လူသိနည်းသော မိုက်ကယ်အဲရစ်၏ စွန့်လွှတ်အနစ်နာခံမှု အကြောင်း တစေ့တစောင်း
Michael Aris, Aung San Suu Kyi and their first son Alexander, in 1973 Photo: ARIS FAMILY COLLECTION/GETTY IMAGES

Michael Aris, Aung San Suu Kyi and their first son Alexander, in 1973 Photo: ARIS FAMILY COLLECTION/GETTY IMAGES

အပြင်မှာ ကျနေတဲ့ နှင်းဖွဲလေးတွေကို ကြည့်ရင်း နှင်းတွေဖုံးလွှမ်းနေတဲ့ ဘူတန်နိုင်ငံ က တောင်တန်းတွေကို သတိရမိတယ်။ အဲဒီတုန်းက ကိုယ်က ဘူတန်ဘုရင်မိသားစုဝင်တွေကို စာသင်ပေးနေတဲ့အချိန်၊ မင်းကတော့ တော်ဝင်နိုင်ငံခြားရေးရာဌာနမှာ သုသေသနပြုလုပ်ငန်းတွေ လုပ်နေတဲ့အချိန် ပေါ့ ။ ဟိမ၀န္တာတောင်ပြာတန်းကြီးတွေရဲ့ အရိပ်အောက်မှာ ကိုယ်တို့နှစ်ယောက် အပူအပင်ကင်းကင်းနဲ့  အများအကျိုးပြု လုပ်ငန်းတွေကို လုပ်ဆောင်ခွင့်ရခဲ့ကြတယ်လေ။

စုကို ချစ်ရေးဆိုခဲ့တုန်းက၊ တခြားမိန်းကလေးတွေလို “ချစ်ပါတယ်” ဆိုတဲ့ အဖြေစကားမျိုးကို အနှောင်အဖွဲ့ကင်းကင်းနဲ့  ရခဲ့တာ မဟုတ်ပါဘူး။ “မြန်မာပြည်သူတွေရဲ့အရေးကို ဆောင်ရွက်ဖို့  လိုအပ်လာတဲ့ အချိန်မှာ ပြည်တွင်းကို ပြန်ပြီး မြန်မာ့အရေး ဆောင်ရွက်ဖို့  ခွင့်ပြုရမယ်” ဆိုတဲ့ သဘောတူညီမှု အရင်ရပြီးမှသာ ကိုယ့်အချစ်ကို လက်ခံခဲ့တာ လေ။ အဲဒီအချိန်ကတည်းက စုရဲ့နှလုံးသားမှာ တိုင်းပြည်နဲ့  မြန်မာပြည်သူပြည်သားတွေသာ ပထမနေရာမှာ ရှိနေခဲ့တယ်ဆိုတာကို ကိုယ် ကောင်းကောင်း နားလည် သဘောပေါက်ခဲ့ပါတယ်။ ကြုံတွေ့ရလာနိုင်တဲ့ စုရဲ့ မွန်မြတ်တဲ့လုပ်ငန်းစဉ်တွေအတွက် နားလည်မှုရှိစွာနဲ့ ပါရမီဖြည့်ပေးဖို့လဲ ကိုယ် ဆုံးဖြတ်ခဲ့ပါတယ်။

ကိုယ်တို့ ရဲ့ အိမ်ထောင်သက်တမ်း ၁၆ နှစ်တာကာလမှာ စုဟာ ဇနီးကောင်း၊ မိခင်ကောင်း ပီသစွာနဲ့  အိမ်ထောင်တာဝန်ကို နိုင်နိုင်နင်းနင်း ယူနိုင်ခဲ့တယ်။ အလုပ်တာဝန်က တဘက်နဲ့  အိမ်ကို အမြဲတမ်း သပ်သပ်ရပ်ရပ်၊ ရှင်းရှင်းလင်းလင်းနဲ့  ထားတတ်တဲ့ အကျင့်၊ ကလေးတွေအတွက် မွေးနေ့တွေ၊ ပျော်ပွဲရွင်ပွဲတွေကို မပျက်မကွက် လုပ်ပေးခဲ့အကျင့်တွေကြောင့် ခင်မင်ရင်းနှီးတဲ့ သူငယ်ချင်းတွေအကြား စုရဲ့သတင်းဟာ စံပြအိမ်ရှင်မတဦး ဖြစ်လို့  နေခဲ့တယ်။ သားနှစ်ယောက် အသက် ၁၂ နှစ်နဲ့  ၁၄ နှစ်အရွယ်ကို ရောက်လာတဲ့အခါ၊ စုရဲ့မေမေ (ဒေါ်ခင်ကြည်) နေထိုင်မကောင်း ဖြစ်တဲ့ အကြောင်း ဖုန်းရပြီး၊ မြန်မာပြည်ကို ပြန်သွားတဲ့ အချိန်မှာ အဲဒီခရီးဟာ ကိုယ်တို့့မိသားစုရဲ့ ကွဲကွာခြင်းအစလို့  ကိုယ်တို့  အားလုံး ကြိုတင် မသိထားခဲ့ကြဘူးနော်။

