီး ထို ပြောင်းလဲမှုကနေ တိုင်းပြည် ဖွံ့ဖြိုး တိုးတက်မှုအတွက် အမှန်တကယ် လိုအပ်နေတဲ့ စီးပွားရေးနဲ့ ငွေကြေးဈေးကွက်ဆိုင်ရာ ပြောင်းလဲမှုများကို စနစ်တကျ လျှင်လျှင်မြန်မြန် ပြုလုပ်နိုင်ခဲ့ရင်ဖြင့် မြန်မာပြည်ဟာ နောက် အနှစ်သုံး - လေးဆယ်အတွင်းမှာ မြန်မာတွေရဲ့ ရွှေနိုင်ငံအဖြစ် ပြန်လည် ပေါ်ထွန်းလာနိုင်မယ်လို့ မျှော်လင့်မိပါတယ်။
သတင်း - နိုင်ငံခြားငွေလဲနှုန်း - Apr 2 2012 05:45 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005