ဒေါ်အောင်ဆန်းစုကြည်နဲ့ ဗာဂျီးနီးယား တက်ခ် တက္ကသိုလ် ကျောင်းသားများ ဆက်သွယ် စကားပြောခြင်း (၁)
Screenshot - DASSK meets Virginia Tech Students

ဒေါ်အောင်ဆန်းစုကြည်နဲ့ ဗာဂျီးနီးယား တက်ခ် (Virginia Tech) တက္ကသိုလ် ကျောင်းသားများ ဆက်သွယ် မေးမြန်မှု (ယူကျူ့)

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အမေရိကန်ပြည်ထောင်စုရဲ့ နာမည်ကြီးတက္ကသိုလ် တခုဖြစ်တဲ့ ဗာဂျီးနီးယား တက်ခ် (Virginia Tech) တက္ကသိုလ်က ကျောင်းသားတွေကို စကိုဒ်(ပ်) (Skype) ကနေတဆင့် ဒီဇင်ဘာလ (၅) ရက်နေ့တုန်းက ဆက်သွယ် စကားပြောခဲ့ပါတယ်။ ဒီမိုကရေစီလှုပ်ရှားသူခေါင်းဆောင် မြန်မာအမျိုးသမီးတဦးကို ကမ္ဘာတဘက်ခြမ်းက မျိုးဆက်သစ်လူငယ်တွေ လေးစားချစ်ခင်စွာနဲ့  တွေ့ဆုံမေးမြန်းနေကြတာကို မြင်ရတာ အင်မတန်မှ စိတ်ကြည်နူးစရာ ပါ။ ဒီမိုကရေစီအရေး လှုပ်ရှားဆောင်ရွက်နေတဲ့ ကမ္ဘာကျော်ခေါင်းဆောင်တွေ အများကြီး ရှိပေမယ့် လူငယ်ထုအပေါ် လွှမ်းမိုးနိုင်စွမ်းရှိမှုမှာတော့ ဒေါ်အောင်ဆန်းစုကြည်ကို ဘယ်သူမှ မမှီကြဘူးလို့  ထင်ပါတယ်။

ကျောင်းသားပေါင်း သုံးထောင်ကျော်တို့ဟာ ဒေါ်အောင်ဆန်းစုကြည်နဲ့  စကားပြောခွင့်ရဖို့ စိတ်လှုပ်ရှားနေခဲ့ကြပြီး၊ စကိုဒ်(ပ်) (Skype) ကနေ ဒေါ်အောင်ဆန်းစုကြည်ရုပ်ပုံပေါ်လာတာနဲ့  တပြိုင်နက် “အောင်ဆန်းစုကြည်” “အောင်ဆန်းစုကြည်” ဆိုပြီး ကြွေးကြော်သံတွေနဲ့  ကြိုဆိုခဲ့ကြပါတယ်။ အသေးစိပ်ကို ယူကျူ့မှာ ကြည့်ရှုနိုင်ပါတယ်။ ၄၅ မိနစ်လောက် ကြာမြင့်တဲ့ ဆက်သွယ်ဆွေးနွေးမှု မှာ ဒေါ်အောင်ဆန်းစုကြည်က ကျောင်းသားတွေရဲ့ မေးခွန်းတွေကို ရီရီမောမောနဲ့  ဖြေကြားပေးရင်း၊ မြန်မာကျောင်းသားတွေကို ပညာသင်ဆုတွေ ပေးဖို့၊ နာမည်ကြီး ပါမောက္ခတွေကို မြန်မာပြည်စေလွှတ်ပြီး ပညာသင်ကြားပေးဖို့  တောင်းဆိုလိုက်ပါသေးတယ်။

ဒေါ်အောင်ဆန်းစုကြည်နဲ့ ကျောင်းသားတွေရဲ့ အမေးအဖြေတွေထဲ က အချို့ကို အလျှင်းသင့်သလို ဘာသာပြန်ပြီး ပထမပိုင်းအဖြစ် ဖော်ပြလိုက်ပါတယ်။

