ဘိုးလိင်းဂရင်းမြို့က အပြည်ပြည်ဆိုင်ရာပွဲတော်




နှစ်စဉ် ကျင်းပလေ့ရှိတဲ့ ကဲင်တပ်ကီပြည်နယ် ၊ ဘိုလိင်းဂရင်းမြို့ အပြည်ပြည်ဆိုင်ရာပွဲတော်ကို ဘိုလိင်းဂရင်းမြို့လယ်ရှိ ''Circus Square Park'' တွင် ၂၀၁၂ ခု၊ စက်တင်ဘာ၂၉ ရက်၊ စနေနေ့  နံနက် ၉ နာရီမှ ည ၇ နာရီအထိ၊ စည်ကားသိုက်မြိုက်စွာ ကျင်းပခဲ့ပါတယ်။

ဒီနှစ်ပွဲတော်မှာ နိုင်ငံပေါင်း ၃၀ ကျော်ကို ကိုယ်စားပြုတဲ့ ပြခန်းတွေ၊ နိုင်ငံအလိုက် ယဉ်ကျေးမှု အနုပညာ တီးမှုတ်၊ သီဆို၊ ကပြတာတွေ ပါဝင်ပါတယ်။ ထို့အပြင် အပြည်ပြည်ဆိုင်ရာ အစားအသောက်ဆိုင်များလည်း ဖွင့်လှစ် ရာင်းချ၊ကြတာ တွေ့ရပါတယ်။

ဘိုလိင်းဂရင်းမြို့နေ မြန်မာပြည်ဖွား ကရင် ၊ ကယား (ကရင်နီ)၊ ချင်း ၊ မြန်မာတွေ စုပေါင်းပြီး မိမိတို့ ရိုးရာ ဓလေ့ထုံးစံ၊ အ၀တ်အစား၊ အသုံးအဆောင် ၊ ဘာသာစကား၊ ယဉ်ကျေးမှုဆိုင်ရာ၊ ပြကွင်းပြကွက်တွေအပြင် မြန်မာပြည် သမိုင်းအကျဉ်းချုပ်နဲ့  နိူင်ငံရေး၊ စီးပွားရေး၊ လူမျိုးစုရေးရာ စတာတွေကို ဖေါ်ပြတဲ့ မြန်မာပြည်ပြခန်း (Burma Booth) ကိုလည်း တင်ဆက်ခဲ့ပါတယ်။

ယဉ်ကျေးမှု အနုပညာ ဖျော်ဖြေရေးအပိုင်းမှာ ကရင်အမျိုးသား၊ အမျိုးသမီးများရဲ့ ကောက်ရိပ်ပွဲအက၊ ''ကရင်ပြည်နယ်က ကြိုဆိုနေပါတယ်'' အက၊ နှစ်သစ်ကူး ကရင်ဒုံးအက၊ ကယားအဖွဲ့ရဲ့ ကယား အမျိုးသမီး၊ အမျိုးသားများ ရိုးရာအက၊ ချင်းအဖွဲ့ရဲ့ ၀ါးညှပ်အက၊ မြန်မာအဖွဲ့ရဲ့ တပင်တိုင်အက၊ မန်းတောင်ရိပ်ခို သင်္ကြန် ယိမ်းအကများနဲ့ ၊ ပရိတတ်တွေကို ဖျော်ဖြေ တင်ဆက်ကြပါတယ်။

အပြည်ပြည်ဆိုင်ရာပွဲတော် ပြုလုပ် ကျင်းပရခြင်းရဲ့ အဓိက ရည်ရွယ်ချက်တွေကတော့ ဘိုလိင်းဂရင်းမြို့တွင် နေထိုင်ကြတဲ့ နိုင်ငံတကာကလူမျိုးတွေရဲ့ ရိုးရာ ဓလေ့ထုံးစံ၊ ဘာသာစကား စတာတွေကို၊ မြို့ခံနဲ့ အနီးပတ်ဝန်းကျင် ပြည်နယ်တွေမှာ နေထိုင်ကြတဲ့ အမေရိကန်ပြည်သူပြည်သားတွေ ထိတွေ့ နားလည် သဘောပေါက် လေးစားလာကြရာကတဆင့် လူမျိုးအချင်းချင်း ပိုမို ခင်မင်ရင်းနှီးမှု၊ နားလည် ပူးပေါင်း ဆောင်ရွက်မှုတွေ တိုးတက် ဖြစ်ထွန်း ပေါ်ပေါက်လာဖို့ပဲ ဖြစ်ပါတယ်။

ပွဲတော်မှာ တင်ဆက်ခဲ့တဲ့ တိုင်းရင်းသားများအကများနဲ့ မြန်မာပြည်ပြခန်းဆိုင်ရာ ဓါတ်ပုံများကို မိတ်ဆွေများအားလုံးအတွက် ဖေါ်ပြလိုက်ပါတယ်။
ဓါတ်ပုံ သတင်း - ဘိုးလိင်းဂရင်းမြို့ အပြည်ပြည်ဆိုင်ရာပွဲတော် - Oct 3 2012 11:40 AM EST
သတင်းမာတိကာ
ကဗျာ မာတိကာ
အနုပညာသတင်း မာတိကာ
သတင်းစာမျက်နှာများ ၊ စာပေ ဂီတ အနုပညာ စာမျက်နှာ ၊ မြန်မာအသိုင်းအ၀ိုင်းစာမျက်နှာ ၊ အဖွဲ့အစည်းများ
ရန်ကုန် မိုးလေ၀သ (Rangoon Weather Forecast)Find more about Weather in Rangoon, BM
Click for weather forecast
1 US Dollar = 822 Kyats
အမေရိကန် ၁ ဒေါ်လာ = မြန်မာငွေ ၈၂၂ ကျပ်
May 3, 2012
since December 12, 2005