အမေရိကန် ဗဟို ထောက်လှမ်းရေးဌာန အင်တာနက်စာမျက်နှာ တိုက်ခိုက်ခံရ
CIA Website 20120211

တိုက်ခိုက်ခံရပြီးနောက် နာရီအတန်အကြာ အမေရိကန် ဗဟို ထောက်လှမ်းရေး ဌာန အင်တာနက်စာမျက်နှာအား ပုံမှန်အနေအထားဖြင့် တွေ့ရစဉ်။

စီအိုင်အေ လို့ လူသိများတဲ့ အမေရိကန် ဗဟိုထောက်လှမ်းရေးဌာနရဲ့ အင်တာနက်စာမျက်နှာကို (Hackers) ကွန်ပြူတာ လုံခြုံရေးစနစ် ဖျက်ဆီးသူများက ၂၀၁၂ ဖေဖော်ဝါရီ ၁၁ ရက် အမေရိကန် အရှေ့ပိုင်းစံတော်ချိန် ညနေ သုံးနာရီခွဲလောက်မှာ တိုက်ခိုက်ခဲ့ကြပါတယ်။ ထိုသို့ တိုက်ခိုက်ခံလိုက်ရတဲ့အတွက် အမေရိကန် ဗဟိုထောက်လှမ်းရေး အင်တာနက်စာမျက်နှာဟာ ခေတ္တ ရပ်ဆိုင်းသွားပြီး ည ၁၁ နာရီ ၄၅ မိနစ်ခန့်တွင် ပုံမှန် အခြေအနေကို ပြန်လည် ရောက်ရှိခဲ့ကြောင်း သိရပါတယ်။

ထိုသို့ တိုက်ခိုက်မှုဟာ သူတို့ရဲ့ လက်ချက်ဖြစ်တယ်လို့ အမည်မသိ (Annoymous) အဖွဲ့က ကြေညာခဲ့ကြောင်း နိုင်ငံတကာသတင်းများတွင် ဖော်ပြထားပါတယ်။ အခု သတင်းရေးသားချိန် ၂၀၁၂ ဖေဖော်ဝါရီ ၁၁ ရက် အမေရိကန်ပြည်ထောင်စု အရှေ့ဘက်ပိုင်းစံတော်ချိန် ည ၁ နာရီမှာတော့ စီအိုင်အေ အင်တာနက်စာမျက်နှာကို ပြန်လည် ကြည့်ရှုလို့ရနေပါပြီ။ ထို တိုက်ခိုက်မှုဟာ ဒီဒီအိုအက်စ် (DDoS) လို့ ခေါ်တဲ့ တိုက်ခိုက်နည်းနဲ့ တိုက်ခိုက်ခဲ့တာဖြစ်ကြောင်း ဂစ်ဇ်မိုဒို (Gizmodo) အင်တာနက်စာမျက်နှာ (http://gizmodo.com/5884119/anonymous-says-theyve-killed-the-cias-website) တွင် ဖော်ပြထားသလို ကွန်ပြူတာ ကျွမ်းကျင်သူများကလည်း ထိုသို့ ယူဆနေကြပါတယ်။ စီအိုင်အေ အင်တာနက်စာမျက်နှာနဲ့အတူ မက္ကဆီကို အစိုးရ သတ္ထုတွင်းဝန်ကြီးဌာန၊ အမေရိကန်ပြည်ထောင်စု အာလာဘားမားပြည်နယ်အစိုးရ အင်တာနက်စာမျက်နှာများလည်း တိုက်ခိုက်ခံရကြောင်း သတင်းများတွင် ဖော်ပြထားပါတယ်။

စီအိုင်အေ အင်တာနက်စာမျက်နှာဟာ ၂၀၁၁ ခုနှစ် ဇွန်လလယ်က တခါ တိုက်ခိုက်ခံခဲ့ရပြီး အခုအကြိမ်ဟာ ရှစ်လအတွင်း ဒုတိယအကြိမ်မြောက်အဖြစ် အခုလို တိုက်ခိုက်ခံခဲ့ရတာ ဖြစ်ပါတယ်။ ဇွန်လတိုက်ခိုက်မှုကို LulzSec အဖွဲ့က သူတို့ ပြုလုပ်ခဲ့တာ ဖြစ်ကြောင်း ကြေညာခဲ့ပြီး အခုတခါ တိုက်ခိုက်မှုကိုတော့ အမည်မသိ (Annoymous) အဖွဲ့က ပြုလုပ်ခဲ့တာ ဖြစ်တယ်လို့ ဆိုပါတယ်။ စီအိုင်အေ အင်တာနက်စာမျက်နှာကို တိုက်ခိုက်အပြီး တိုက်ခိုက်ခဲ့သူများက တွက်တာ (Twitter) စာမျက်နှာမှာ စီအိုင်အေကို သုတ်သင်လိုက်ပြီ (CIA TANGO DOWN) လို့ ဖော်ပြခဲ့ပါတယ်။ ထို အသုံးအနှုန်းဟာ အမေရိကန် အထူးတပ်ဖွဲ့တွေ အရေးကြီးတဲ့ရန်သူကို သုတ်သင်နှိမ်နင်းပြီးတဲ့အချိန်မှာ အသုံးပြုတဲ့ အသုံးအနှုန်း ဖြစ်ပါတယ်။