မေး။ ။ ၂၀၁၁ ခုနှစ်အတွင်း မြန်မာပြည် မှာ ပြောင်းလဲမှုတွေ အများကြီး ရှိခဲ့ပါတယ်။ ဒေါ်အောင်ဆန်းစုကြည်ကို နေအိမ်အကျယ်ချုပ်ကနေ လွှတ်လိုက်တာ၊ ရုံးခန်းတွေ ပြန်ခွင့်ပေးတာတွေ စသဖြင့် အပြောင်းအလဲတွေ ရုတ်တရက် အလျှင်အမြန် ပြောင်းလဲမှုတွေ ဖြစ်ပေါ်လာတာ ဘာကြောင့်လို့ ထင်ပါသလဲ။

ဖြေ။ ။ အများ မြင်သလို အခုမှ ရုတ်တရက် ပြောင်းလဲမှုတွေ ဖြစ်လာတာ မဟုတ်ပါဘူး။ တကယ်တော့ လွန်ခဲ့တဲ့ ၂၃ နှစ်တာကာလအတွင်း ကြိုးစားလုပ်ဆောင်ခဲ့မှုတွေရဲ့ အသီးအပွင့်တွေကို အခု မြင်တွေ့နေရတယ်လို့ ပဲ ကျွန်မ မြင်ပါတယ်။ ဘာမှ အပြောင်းအလဲ မရှိတာထက်စာရင် အခုလို ပြောင်းလဲတာက ပိုကောင်းတာပေါ့။

မေး။ ။ မြန်မာပြည်ရဲ့ ဒီမိုကရေစီလှုပ်ရှားမှုတွေကို ဦးဆောင်နေသူတဦးအနေနဲ့  ဒီမိုကရေစီစနစ်ကို ဘယ်လို အဓိပ္ပါယ် ဖွင့်ဆိုပါသလဲ။

ဖြေ။ ။ ရိုးရိုးစင်းစင်း ပြောရမယ်ဆိုရင်တော့ ဒီမိုကရေစီဆိုတာ လွတ်မြောက်မှုနဲ့  လုံခြုံမှုတွေကို မျှမျှတတ ပေါင်းစပ်ထားတဲ့ စနစ်လို့ မြင်ပါတယ်။ ကျွန်မ အပါအ၀င် မြန်မာပြည်သူလူထုက လွတ်မြောက်ချင်ကြသလို တချိန်တည်းမှာပဲ လုံခြုံမှုကို လိုလားကြပါတယ်။ အဲဒီ နှစ်ခုစလုံးကို ပေးဖို့  ဒီမိုကရေစီစနစ်သာလျင် အကောင်းဆုံး အုပ်ချုပ်ရေးစနစ် ဖြစ်ပါတယ်။ ဒါကြောင့် ကျွန်မတို့  ဒီမိုကရေစီကို လိုချင်ကြတာပါ။ ဒီမိုကရေစီ ဆိုတာ အလိုအလျောက် ရလာမယ့်အရာ မဟုတ်ပဲ ကျွန်မတို့  ကြိုးစားလုပ်ကိုင်သွားဖို့ လိုတယ် ဆိုတာကိုလဲ ကောင်းကောင်း နားလည် လက်ခံထားပါတယ်။

မေး။ ။ ဟီလာရီ ကလင်တန် မကြာသေးမီက မြန်မာပြည်ကို သွားခဲ့တာ တွေ့ရပါတယ်။ မြန်မာ - အမေရိကန် ဆက်ဆံရေး ပိုမို တိုးတက်လာမယ်လို့  ထင်ပါသလား။

ဖြေ။။ ။ တနေ့ထက်တနေ့  ပိုပြီး တိုးတက်လာမယ်လို့  ကျွန်မ ယုံကြည်ပါတယ်။ တနေ့နေ့မှာ ကျွန်မတို့တွေ အခုလို အင်တာနက်ကနေ မဟုတ်ပဲ လူချင်းတွေ့ပြီး စကားပြောရလိမ့်မယ်လို့  ကျွန်မ ထင်ပါတယ်။ (ရီမောလျှက်)

မေး။ ။ မြန်မာပြည်အပေါ်ထားတဲ့ စီးပွားရေးပိတ်ဆို့မှုတွေ ကို ရုပ်သိမ်းလိုက်မယ်ဆိုရင် ပြည်တွင်း နိုင်ငံခြား ရင်းနှီးမြှုပ်နှံမှုတွေ ဘယ်လောက် မြန်မြန် ဖြစ်လာနိုင်ပါသလဲ ခင်ဗျာ။