စုရေ။ မင်းဟာ အိမ်ထောင်ရှင်မကောင်းတဦးအဖြစ်၊ မိခင်ကောင်းတဦး ဖြစ်ရုံတင်မကပါဘူး။ ဗိုလ်ချုပ်အောင်ဆန်းရဲ့ သမီးကောင်းတယောက်လဲဖြစ်လို့  နေပြန်ပါရောလား။ မေတ္တာတရားပြည့်ဝတဲ့ မိခင်တဦးဘ၀ကနေ၊ နူးညံ့သိမ်မွေ့တဲ့ မြန်မာအမျိုးသမီးတဦး အဖြစ်ကနေ တိုင်းပြည်က လိုအပ်လာပြီဟေ့ ဆိုတဲ့အခါမှာ ကြမ်းတမ်းတဲ့ နိုင်ငံရေးလှုပ်ရှားမှုလမ်းကြောင်းပေါ်ကို ကူးပြောင်းပြီး လူထုကို ဦးဆောင်မှုတွေ ပေးနိုင်ခဲ့ပြန်တယ်။ မိခင်တဦး၊ အိမ်ထောင်ရှင်မတဦးအဖြစ်ကနေ သားတွေကို စွန့် ၊ ခင်ပွန်းကို ထားသွားပြီး နိုင်ငံရေးလုပ်နေတဲ့ စုရဲ့ ပြတ်သားတဲ့ လုပ်ရပ်ကို သူငယ်ချင်းအချို့က နားမလည်စွာနဲ့  ပြောဆိုဝေဖန်ကြတိုင်း သားငယ်ကင်မ်က “မေမေဟာ သူလုပ်ရမယ့် အလုပ်တွေကို လုပ်နေတာပါ” လို့  ပြန်ပြောလေ့ ရှိတယ်။ “ကျွန်မသားတွေ ကျွန်မကို လိုအပ်နေကြမှာကို ကျွန်မ အကြောက်ဆုံးပဲ” လို့  စု ပြောခဲ့ဖူးတယ် လေ။ ကျန်းမာရေး ဂရုစိုက်ပြီး၊ နိုင်ငံရေးလှုပ်ငန်းတခုတည်းအပေါ် အာရုံထားဖို့ ၊ ကလေးတွေအတွက် မပူပန်ဖို့  ဖုန်းထဲကနေ ကိုယ့်ပြောစကားတွေဟာ ကလေးတွေအပေါ် တာဝန်ကျေချင်လွန်းတဲ့ စုအတွက် စိတ်ဖြေစရာ ဖြစ်ခဲ့လိမ့်မယ်လို့  ကိုယ်ထင်ပါတယ်။ မြန်မာပြည်တွင်းက အခြေအနေတွေ ဖရိုဖရဲ ဖြစ်နေချိန်မှာ၊ အထူးသဖြင့် ဆက်သွယ်ရေးတွေ၊ သတင်းထုတ်ပြန်မှုတွေ ညံ့ဖျင်းလွန်းတဲ့ကာလဖြစ်တဲ့ အချိန်မှာ ကိုယ်တို့ သားအဖတွေဟာ စုရဲ့ လှုံခြုံရေးအတွက် အချိန်နဲ့ အမျှ စိုးရိမ်ပူပန်နေခဲ့ကြရပါတယ်။ ဖုန်းသံကြားတိုင်း မင်းဆီက ဒါမှမဟုတ် မင်းအကြောင်းပြောနိုင်တဲ့ လူတယောက်ယောက်ဆီက ဖုန်းလားလို့  အမြဲ မျှော်မိခဲ့ကြတယ်။ “မေမေ ဘယ်တော့ ပြန်လာမလဲ” ဆိုတဲ့ ကလေးတွေ အမေးကို ခဏခဏ ဖြေရတိုင်း ကိုယ့်ရင်မှာ မချိပါဘူး။ မပြောကောင်း မဆိုကောင်း စုကို ဗိုလ်ချုပ်အောင်ဆန်းလို လုပ်ကြံကြမှာကိုလည်း စိုးရိမ်မိပါတယ်။ စိုးရိမ်ပူပန်ရလွန်းတဲ့ အတွက် စုကို နေအိမ်အကျယ်ချုပ် ချလိုက်ပြီ လို့  သတင်းတွေ ထွက်ပေါ်လာတဲ့ အချိန်မှာ အနည်းဆုံး အိမ်ထဲမှာ အသက်အန္တရာယ်တော့ မစိုးရိမ်ရတော့ဘူးပေါ့ ဆိုပြီး ကလေးတွေကို တင်းတင်းကြပ်ကြပ်ဖက်လို့  ကိုယ် ဖြေတွေး တွေးခဲ့ပါတယ်။

