လူ့အခွင့်အရေး ကော်မရှင်က လူ့အခွင့်အရေး ကော်မရှင်ကိစ္စကို သတင်းစာထဲကနေ သတင်း ထုတ်ပြန် ရှင်းလင်း
20120328 HRC - NLM

၂၀၁၂ မတ်လ ၂၈ ရက်နေ့ထုတ် မြန်မာ့အလင်းသတင်းစာ နောက်ကျောဖုံး မှ

၂၀၁၂ မတ်လ ၁၆ ရက်နေ့က ကျင်းပတဲ့ ပြည်ထောင်စုလွှတ်တော် အစည်းအဝေးတွင် ပြည်ထောင်စုလွှတ်တော် နာယက က မြန်မာသမ္မတ ဦးသိန်းစိန် ဖွဲ့စည်းခဲ့တဲ့ မြန်မာနိုင်ငံ အမျိုးသား လူ့အခွင့်အရေး ကော်မရှင်နဲ့ ပတ်သက်ပြီး အမျိုးသား လူ့အခွင့်အရေး ကော်မရှင်ကို ဗဟိုအဖွဲ့အစည်းတွင် ထည့်ထားခြင်းနဲ့ ရသုံးခန့်မှန်းခြေ ငွေစာရင်းတွင် အသုံးစရိတ် ထည့်ထားခြင်းတို့ကို ပယ်ဖျက်ကြောင်း ဆုံးဖြတ်ချက် ချခဲ့မှုနဲ့ ပတ်သက်တဲ့ ရှင်းလင်းချက်တရပ်ကို မြန်မာနိုင်ငံ အမျိုးသား လူ့အခွင့်အရေး ကော်မရှင်က ၂၀၁၂ မတ်လ ၂၇ ရက်နေ့ရက်စွဲနဲ့ သတင်းထုတ်ပြန်ချက် (၂/၂၀၁၂) ထုတ်ပြန်ကာ ရှင်းလင်း တင်ပြလိုက်ပါတယ်။

ထို ထုတ်ပြန်ချက်တွင် ပြည်ထောင်စုလွှတ်တော် နာယကရဲ့ ဆုံးဖြတ်ချက်နဲ့ ပတ်သက်ပြီး လူ့အခွင့်အရေး ကော်မရှင်ကို ဖျက်သိမ်းလိုက်တယ်လို့ ယူဆကာ ဝေဖန်ချက်များ အမျိုးမျိုး ထွက်ပေါ်ခဲ့ပြီး စုံစမ်းမှုများ ပြုကြကြောင်း၊ ပြည်တွင်းပြည်ပက စိုးရိမ်မှုများလည်း ရှိကြောင်း ကနဦး ဖော်ပြထားကာ ကော်မရှင်ဟာ နိုင်ငံတော် သမ္မတကို လွှဲအပ်ထားတဲ့ အုပ်ချုပ်မှုအာဏာအရ ဖွဲ့စည်းထားခြင်း ဖြစ်ကြောင်း၊ ဗဟို အဖွဲ့အစည်းနဲ့ အကျုံးမ၀င်ခြင်းနဲ့ ဘတ်ဂျက် ရသုံးမှန်းခြေ ငွေစာရင်း အသုံးစရိတ် ထည့်ထားခြင်းက ပယ်ဖျက်မှုဟာ ကော်မရှင် ဖွဲ့စည်းခြင်းနဲ့ လုပ်ငန်း ဆောင်ရွက် အကောင်အထည်ဖော်ခြင်းတို့ကို ပျက်ပြယ်စေခြင်း မရှိကြောင်းကိုလည်း ရေးသားထားပါတယ်။

မြန်မာနိုင်ငံ အမျိုးသား လူ့အခွင့်အရေး ကော်မရှင်ဟာ မြန်မာနိုင်ငံသူ၊ နိုင်ငံသားများရဲ့ လူ့အခွင့်အရေး မြှင့်တင်ရေးနဲ့ ကာကွယ်ရေးကို ရေရှည် ဆောင်ရွက်သွားမယ့် အဖွဲ့ ဖြစ်ကြောင်း၊ (လူ့အခွင့်အရေး မြှင့်တင်ရေးနဲ့ ကာကွယ်ရေးအတွက် ချမှတ်ထားတဲ့) ပဲရစ် အခြေခံမူ (Paris Principles) နဲ့အညီ ဖွဲ့စည်းရာတွင် အစိုးရရဲ့ ထိမ်းချုပ်မှုက လွတ်လပ်ပြီး သီးခြားရပ်တည်တဲ့ အဖွဲ့အနေနဲ့ ဖွဲ့စည်းရန် ဥပဒေတရပ် ပြဋ္ဌာန်းဖို့ လိုအပ်တယ်လို့ ကော်မရှင်က ခံယူကြောင်း၊ ပဲရစ် အခြေခံမူအရ အမျိုးသား လူ့အခွင့်အရေး ကော်မရှင်အား သက်ဆိုင်ရာ အစိုးရက လုံလောက်တဲ့ ဘဏ္ဍာငွေ ထောက်ပံ့ကြရကြောင်း၊ ဒါ့ကြောင့် အစိုးရ အထောက်အပံ့နဲ့ အခြား အထောက်အပံ့များကို စနစ်တကျ လက်ခံ သုံးစွဲတဲ့အဖွဲ့အစည်းအဖြစ် ဆောင်ရွက်သွားမှာ ဖြစ်ကြောင်း၊ လူ့အခွင့်အရေး ကော်မရှင် ခိုင်မာစွာ ရပ်တည်ရေးအတွက် သမ္မတရဲ့ လမ်းညွှန်ချက်နဲ့အညီ ဥပဒေကြမ်း စတင်ရေးဆွဲနေပြီ ဖြစ်ကြောင်း၊ ဥပဒေကြမ်းကို သမ္မတထံ တင်ပြပြီး သဘောတူညီပါက သမ္မတရုံးမှတဆင့် လွှတ်တော်ကို တင်ပြ အတည်ပြုချက်ရယူမှာ ဖြစ်ကြောင်း၊ လူ့အခွင့်အရေး ကော်မရှင်အနေနဲ့ ပေးအပ်ထားတဲ့ တာဝန်များအတိုင်း ဖွဲ့စည်းပုံ အခြေခံ ဥပဒေမှာ ပါဝင်တဲ့ နိုင်ငံသားများရဲ့ မူလအခွင့်အရေး မြှင့်တင်ရေးနဲ့ ကာကွယ်ရေးတို့ကို အရှိန်အဟုန်မပျက် ဆက်လက် ဆောင်ရွက်သွားမှာ ဖြစ်ကြောင်း ကော်မရှင်ရဲ့ ထုတ်ပြန်ချက်မှာ ဖော်ပြထားပါတယ်။