ဖြေ။။ ။ စီးပွားရေးပိတ်ဆို့ မှုတွေ ကို ရုပ်သိမ်းတာ တခုတည်းနဲ့  မဖြစ်နိုင်ပါဘူး။ စီးပွားရေးသမားတော်တော် များများနဲ့  ကျွန်မ စကားပြောကြည့်တဲ့အခါ သူတို့က ကောင်းမွန် သင့်တော်တဲ့ စီးပွားရေးအာမခံချက်တွေကို လိုချင်ကြတာ တွေ့ရပါတယ်။ စီးပွားရေးဆိုင်ရာဥပဒေတွေနဲ့ အတူ တရားဥပဒေ စိုးမိုးရေးတွေ ရှိမှသာ လာရောက် ရင်းနှီးမြှုပ်နှံလိုသူတွေကို အကာကွယ်ပေးနိုင်မှာ ဖြစ်ပါတယ်။ ဒါကြောင့် စီးပွားရေးပိတ်ဆို့မှုတွေကို ရုပ်သိမ်းတာတခုတည်းနဲ့  ရင်းနှီးမြှုပ်နှံမှုတွေ ကို မြန်မြန် မရနိုင်ပါဘူး။

မေး။ ။ နိုင်ငံရေးတက်ကြွလှုပ်ရှားသူတွေ ဘယ်လို စာအုပ်မျိုးတွေ ဖတ်သင့်တယ်လို့  ထင်ပါသလဲ။

ဖြေ။ ။ ဘယ်လို နိုင်ငံရေးလှုပ်ရှားမှုကို ရွေးချယ်မလဲ ဆိုတဲ့အပေါ် မူတည်ပြီး ဖတ်သင့်တဲ့ စာအုပ်အမျိုးအစား ပြောင်းသွားမယ်လို့ ထင်ပါတယ်။ ကျွန်မ ပထမဆုံး ဖတ်ဖူးတဲ့ နိုင်ငံရေးစာအုပ်က ၇ နှစ်လောက် အထိန်းသိမ်းခံရတဲ့ နိုင်ငံရေးသမားတယောက် အကြောင်း ပါ။ တိုက်ဆိုင်မှုလို့ပဲ ဆိုရမလား မသိဘူး၊ (ရီမောလျှက်) အဲဒီစာအုပ်က ကျွန်မ ရွေးချယ်တဲ့ နိုင်ငံရေးလှုပ်ရှားမှုတွေအတွက် ကျွန်မကို ပြင်ဆင်ပေးခဲ့ပါတယ်။ အဲဒီလို စာအုပ်မျိုးကတော့ အခု မေးခွန်းမေးတဲ့သူအတွက် လိုလိမ့်မယ်လို့ ကျွန်မ မထင်ပါဘူး။ ကမ္ဘာ့နိုင်ငံရေးအကြောင်း ကျယ်ကျယ်ပြန့်ပြန့် ရေးထားတဲ့ စာအုပ်မျိုးကတော့ ဖတ်သူတွေကို ဗဟုသုတ တိုးပွားစေပြီး ဘယ်လို နိုင်ငံရေးလှုပ်ရှားမှုအတွက်မဆို သင့်တော်မယ်လို့ ထင်ပါတယ်။

မေး။ ။ လက်ရှိအမေရိကန် သမ္မတအိုဘားမားက အမေရိကန်နဲ့ နိုင်ငံတကာဆက်ဆံရေး ကို တိုးတက်အောင် ဆောင်ရွက်နိုင်တယ်လို့ ထင်ပါသလား။

ဖြေ။ ။ သေချာတာပေါ့။ သမ္မတအိုဘားမားဟာ အခက်အခဲတွေ ကြား၊ ချို့ငဲ့မှုတွေကြားကနေ သမ္မတအဆင့်အထိ ရောက်လာခဲ့သူ ပါ။ ကမ္ဘာတ၀ှမ်းက လူတွေက ချို့ငဲ့သူတွေ အောင်မြင်မှုရတာကို မြင်ချင်ကြပါတယ်။ ဆင်းရဲတဲ့မိသားစုက ပေါက်ဖွားလာသည်ဖြစ်စေ၊ ချမ်းသာပြီး သြဇာကြီးတဲ့ အသိုင်းအ၀ိုင်းက ဆင်းသက်လာသည်ဖြစ်စေ၊ တန်းတူညီတူ အခွင့်အရေးရတာကို လူတွေကို မြင်ချင်ကြပါတယ်။ အိုဘားမား သမ္မတဖြစ်ခြင်းကြောင့် တခြားလူတွေရဲ့ စိတ်ထဲမှာ ဘယ်သူမဆို ကြိုးစားရင် သူ့လိုပဲ အောင်မြင်မှု ရနိုင်တယ်ဆိုတဲ့ ခံစားမှုကို ဖြစ်ပေါ်စေတယ်လို့ မြင်ပါတယ်။