မကြာခဏဆိုသလို မြန်မာအစိုးရပိုင် သတင်းစာတွေထဲမှာ နိုင်ငံခြားသားတယောက်ကို လက်ထပ်ထားတဲ့အတွက် မင်းမှာ အပြစ်ရှိကြောင်း ဝေဖန်တိုက်ခိုက်တာတွေ ပေါ်ထွက်လာတိုင်း ကိုယ့်ကြောင့် မင်းရဲ့ လှုပ်ရှားမှုတွေကို ထိခိုက်တော့မလား ဆိုပြီး စိုးရိမ်ခဲ့ရသလို၊ ကိုယ့်ကြောင့် ပြောဆိုတိုက်ခိုက်ခံနေတာကိုလည်း စိတ်မကောင်းကြီးစွာဖြစ်လို့ နေခဲ့ရပါတယ်။ မြန်မာ့အရေးအတွက် ကိုယ်လဲ တတ်နိုင်တဲ့ဘက်က ပါဝင် ဆောင်ရွက်ချင်တာမို့  မြန်မာ့ဒီမိုကရေစီလှုပ်ရှားမှုတွေကို နိုင်ငံတကာက ထောက်ခံအားပေးမှုတွေ ရလာအောင် နိုင်ငံရေး၊ ဘာသာရေးပိုင်းမှာ လူသိများတဲ့ ပုဂ္ဂိုလ်တွေ နဲ့ ကိုယ် တိတ်တဆိတ် သွားရောက် တွေ့ဆုံပြီး စည်းရုံး လှုံ့ဆော်မှုတွေ လုပ်ခဲ့တယ်။ ဒါပေမယ့် ကိုယ့်ရဲ့ လှုပ်ရှားမှုတွေကို မြန်မာအစိုးရက သိသွားရင် မင်းကို ပိုပြီး ထိခိုက်မှာ စိုးတဲ့အတွက် လျှို့ဝှက်စွာနဲ့  ကိုယ် လှုပ်ရှားခဲ့ပါတယ်။ သတင်းသမားတွေ၊ တွေ့ဆုံမေးမြန်းနိုင်ဖို့ ခွင့်လာတောင်းတာတွေကို လဲ ကိုယ်အတတ်နိုင်ဆုံး ရှောင်ရှားခဲ့တယ်။

နေအိမ်အကျယ်ချုပ်ဘ၀နဲ့  ထိန်းသိမ်းထားတဲ့ ကာလအတွင်း၊ အထီးကျန်နေမယ့် မင်းအတွက် ကောင်းနိုးရာရာ စာအုပ်တွေ ပို့ ပေးခဲ့တယ်။ နယ်လ်ဆင်မဲန်ဒဲလားအကြောင်း၊ ဂန္ဒီအကြောင်း အစရှိတဲ့ စာအုပ်တွေ ဟာ မင်းရဲ့ လှုပ်ရှားမှုတွေကို အထောက်အကူပြုနိုင်လိမ့်မယ်လို့  ကိုယ်ထင်ပါတယ်။ အိမ်က နံရံမှာ စုရဲ့ ခပ်ကြီးကြီးတစ်ပုံကို ချိတ်ထားပြီး၊ ဧည့်ခန်းထဲမှာ မင်းအတွက် နိုင်ငံတကာက ချီးမြှင့်ထားတဲ့ ဆုတံဆိပ်မျိုးစုံတွေရယ်၊ မင်း ရထားတဲ့ နိုဘယ်ဆု အပါအ၀င် တခြားဆုတံဆိပ်တွေမျိုးစုံကို ကိုယ် ဂုဏ်ယူစွာနဲ့  ခင်းကျင်း ပြင်ဆင်ထားတယ်။