မြန်မာနိုင်ငံဟာ အာစီယံနိုင်ငံများတွင် ငါးနိုင်ငံမြောက် လူ့အခွင့်အရေး ကော်မရှင် ဖွဲ့စည်းတဲ့ နိုင်ငံဖြစ်ပြီး အာစီယံ ၁၀ နိုင်ငံတွင် အင်ဒိုနီးရှား၊ မလေးရှား၊ ဖိလစ်ပိုင်နဲ့ ထိုင်းနိုင်ငံများတွင် အမျိုးသား လူ့အခွင့်အရေး ကော်မရှင်များ ဖွဲ့စည်းပြီး ဖြစ်ပါတယ်။ နိုင်ငံတကာက မြန်မာနိုင်ငံအား လူ့အခွင့်အရေး အချိုးဖောက်ဆုံး အာဏာရှင်နိုင်ငံ တနိုင်ငံအဖြစ် ရှုမြင် သုံးသပ်ခဲ့ပြီး မြန်မာနိုင်ငံဟာ အဓမ္မ အလုပ်စေခိုင်းခြင်း၊ လူကုန်ကူးခြင်း၊ ကလေးစစ်သားအသုံးပြုခြင်း၊ နိုင်ငံရေး ယုံကြည်ချက်ကြောင့် မတရား ပြစ်ဒဏ်ကျခံရသူများ၊ ညှင်းပန်း နှိပ်စက် သတ်ဖြတ်ခံရသူများ ရှိခြင်း၊ ပြည်တွင်းစစ်ကြောင့် နိုင်ငံတွင်း ရွှေ့ပြောင်းလှည့်လည် နေထိုင်နေသူ များပြားခြင်း၊ လွတ်လပ်စွာ ထုတ်ဖော် ပြောကြားခွင့် အပါအ၀င် လူသားတို့ရဲ့ အခြေခံ လူ့အခွင့်အရေး အများအပြား ဆိတ်သုဉ်းနေခြင်း စတဲ့ ကိစ္စများနဲ့ ဆက်စပ်ပြီး နာမည်ဆိုးများစွာနဲ့ ကျော်ကြားခဲ့တဲ့ နိုင်ငံ ဖြစ်ပါတယ်။

နှစ် ၅၀ ကြာ စစ်တပ်ရဲ့ သဘောကျ အုပ်ချုပ်မှုအောက် အသားကျခဲ့တဲ့ မြန်မာနိုင်ငံမှာ သမ္မတက လူ့အခွင့်အရေး ကော်မရှင် ဖွဲ့စည်းပြီး လွှတ်တော်က တရားမ၀င်ကြောင်း ပြောဆိုခဲ့ခြင်းဟာ အများအတွက် အဆန်းမဟုတ်ပေမယ့် ဒီမိုကရေစီ ပြုပြင်ရေးလမ်းကြောင်းကနေ နောက်ကြောင်းပြန်လှည့်မှာ မဟုတ်ဘူးလို့ ပေးခဲ့တဲ့ မြန်မာအာဏာပိုင်ရဲ့ ဂတိအတွက်တော့ အင်အားပြင်းတဲ့ အားစမ်းမှုတခု ဖြစ်ခဲ့ပါတယ်။ ဒါ့ကြောင့်လည်း အစိုးရနဲ့ လွှတ်တော်အကြားက မြန်မာနိုင်ငံ အမျိုးသား လူ့အခွင့်အရေး ကော်မရှင် ဖွဲ့စည်းခြင်းနဲ့ ပတ်သက်တဲ့ မတူကွဲပြားတဲ့ကိစ္စကို ဖွဲ့စည်းထားတဲ့ မြန်မာနိုင်ငံ အမျိုးသား လူ့အခွင့်အရေး ကော်မရှင်က သတင်းစာထဲကနေ ပြန်လည် ဖြေရှင်းချက် ထုတ်ပြန်ခဲ့ရခြင်း ဖြစ်ပါတယ်။
သတင်း - လူ့အခွင့်အရေး ကော်မရှင် - Mar 28 2012 07:01 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005