မေး။ ။ ဒေါ်အောင်ဆန်းစုကြည်ဟာ အသက်ငယ်စဉ်ကတည်းက ခါးသီးတဲ့ အတွေ့အကြုံတွေကို ရင်ဆိုင်ခဲ့ရတဲ့ကြားက အရှိန်မပြတ် ဘ၀ခရီးကို ဆက်လျှောက်နိုင်ခဲ့ပါတယ်။ အခု ဒီခန်းမထဲမှာ ရှိတဲ့ ကျောင်းသားတွေ အပါအ၀င် ကမ္ဘာပေါ်က လူငယ်တွေဟာ ကြီးကျယ်တဲ့အရာတွေကို ဖန်တီး ဖြစ်ပေါ်စေနိုင်မဲ့ သူတွေ ပါပဲ။ ဒါပေမယ့် မကြာခဏဆိုသလို ကျွန်တော်တို့  ဦးတည်ချက် ပျောက်နေတာတွေ ရှိတတ်ပါတယ်။ ဒေါ်အောင်ဆန်းစုကြည်အနေနဲ့  ဦးတည်ချက် မပျက်အောင် ဘယ်လို ဆောင်ရွက်ခဲ့ပါသလဲ ခင်ဗျာ။

ဖြေ။ ။ လူတယောက်ရဲ့ဘ၀မှာ တာဝန်သိမှုက အရေးကြီးဆုံး ပဲ။ တာဝန်ကို ထမ်းဆောင်ရာမှာလဲ စိတ်ပါလက်ပါ၊ တက်တက်ကြွကြွ၊ ယုံကြည်မှုအပြည့်နဲ့  ထမ်းဆောင်ဖို့က အရေးကြီးပါတယ်။ ကျွန်မရဲ့ဘ၀မှာ အခက်အခဲတွေ အများကြီးနဲ့ ရင်ဆိုင်ခဲ့ရတယ်။ အဲဒီကာလတွေကို “မိမိရဲ့ ရည်မှန်းချက် အောင်မြင်ရေးထက် ဘာမှ အရေးမကြီးဘူး” ဆိုတဲ့ စိတ်ဓာတ်နဲ့ပဲ ကျွန်မ ဖြတ်ကျော် လာခဲ့တာပါ။ အဲဒီအတွေးအခေါ်က နည်းနည်းတော့ ရှေးကျနေမလားပဲ။ အဲဒီလို စိတ်ထားပြီး ကြိုးစားကြည့်ပါ။ ဘ၀မှာ အရင်က သတိမထားမိတဲ့အရာတွေ ဖြစ်လာတာကို တွေ့ရပါလိမ့်မယ်။

မေး။ ။ မြန်မာပြည်တွင်းက ပြောင်းလဲလာမှုတွေဟာ အာရပ်နိုင်ငံက တော်လှန်ပုန်ကန်မှုတွေကြောင့်လို့ ထင်ပါသလား။

ဖြေ။ ။ ပြည်တွင်းပြောင်းလဲမှုတွေက အာရပ်နိုင်ငံက တော်လှန်ပုန်ကန်မှုတွေ နဲ့ တိုက်ရိုက်ကြီးတော့ မသက်ဆိုင်ပါဘူး။ ဗမာပြည်က လူတွေဟာ အာရပ်နိုင်ငံက တော်လှန်မှုတွေအကြောင်း အပါအ၀င် ကမ္ဘာတ၀ှမ်းက အဖြစ်အပျက်တွေကို သတိထားမိကြတာ မှန်ပေမယ့် ကျွန်မ ခပ်စောစောက ပြောခဲ့သလို လွန်ခဲ့တဲ့ နှစ်ပေါင်း ၂၃ နှစ်ကျော်ကတည်းက ကြိုးစားလာမှုတွေနဲ့  ပိုပြီး သက်ဆိုင်တယ်လို့ ထင်ပါတယ်။ ကြိုးစားမှုတွေက နောက်ဆုံးမှာတော့ အရာထင်လာရတာပဲ မဟုတ်လား။