စုရေ၊ နေအိမ်အကျယ်ချုပ်ဘ၀နဲ့  အထိန်းသိမ်းခံဘ၀ဟာ မင်းအတွက် ရော၊ ကိုယ့်အတွက် ပါ အင်မတန်ရှည်လျားတဲ့ ကာလတွေပါ။ တခါတလေ မင်းအကြောင်း ဘာသတင်းမှ မကြားရတော့ပဲ လပေါင်းများစွာ ကြာသွားတဲ့အခါတွေမှာ လူမသိသူမသိဘ၀နဲ့  မင်း သေများသွားပြီလားလို့  တွေးပူနေချိန်မှာ ဒေါ်စုအိမ်က စန္ဒရားသံကြားရတယ်လို့  သတင်းကြားလိုက်ရလို့  ကိုယ့်မှာ ပြောမပြတတ်လောက်အောင် စိတ်သက်သာရာရသွားတဲ့ အကြိမ်တွေလဲ မနည်းခဲ့ပါဘူး။ ဒါပေမယ့် နောက်ပိုင်းမှာ မင်းအသက်ရှင်နေကြောင်း မျှော်လင့်လို့ ရတဲ့ စန္ဒရားသံတောင် မကြားရတော့ဘူး ဆိုတဲ့ အချိန်မှာ ကိုယ် သွေးပျက်ခဲ့ရပါတယ်။ စန္ဒရားပျက်သွားတာပဲလား၊ ဒါမှမဟုတ် ငွေကြေး ကြပ်တည်းလို့ ရောင်းလိုက်ရတာများလား ဆိုပြီး တွေးပူရသေးတယ်။ ကိုယ့်ဇနီးသည် တယောက်တည်း အားငယ်နေချိန်၊ အခက်အခဲတွေနဲ့  ရင်ဆိုင်နေရချိန်မှာ ခင်ပွန်းသည်တယောက် အနေနဲ့  ရှေ့ကနေ မားမားမတ်မတ်ရပ်ပြီး၊ ဒါမှမဟုတ် အနားမှာ အားပေးခွင့်တောင် မပေးနိုင်တဲ့ ဘ၀ကိုလဲ ကိုယ့်ကိုယ်ကိုယ် မုန်းတီးမိပါတယ်။ ဒါပေမယ့် အများကောင်းကျိုးအတွက် သတိရှိရှိနဲ့ တိုက်ပွဲဝင်နေတဲ့ စုလို အာဇာနည်အမျိုးသမီးရဲ့ခင်ပွန်းသည်ဖြစ်ရတာကိုတော့ ကိုယ် အမြဲတမ်း ဂုဏ်ယူမိပါတယ်။

၁၉၉၅ ခုနှစ်ရဲ့ နေ့တနေ့ မှာ ဖုန်းထဲကနေ စု အသံကို စ, ကြားလိုက်ရပြီး၊ နေအိမ်အကျယ်ချုပ်ဘ၀ကနေ လွတ်မြောက်လာပြီလို့  သိလိုက်ရတော့ ကလေးနှစ်ယောက်ကို လက်ဆွဲပြီး ကိုယ်တို့ တွေ ပျော်ပျော်ပါးပါးနဲ့ မြန်မာပြည်ကို အပြေးသွားခဲ့ကြတယ်။ သားငယ်ကင်မ် က လူပျိုကြီးဖားဖား ဖြစ်နေတာကို မြင်တော့ အပြင်မှာ တွေ့ရင်တောင် ရုတ်တရက် မှတ်မိမှာ မဟုတ်ဘူးလို့  စု ပြောခဲ့သေးတယ် နော်။ စုရေ၊ တယောက်တည်း အကျယ်ချုပ်ဘ၀နဲ့ နေခဲ့ရပေမယ့် မင်းဟာ အရင်ကထက်တောင် ပိုပြီး တည်ငြိမ်လာတာကို သတိထားမိပါတယ်။ ပန်းတွေ ပန်ထားတဲ့ နူးညံ့တဲ့အပြုံးအောက်က ခိုင်မာတဲ့ယုံကြည်ချက်တွေနဲ့့သံမဏိစိတ်ဓာတ်တွေကို ကိုယ် မြင်တွေ့ ခဲ့ရတယ်။ အသက်အရွယ်မရွေး ပါဝင်တဲ့ အမျိုးသား ဒီမိုကရေစီ အဖွဲ့ချုပ် အသင်းသူ၊ အသင်းသားတွေကို ဦးဆောင်မှု ပေးနေတာ မြင်ရတော့ ဒို့မိသားစုတွေ ကွဲကွာနေကြရတာ အလကား မဖြစ်ဘူးဆိုတဲ့ စိတ်နဲ့  ကိုယ် ကျေနပ်ခဲ့မိပါတယ်။