အခုလို အမေရိကန် ဗဟို ထောက်လှမ်းရေး အင်တာနက်စာမျက်နှာကို တိုက်ခိုက်မှုဟာ မဂ္ဂါ အက်ပ်လုပ် (Megaupload) လို့ ခေါ်တဲ့ ကွန်ပြူတာထဲက ဖိုင်တွေ တယောက်နဲ့တယောက် ပေးပို့ကြတဲ့ အင်တာနက်စာမျက်နှာကို လွန်ခဲ့တဲ့လအတွင်းက ရပ်ပစ်လိုက်တာနဲ့ ဆက်စပ်မှုရှိတယ်လို့ သိရပါတယ်။ မဂ္ဂါ အပ်ပ်လုပ် အင်တာနက်စာမျက်နှာဟာ အသုံးပြုသူများအတွက် ဖိုင်တွေ မျှဝေတဲ့ ၀န်ဆောင်မှုကို ပြုလုပ်ပေးနေပေမယ့်လည်း အမေရိကန်ရဲ့ မူပိုင်ခွင့်ဥပဒေနဲ့ ငြိစွန်းတဲ့ ပြစ်မှုတွေ ကျူးလွန်နေတဲ့တွက် အမေရိကန် တရားရေးဝန်ကြီးဌာနက အရေးယူခဲ့ခြင်း ဖြစ်ပါတယ်။ အခုလို မဂ္ဂါအက်ပ်လုပ် အင်တာနက်စာမျက်နှာကို အရေးယူခဲ့ခြင်းဟာ ရုပ်ရှင်၊ တေးသီချင်းများကို အင်တာနက်ကတဆင့် အခကြေးငွေ မပေးဘဲ ရယူနိုင်နေကြခြင်းက အစပြုပြီး သတင်း၊ ဓါတ်ပုံနဲ့ ကိုယ်ရေးဆိုင်ရာ အချက်အလက်တွေကို ကာယကံရှင်များအား အသိမပေးဘဲ ယူငင် သုံးစွဲနေကြခြင်းကို အရေးယူနိုင်ဖို့ အမေရိကန်လွှတ်တော်မှာ ဆွေးနွေးဖို့ ပြင်ဆင်နေခဲ့ကြခြင်းနဲ့ တိုက်ရိုက် ပတ်သက်နေပါတယ်။

ထိုသို့ လွှတ်တော်ကနေ ဥပဒေတခု ပြုပြီး တင်းကြပ်မှာကို ဂူဂယ် (Google)၊ ၀ီကီပီးဒီးယား (Wikipedia) အပါအ၀င် အချို့က ကန့်ကွက်ခဲ့ကြပြီး ဥပဒေတခုနဲ့ ထိမ်းချုပ်တာထက် ဥပဒေရဲ့ဟာကွက်လေးကို ဒီအတိုင်းထားပြီး အခြားနည်းလမ်းနဲ့ ထိမ်းချုပ်ဖို့ကို ပိုပြီး လိုလားခဲ့ကြပါတယ်။ ဒါ့ကြောင့်လည်း အမေရိကန်လွှတ်တော်မှာ အဲဒီကိစ္စ ဆွေးနွေးဖို့ နှောင့်နှေးခဲ့ပြီး အမေရိကန်အာဏာပိုင်တွေက ရုပ်ရှင် ဂီတ စသည်ဖြင့် အနုပညာ ဖန်တီးမှုများကို ခိုးယူ ဖြန့်ချိ ရောင်းချနေတဲ့ မဂ္ဂါအပ်ပ်လုပ်ကို အရေးယူခဲ့တာ ဖြစ်ပါတယ်။

အခု စီအိုင်အေ အင်တာနက်စာမျက်နှာကို နာရီအတန်ကြာ ရပ်တန့်သွားအောင် တိုက်ခိုက်ခြင်းဟာ မဂ္ဂါအပ်ပ်လုပ်အား အရေးယူခြင်းကို တုန့်ပြန် တိုက်ခိုက်တာ ဖြစ်နေလေတော့ ကမ္ဘာကြီးတခုလုံးကို စက္ကန့်ပိုင်းအတွင်း ဆက်သွယ်နိုင်တဲ့ အင်တာနက်စနစ်ကြီး စည်းစနစ် ကျကျနနနဲ့ စည်းကမ်းတကျ ဖြစ်လာအောင် ဆောင်ရွက်ကြဖို့ ပိုမို လိုအပ်နေတယ်ဆိုတာကို မီးမောင်းထိုးပြလိုက်သလို ဖြစ်နေပါတယ်။
သတင်း သုံးသပ်ချက် - အမေရိကန် ဗဟို ထောက်လှမ်းရေး ဌာန အင်တာနက်စာမျက်နှာ တိုက်ခိုက်ခံရ စီအိုင်အေ ဒီဒီအိုအက်စ် အမည်မသိ - Feb 14 2012 12:24 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005