မေး။ ။ ဒေါ်အောင်ဆန်းစုကြည်အနေနဲ့  မြန်မာပြည်တွင်းမှာ အင်တာနက်တွေ၊ ဖုန်းတွေ ကျယ်ကျယ်ပြန့်ပြန့် သုံးခွင့်မရတဲ့ကြားက ဘယ်လိုလုပ်ပြီး ကိုယ့်အတွေးအခေါ်တွေကို လူသိများတဲ့ ခေါင်းဆောင်တဦး ဖြစ်လာခဲ့တာလဲ။

ဖြေ။ ။ ရှေးရှေးတုန်းက စာအုပ်တွေ ရှိခဲ့ဖူးတယ်လေ၊ (ရီမောလျှက်) ကျွန်မတို့  ဒီမိုကရေစီလှုပ်ရှားမှုတွေ စ,လုပ်တုန်းက မြန်မာပြည်မှာ အင်တာနက် မပေါ်သေးပေမယ့် ကျွန်မရေးတဲ့စာအုပ်တွေ ဆောင်းပါးတွေကနေတဆင့် သိသွားတဲ့သူတွေ ရှိသလို၊ ရေဒီယို ဒါမှမဟုတ် သတင်းစာတွေကနေတဆင့် ကျွန်မနဲ့ အင်တာဗျူးတွေကြောင့် သိသွားတဲ့ လူတွေလဲ ရှိပါတယ်။

မေး။ ။ မြန်မာပြည်တွင်းမှာ ငြိမ်းချမ်းတဲ့ ဒီမိုကရေစီစနစ်ပေါ်ပေါက်လာပြီးရင် ဒေါ်အောင်ဆန်းစုကြည်ရဲ့ ရည်မှန်းချက်တွေ အောင်မြင်သွားပြီလို့  ဆိုမလား။ ဒါမှမဟုတ် တခြားဘာတွေ ဆက်လုပ်ဖို့  ရည်ရွယ်ထားပါသလဲ။

ဖြေ။ ။ ငြိမ်းချမ်းတဲ့ ဒီမိုကရေစနစ်ပေါ်ပေါက်လာဖို့ က ပထမဆုံးအဆင့် ပေါ့ ။ နောက်တဆင့် အနေနဲ့  အဲဒီစနစ်ကို အမှန်တကယ် လိုက်နာကျင့်သုံးဖို့ နဲ့  ရေရှည် တည်တံ့အောင် လုပ်ဆောင်ဖို့  လိုပါသေးတယ်။ တနည်းအားဖြင့်တော့ အဆုံးမရှိတဲ့ လှုပ်ရှားမှုလို့ ထင်ပါတယ်။ အမေရိကန်ပြည်ထောင်စုလို ဒီမိုကရေစီစနစ်ကို နှစ်ပေါင်းများစွာ ကျင့်သုံးလာတဲ့ နိုင်ငံတွေမှာတောင် အဲဒီစနစ်ကို ပိုမိုကောင်းမွန်အောင်နဲ့  ဆက်လက် တည်တံ့အောင် ထိန်းသိမ်းရတာတွေကိုတော့ ဆောင်ရွက်နေကြရတုန်းပဲ မဟုတ်လား။ မြန်မာပြည်မှာ ဒီမိုကရေစီစနစ် ထွန်းကားလာပြီး ကျွန်မ နားနားနေနေနဲ့  ကိုယ်လုပ်ချင်တာတွေကို လုပ်နိုင်မယ့် အချိန်တခုရောက်လာဖို့  မျှော်လင့်မိပါတယ်။

(ဆက်လက် ဖော်ပြပါမယ်။)

မစုဉာဏ်
ဘာသာပြန် - ဒေါ်အောင်ဆန်းစုကြည်နဲ့ ဗာဂျီးနီးယား တက်ခ် တက္ကသိုလ် ကျောင်းသားများ ဆက်သွယ် စကားပြောခြင်း မစုဉာဏ် - Feb 22 2012 12:27 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
မစုဉာဏ် ရဲ့ ဆောင်းပါးများ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005