အဲဒီ ၁၉၉၅ ခုနှစ်ဟာ မင်းနဲ့ ကိုယ်နဲ့  နောက်ဆုံးတွေ့ခဲ့ကြရတာပဲ နော်။ ၁၉၉၈ ရောက်တော့ ကိုယ့်မှာ ကင်ဆာ ဖြစ်နေပြီ၊ နောက်ဆုံးအဆင့်လို့  သိလိုက်ရတော့ ကိုယ်အရမ်းကို ချောက်ခြားသွားတယ်။ လူ့  လောကကြီးထဲ နေရဖို့  အချိန်သိပ်မကျန်တော့လို့ ၊ မသေခင်မှာ လူချင်းတွေ့ပြီး နှုတ်ဆက်သွားချင်တယ်။ ဒါကြောင့် မြန်မာသံရုံး ကို သွားပြီး ပြည်ဝင်ခွင့် လျှောက်ထားပေမယ့် ခွင့်မပြုခဲ့ကြဘူး။ မြန်မာအစိုးရရဲ့ ဗီဇာငြင်းပယ်မှုကို အားမလျော့ပဲ ကိုယ် ထပ် ကြိုးစားပေမယ့် နောက်ဆုံး အကြိမ်ပေါင်း ၃၀ လောက် ရှိလာတော့ ကိုယ် အားလျော့လာမိပြီ၊ ခန္ခာကိုယ်ကလဲ သိသိသာသာကို အားနည်းလာတယ်၊ ကိုယ့်အဖြစ်ကို စာနာပြီး ပုပ်ရဟန်းမင်းကြီးနဲ့  အမေရိကန်သမတ ကလင်တန်တို့ အပါအ၀င် တခြား မိတ်ဆွေတွေက မြန်မာအစိုးရဆီကို မေတ္တာရပ်ခံစာ ရေးခဲကြပေမယ့် ဗီဇာ မရခဲ့ပါဘူး။ ဆိုးဝါးရက်စက်လှတဲ့ ကံကြမ္မာကိုပဲ ကိုယ်တို့  အပြစ်တင်ခဲ့ကြရတယ်။ မင်းဆီကို စစ်အရာရှိတယောက်က လာတွေ့ ပြီး ကိုယ်နဲ့  လာတွေ့ဖို့  အင်္ဂလန်ကို အချိန်မရွေး ပြန်နိုင်ကြောင်း၊ လိုအပ်တဲ့ ဗီဇာကို ချက်ခြင်းထုတ်ပေးမယ့် အကြောင်း လာပြောတယ်ဆိုတာ ကိုယ် ပြန် ကြားရတယ်။

အမှန်အတိုင်း ပြောရရင် မသေခင်၊ ဝေဒနာတွေ ခံစားနေရချိန် ကိုယ့်ရဲ့အနားမှာ ကိုယ့်ရဲ့ အချစ်ဆုံးသူ ရှိနေစေချင်ပါတယ်။ ဒါပေမယ့် မြန်မာပြည်ကနေထွက်လာပြီးရင် ပြည်ဝင်ခွင့်အပိတ်ခံရမှာမို့  စု ကို ယုံကြည်အားထားနေတဲ့ ပြည်သူလူထုကို မင်း ဘယ်လို အင်အားနဲ့မှ ထားရက်ခဲ့နိုင်မှာ မဟုတ်ဘူးဆိုတာ ကိုယ် သိနေပြီးသား ပါ။ တိုင်းပြည်နဲ့ မိသားစုအရေး ပြတ်ပြတ်သားသား ရွေးချယ်ရမယ့် အခြေအနေတခုကို စစ်အစိုးရက အတင်း ဖန်တီးနေခဲ့ပေမယ့်၊ ကိုယ်တို့  နှစ်ယောက်က အဲဒီလို အဖြစ်မခံခဲ့ကြဘူး နော်။ ကိုယ်တို့ ချစ်သူတွေ မဖြစ်ခင်ကတည်းက တိုင်းပြည်နဲ့ ပြည်သူတွေသာလျှင် ပဓာန ဆိုတာ နှစ်ယောက်စလုံး နားလည်သဘောတူခဲ့ပြီးသားမို့ ၊ မင်း ပြန်လာဖို့  ဆိုတဲ့ အကြောင်းကို ကိုယ်တို့ ဆွေးနွေးစရာတခုအနေနဲ့ တောင် မယူဆခဲ့ကြဘူး။

စုရေ၊ ကုစရာဆေး မရှိတဲ့ ကင်ဆာရောဂါကြောင့် နာကျင်ကိုက်ခဲတဲ့ ဝေဒနာတွေကို အံကြိတ် ခံစားရင်း ဗြိတိသျှသံရုံးကနေတဆင့် မင်း ဆက်လာမယ့်ဖုန်းကို မျှော်ရင်း၊ ပြန်ဆုံကြမယ်လို့ ကြိုးစားပြီး အားခဲနေခဲ့ပေမယ့်၊ ကိုယ် လမ်းတောင် ကောင်းကောင်း မလျှောက်နိုင်လောက်အောင် အားအင်တွေ ချိနဲ့ လာနေပြီ။ တကယ်လို့  ကိုယ် သေသွားခဲ့ရင် ကိုယ့်ကို လာမတွေ့နိုင်တဲ့အတွက် စိတ်မကောင်းမဖြစ်ပါနဲ့ ၊ ကိုယ်တို့မိသားစု အနစ်နာခံကြရတာတွေ အချည်းနှီးမဖြစ်ပါစေနဲ့ ။ စုကို ပိုပြီး လိုအပ်နေကြတဲ့ သန်းပေါင်းများစွာသော ပြည်သူတွေရဲ့မျက်နှာကို ကြည့်ပါနော်။ ဖြစ်နိုင်ရင် မြန်မာပြည် ဒီမိုကရေစီ ရလာပြီး နောင်လာနောက်သားတွေ ကောင်းစားတာကို ကိုယ်မြင်တွေ့ သွားချင်ပါတယ်။ ဒါပေမယ့် ကိုယ့်အမြင်တွေ ကေ၀၀ါးလာနေပြီ။ အသက်ရှုရတာလဲ ပိုပြီး ခက်လာတယ်။ ဟိုး ခပ်ဝေးဝေးကနေ အပြေးတ၀က် လှမ်းလာနေတဲ့ စုရဲ့ ပုံရိပ်ကလည်း ဝေးလို့ ဝေးလို့  ဝေလို့ ၀ါးလို့ ကျန်နေခဲ့ပြီ ကော။

***********************************************************************

(မိုက်ကယ်၏ အမြွာညီအစ်ကို အန်ထော်နီရဲ့ ပြောကြားချက်အရ ဒေါ်အောင်ဆန်းစုကြည်က ခင်ပွန်းဖြစ်သူ မိုက်ကယ်အဲရစ် မသေခင် နှုတ်ဆက်စကားပြောတဲ့ ဗီဒီယိုအခွေကို ဗြိတိသျှသံရုံးကနေ တဆင့် မိုက်ကယ့်ဆီကို ပို့ ပေးခဲ့ပေမယ့် အဲဒီခွေဟာ မိုက်ကယ်ဆုံးပြီး ၂ ရက်အကြာမှ ရောက်လာခဲ့တဲ့ အတွက် မိုက်ကယ် ကြည့်ခွင့် မရလိုက်ဘူးလို့ သိရပါတယ်။)

ဝန်ခံချက်၊ ။ ဒေါ်အောင်ဆန်းစုကြည်နဲ့ မိုက်ကယ်အဲရစ်အကြောင်း ကျွန်မ ဖတ်ဖူးသော စာများမှ အချက်အလက်များကို ကိုးကားပြီး ရေးသားထားခြင်း ဖြစ်ပါတယ်။

ကိုးကား

1. The untold love story of Burma\'s Aung San Suu Kyi By Rebecca Frayn (Telegraph, Dec 11, 2011)

2. http://en.wikipedia.org/wiki/Michael_Aris
ဘာသာပြန် - မိုက်ကယ်လ် အဲရစ်စ် ဒေါ်အောင်ဆန်းစုကြည် မစုဉာဏ် - Feb 29 2012 01:10 PM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
မစုဉာဏ် ရဲ့ ဆောင်းပါးများ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005